Украина Анаясасынныъ 150-нджи маддесине, «Украина Анаяса Махкемеси акъкъында» Украина Къанунынынъ 40-нджы маддесине, Къырым Мухтар Джумхуриети Анаясасынынъ 19-нджы маддесине бинаен
Къырым Мухтар Джумхуриетининъ Юкъары Радасы къарар бере:
1. 2008 сенеси июнь 18-де къабул олунгъан «Украина ички ишлер Назирлигининъ муавини — Къырым Мухтар Джумхуриетинде Украина ИИН баш идарелигининъ ребери Ильчев Н. А. тайин этильмеси акъкъында» 855-р санлы ферманынынъ Украина Анаясасына уйгъунлыгъы (анаясалыгъы) акъкъында Анаяса такъдимнамеси тасдикълансын (иляве этиле)*.
2. Мезкюр Анаяса такъдимнамеси Украина Анаяса Махкемесине еллансын.
3. Мезкюр Анаяса такъдимнамеси боюнджа Украина Анаяса Махкемесинде Къырым Мухтар Джумхуриети Юкъары Радасынынъ менфаатларыны такъдим этюв ичюн векялетли шахслар оларакъ Къырым Мухтар Джумхуриети Юкъары Радасынынъ укъукъий меселелер, укъукъий тертиб ве февкъульаде вазиетлер боюнджа Даимий комиссиясынынъ реиси Лубина Л.Е., Къырым Мухтар Джумхуриети Юкъары Радасы Кятибиетининъ Адлие идарелигининъ баш муавини Шевель В.Б. тайин этильсин.
4. Мезкюр Къарар къабул этильген кунюнден арекетке кире.
| Къырым Мухтар Джумхуриети Юкъары Радасынынъ Реиси | А. ГРИЦЕНКО |
| Симферополь ш., 2008 сенеси, октябрь 23, № 1005-5/08 |