Къырым Мухтар Джумхуриети Анаясасынынъ 26-нджы маддесиндеки экинджи къысымынынъ 1-нджи пунктына бинаен
Къырым Мухтар Джумхуриетининъ Юкъары Радасы къарар бере:
Къырым Мухтар Джумхуриети Юкъары Радасынынъ 2007 сенеси октябрь 24-де къабул олунгъан 607-5/07 санлы Къарарынен (Къырым Мухтар Джумхуриетининъ норматив-укъукъий актлар Топламы, 2007 с., № 10, 987 мад.) тасдикълангъан Къырым Мухтар Джумхуриети территориясында дженкчилер дефн олгъан ерлерини тапув, хаберсиз екъ олгъан совет дженкчилерни тапув, 1941—1945 сенелери Улу Ватан дженкинде эляк олгъанларнынъ мевталарыны гъайрыдан дефн этюв ве афизаны эбедийлештирюв боюнджа 2008—2010 сенелерине «Солдатны тапмакъ!» Тедбирлерге ашагъыдаки денъишме кирсетильсин:
IV болюгининъ 3-нджи бабына ашагъыдаки мундериджели 8-нджи пункт къошулсын:
«8. Евпатория ш. «Къырмызы къырчыкъ» мемориаль комплексини гъайрыдан тиклев ве эйилештирюв боюнджа ишлер откерильсин.
| Эда этиджилер: | КъМДж назирлер Шурасы |
| Эда этюв муддети: | 2009 сенеси». |
2. 2009 сенесине Къырым Мухтар Джумхуриетининъ бюджет лейхасы тешкиль этильмеси вакъытында Евпатория ш. «Къырмызы къырчыкъ» мемориаль комплекси гъайрыдан тикленмесине акъикъий малиевий имкяны сынъырларында тахсислер айырылмасыны козьде тутмакъ Къырым Мухтар Джумхуриетининъ назирлер Шурасына авале этильсин.
3. Мезкюр Къарарнынъ эда этильмеси боюнджа незарет Къырым Мухтар Джумхуриети Юкъары Радасынынъ медениет, яшлар ишлери ве спорт боюнджа Даимий комиссиясына авале этильсин.
4. Мезкюр Къарар къабул этильген кунюнден арекетке кире.
| Къырым Мухтар Джумхуриети Юкъары Радасынынъ Реиси | А. ГРИЦЕНКО |
| Симферополь ш., 2008 сенеси, ноябрь 19, № 1049-5/08 |