Къырым Мухтар Джумхуриети Анаясасынынъ 26-нджы маддесиндеки экинджи къысымынынъ 11-нджи пунктына, «Украина Гражданлар мудафаасы акъкъында» Украина Къанунынынъ 5, 13 мадделерине, «Эали ве территорияларны техноген ве табиат хасиетли февкъульаде вазиетлерден къорув акъкъында» Украина Къанунынынъ 8-нджи маддесине, «Гражданлар мудафаасынынъ укъукъий темеллери акъкъында» Украина Къанунына, Украина Президентининъ 2001 сенеси февраль 9-да къабул олунгъан «Эали ве территорияларны техноген ве табиат хасиетли февкъульаде вазиетлерден къорувыны юксельтюв боюнджа тедбирлер акъкъында» 80/2001 санлы Эмирине, Украина Назирлер Кабинетининъ 1999 сенеси февраль 15-те къабул олунгъан «Февкъульаде вазиетлерде хабер берюв ве алякъа тешкиль этюв акъкъында Низамнамени тасдикълав акъкъында» 192 санлы Къарарына, 2004 сенеси март 4-те къабул олунгъан «2004—2010 сенелерине ФВН алякъа, хабер берюв ве малюматнен теминлев тертибатынынъ Комплекс инкишаф программасыны тасдикълав акъкъында» 109-р санлы Ферманына бинаен
Къырым Мухтар Джумхуриетининъ Юкъары Радасы къарар бере:
1. 2009—2010 сенелерине Къырым Мухтар Джумхуриетининъ гражданларны къорчалав меркезий хабер берюв автоматик тертибатыны инкишаф этюв ве мукеммеллештирюв Региональ комплекс программасы тасдикълансын (иляве этиле)*.
2. 2009—2010 сенелерине Къырым Мухтар Джумхуриетининъ гражданлар къорчалав меркезий хабер берюв автоматик тертибатыны инкишаф этюв ве мукеммеллештирюв Региональ комплекс программасы эда этильмеси ичюн 2009—2010 сенелерине Къырым Мухтар Джумхуриетининъ бюджет лейхаларыны тешкиль этюв вакъытында паралар козьде тутмакъ Къырым Мухтар Джумхуриетининъ назирлер Шурасына авале этильсин.
3. Мезкюр Къарарнынъ эда этильмеси боюнджа незарет укъукъий меселелер, укъукъий тертип ве февкъульаде вазиетлер боюнджа Даимий комиссиясына авале этильсин.
4. Мезкюр Къарар къабул этильген кунюнден арекетке кире.
| Къырым Мухтар Джумхуриети Юкъары Радасынынъ Реиси | А. ГРИЦЕНКО |
| Симферополь ш., 2008 сенеси, октябрь 23, № 1008-5/08 |