Постановление ВР АРК (регуляторный акт)

Украина сынъырларындан тыш истисал этильген юксек­ семерели захире джыйыштырыджы комбайнлернен машина-трактор паркны янъылаштырув вакъытында оларны сатын алувда бир къысмы теленмеси иле койходжалыгъы истисалынен огърашкъан ишханелерге — адлие шахсларгъа малиевий ярдым косьтерюв акъкында

Украина Анаясасынынъ 137-нджи маддесиндеки биринджи къысымынынъ 1-нджи пунктына, Къырым Мухтар Джумхуриети Анаясасынынъ 18-нджи маддесиндеки биринджи къысымынынъ 2-нджи пунктына, «Къырым Мухтар Джумхуриетининъ Юкъары Радасы акъкъында» Украина Къанунынынъ 3-нджи маддесиндеки биринджи къысымынынъ 1-нджи пунктына бинаен, «2015 сенесине къадар девлет аграр сиясетининъ эсас принциплери акъкъында» Украина Къануны эда этильмеси ичюн ве Къырым Мухтар Джумхуриети икътисадиятынынъ аграр болюги инкишафыны теминлев, девлет аграр сиясети эда этильмеси вакъытында тертибат ве комплекслигини теминлев макъсадларында

Къырым Мухтар Джумхуриетининъ Юкъары Радасы къарар бере:

1. Украина сынъырларындан тыш истисал этильген юксек семерели захире джыйыштырыджы комбайнлернен машина-трактор паркны янъылаштырув макъсадынен 2008 сенеде сатын алувда бир къысмы теленмеси иле койходжалыгъы истисалынен огърашкъан ишханелерге — адлие шахсларгъа малиевий ярдым косьтерюв акъкъында Низамнамеси тасдикълансын (иляве этиле)*.

2. Украинанынъ сынъырларындан тыш истисал этильген юксек семерели захире джы­йыджы комбайнлернен машина-трактор паркни янъылаштырувда, 2008 сенеси оларны сатын алувда бир къысмыны телевинен, кой ходжалыгъы истисалынен огърашкъан ишханелер — адлие шахсларгъа малиевий ярдым костерильмесинде Къырым Мухтар Джумхуриетининъ бюджет параларнынъ баш такъсимлейиджиси оларакъ Къырым Мухтар Джумхуриетининъ аграр сиясети Назирлиги сайылсын.

3. 2008 сенеси кетишатында мезкюр тертипке къойгъан актнынъ нетиджесини излемек Къырым Мухтар Джумхуриетининъ назирлер Шурасына авале этильсин, сонъра нетиджелери «Крымские известия» газетасында 2009 сенеси февраль айында дердж этильсин.

4. Мезкюр Къарарнынъ эда этильмеси боюнджа незарет Къырым Мухтар Джумхуриети Юкъары Радасынынъ аграр ве топракъ меселелери, экологик ве табиаттан анълакъсал файдаланув боюнджа Даимий комиссиясына авале этильсин.

5. Мезкюр Къарар къабул этильген кунюнден арекетке кире.