Къырым Мухтар Джумхуриети Анаясасынынъ 8-нджи маддесине, 26-нджы маддесиндеки экинджи къысымынынъ 1-нджи пунктына бинаен
Къырым Мухтар Джумхуриетининъ Юкъары Радасы къарар бере:
1. Къырым Мухтар Джумхуриетинде эр йыл январь 19-да Байракъ Куню откерильсин.
2. Эр йыл Къырым Мухтар Джумхуриетининъ назирлер Шурасына авале этильсин:
Къырым Мухтар Джумхуриети территориясында Къырым Мухтар Джумхуриетининъ Байракъ Куню откерильмеси боюнджа тантаналы тедбирлер планы тайинленген тертипте тасдикълансын;
Къырым Мухтар Джумхуриети территориясында Къырым Мухтар Джумхуриетининъ Байракъ Куню откерильмеси боюнджа тантаналы тедбирлерни малиенен теминлевге Къырым Мухтар Джумхуриетининъ бюджет лейхалары тешкиль этильмеси вакъытында макъсадлы тахсислер берильмеси козьде тутулсын.
3. Мезкюр Къарарнынъ эда этильмеси боюнджа незарет Къырым Мухтар Джумхуриети Юкъары Радасынынъ укъукъий меселелер, укъукъий тертип ве февкъульаде вазиетлер боюнджа даимий комиссиясына авале этильсин.
4. Мезкюр Къарар къабул этильген кунюнден арекетке кире.
| Къырым Мухтар Джумхуриети Юкъары Радасынынъ Реиси | А. ГРИЦЕНКО |
| Симферополь ш., 2008 сенеси, октябрь 23, № 1003-5/08 |