Къырым Мухтар Джумхуриети Анаясасынынъ 26-нджы маддесиндеки экинджи къысымынынъ 1-нджи пунктына бинаен, Къырым Мухтар Джумхуриетининъ символикасыны популярлаштырув, Къырым Мухтар Джумхуриетининъ Байрагъына урьметли мунасебетлерини тербиелев макъсадларында
Къырым Мухтар Джумхуриетининъ Юкъары Радасы къарар бере:
1. Къырым Мухтар Джумхуриети Юкъары Радасынынъ 1999 сенеси апрель 21-де къабул олунгъан № 455-2/99 санлы Къарарынен (Къырым Мухтар Джумхуриетининъ норматив-укъукъий актлар Топламы, 1999 с., № 4, 319 мад.; 2008 с., № 5, 380 мад., № 6, 458 мад.) тасдикълангъан Къырым Мухтар Джумхуриетининъ ярарлыкълар аляметлери акъкъында Низамнамеге ашагъыдаки денъишме кирсетильсин:
«Умумий къаиделер» I болюгине ашагъыдаки мундеридженен 8-1 пункты къошулсын:
«8-1. Къырым Мухтар Джумхуриетининъ Куню ве Къырым Мухтар Джумхуриетининъ Анаяса Куню тантаналы мукяфатлав мерасимлери вакъытында Къырым Мухтар Джумхуриетининъ девлет мукяфатларынен ве ярарлыкъ аляметлеринен мукяфатлангъанларгъа Къырым Мухтар Джумхуриетининъ Байрагъы такъдим этиле».
2. Эр йыл Къырым Мухтар Джумхуриетининъ бюджет лейхалары тешкиль этильгенде Къырым Мухтар Джумхуриетининъ Юкъары Радасы ишлери Идарелигине мезкюр Къарарнынъ 1-нджи пункты амельге кечирильмеси ичюн лязим паралар козь огюне алув Къырым Мухтар Джумхуриетининъ назирлер Шурасына авале этильсин.
3. Мезкюр Къарарнынъ эда этильмеси боюнджа незарет Къырым Мухтар Джумхуриети Юкъары Радасынынъ мандат, депутат этикасы, Юкъары Радасы ишни тешкилятландырув ве кутьлевий малюмат васталары боюнджа Даимий комиссиясына, Къырым Мухтар Джумхуриети Юкъары Радасынынъ икътисадият, бюджет-малие ве берги сиясети боюнджа Даимий комиссиясына авале этильсин.
4. Мезкюр Къарар къабул этильген кунюнден арекетке кире.
| Къырым Мухтар Джумхуриети Юкъары Радасынынъ Реиси | А. ГРИЦЕНКО |
| Симферополь ш., 2008 сенеси, октябрь 23, № 1004-5/08 |