Къырым Мухтар Джумхуриети Анаясасынынъ 26-нджы маддесиндеки экинджи къысымынынъ 1-нджи пунктына, Къырым Мухтар Джумхуриети Укюметининъ 1995 сенеси ноябрь 2-де къабул олунгъан 325 санлы Къарарынен тасдикълангъан Къырым Мухтар Джумхуриетининъ мулькиет Фонду акъкъында Низамнамесининъ 1-нджи пунктына бинаен
Къырым Мухтар Джумхуриетининъ Юкъары Радасы къарар бере:
1. Къырым Мухтар Джумхуриетининъ назирлер Шурасынен 2008 сенеси август 19-да къабул олунгъан «Къырым Мухтар Джумхуриетининъ мулькиет Фонду акъкъында Низамнамеге денъишме кирсетюв акъкъында» 445 санлы Къарарынен (Къырым Мухтар Джумхуриетининъ норматив-укъукъий актлар Топламы, 2008 с., № 8, 670 мад.) кирсетильген Къырым Мухтар Джумхуриети Укюметининъ 1995 сенеси ноябрь 2-де къабул олунгъан 325 санлы Къарарынен тасдикълангъан Къырым Мухтар Джумхуриетининъ мулькиет Фонду акъкъында Низамнамеге денъишме ашагъыдаки тарирде арз этильсин:
«4-нджи пунктынынъ 4.44 пунктастына ашагъыдаки мундериджели экинджи сатыр башы къошулсын:
«Къырым Мухтар Джумхуриетине менсюп олгъан мулькиетининъ иджареси боюнджа мукъавелелернинъ шартлары ве иджареси мукъавелелерининъ шартлары, ярышлар откерюв шартлары биринджиден Къырым Мухтар Джумхуриети Юкъары Радасынынъ саиплештирюв меселелери боюнджа Незарет комиссиясынен уйгъунлаштырыла».
2. Къырым Мухтар Джумхуриети назирлер Шурасынынъ 2008 сенеси август 19-да къабул олунгъан «Къырым Мухтар Джумхуриетининъ мулькиет Фонду акъкъында Низамнамесине денъишме кирсетюв акъкъында» 445 санлы Къарарыны мезкюр Къарарнынъ 1-нджи пунктында арз этильген мукъавелештирильген тарирге уйгъунлаштырув Къырым Мухтар Джумхуриетининъ назирлер Шурасына авале этильсин.
3. Мезкюр Къарар къабул этильген кунюнден арекетке кире.
| Къырым Мухтар Джумхуриети Юкъары Радасынынъ Реиси | А. ГРИЦЕНКО |
| Симферополь ш., 2008 сенеси, октябрь 23, № 1014-5/08 |