КъМДж ЮР Къарары

2009 сенесине къырым караимлери ве крымчакларнынъ тарихий-медениет асабалыгъыны сакълап къалув боюнджа тедбирлер акъкъында

Къырым Мухтар Джумхуриети Анаясасынынъ 14-нджи маддесине бинаен, къырым караимлери ве крымчакларнынъ тарихий-медениет асабалыгъыны къорув меселелерининъ семерели чезилюви макъсадынен

Къырым Мухтар Джумхуриетининъ Юкъары Радасы къарар бере:

1. 2009 сенесине къырым караимлери ве крымчакларнынъ тарихий-медениет асабалы­гъыны сакълап къалув боюнджа тедбирлер тасдикълансын (иляве этилелер)*.

2. Къырым Мухтар Джумхуриетининъ назирлер Шурасына:

2009 сенесине Къырым Мухтар Джумхуриетининъ бюджет лейхасыны азырлав вакъытында тасдикълангъан тедбирлернинъ откерильмесине 560,0 бинъ грн. микъдарында паралар козьде тутулсын;

Къырым караимлери ве крымчакларнынъ тарихий-медениет асабалыгъыны сакълап къалув боюнджа тедбирлернинъ беджерильмеси боюнджа ишлерини координирлев.

3. Къырым Мухтар Джумхуриетинде ерли мустакъиль идарелиги органларына тевсие этильсин:

Къырым караимлери ве крымчакларнынъ медениет асабалыгъы къорулмасы боюнджа ерли тедбирлер ишлеп чыкъарылсын ве тасдикълансын;

Къырым караимлери ве крымчакларнынъ медениет асабалыгъы къорулмасы боюнджа тедбирлерни 2009 сенесине ерли бюджетлеринде малиенен теминлевине паралар козьде тутулсын.

4. Мезкюр Къарарнынъ эда этильмеси боюнджа незарет миллетлерара мунасебетлер ве сюргюн олунгъан гражданлар проблеммалары боюнджа Даимий комиссиясына авале этильсин.

5. Мезкюр Къарар къабул этильген кунюнден арекетке кире.