Къырым Мухтар Джумхуриети Анаясасынынъ 26-нджы маддесиндеки экинджи къысымынынъ 1-нджи пунктына бинаен
Къырым Мухтар Джумхуриетининъ Юкъары Радасы къарар бере:
1. Къырым Мухтар Джумхуриети Юкъары Радасынынъ 2008 сенеси февраль 20-де къабул олунгъан «Къырым Мухтар Джумхуриети Юкъары Радасынынъ 2007 сенеси декабрь 19-да къабул олунгъан 689-5/07 санлы Къарарынен тасдикълангъан 2008—2009 сенелерине Къырым Мухтар Джумхуриетинде джинаетчиликнинъ огюни алув Региональ комплекс программасына денъишмелер кирсетюв ве мезкюр Региональ программасыны эда этиджилери боюнджа тахсислерни олештирюв акъкъында» 755-5/08 санлы Къарарына (Къырым Мухтар Джумхуриетининъ норматив-укъукъий актлар Топламы, 2008 с., № 2, 53 мад., № 5, 379 мад.) ашагъыдаки денъишме кирсетильсин:
2-нджи пунктына ашагъыдаки мундериджели сатыр башы къошулсын:
«Къырым Мухтар Джумхуриетининъ Прокуратурасына — 700,0 бинъ грн.
(100,0 бинъ грн. — махсус бланклар, махсус донатма сатын алынувына, 50,0 бинъ грн. — «Къанунджылыкъ» малюмат-араштырув тертибатыны рефакъат этювине, 100,0 бинъ грн. — компьютер тертибатыны янъылаштырувына, 80,0 бинъ грн. — къорув хызметлерине (шу сырада сигнализация), 30,0 бинъ грн. — багъ, интернет, интернет-портал ичюн, 30,0 бинъ грн. — лицензион антивирус программ теминаты ерлештирильмесине, 70,0 бинъ грн. — Къырым Мухтар Джумхуриети Прокуратурасынынъ аппаратыны лицензион программ теминатынен эда этюв, 240,0 бинъ грн. — Къырым Мухтар Джумхуриетининъ Прокуратурасы органларынынъ корпоратив компьютер агъларыны яратувына)».
2. Къырым Мухтар Джумхуриети Юкъары Радасынынъ 2002 сенеси декабрь 18-де къабул олунгъан «Къырым Мухтар Джумхуриетининъ умумий ерли ве Апелляцион махкемелерининъ, Симферополь гарнизонынынъ Арбий ерли махкемесининъ, Къырым Мухтар Джумхуриетининъ Ходжалыкъ махкемесининъ, Севастополь аппеляцион ходжалыкъ махкемесининъ, Къырым Мухтар Джумхуриетининъ Чевре мемурий махкемесининъ, 2003—2008 сенелерине Севастополь аппеляцион мемурий махкемесининъ фаалиетини теминлев Региональ программасы акъкъында» 389-3/02 санлы Къарарына (Къырым Мухтар Джумхуриетининъ норматив-укъукъий актлар Топламы, 2002 с., № 12, 1304 мад; 2005 с., № 10, 932 мад.; 2006 с., № 2, 19 мад.; 2007 с., № 5, 439 мад.) ашагъыдаки денъишме кирсетильсин:
ашагъыдаки мундериджели 3-2 пункт къошулсын:
«3-2. Къырым Мухтар Джумхуриетинде махкемелернинъ фаалиетини теминлев боюнджа тедбирлернинъ беджерильмесине Украина Девлет бюджетине 2008 сенесине Къырым Мухтар Джумхуриетининъ бюджетинден субвенция паралары такъсим этильсин:
500,0 бинъ грн. — Къырым Мухтар Джумхуриетининъ Аппелляцион махкемесине (Симферополь ш., Павленко сокъ., 2 адреси боюнджа ерлешкен Къырым Мухтар Джумхуриетининъ Аппеляцион махкемесининъ бинасы ве одаларыны агъымдаки тамирлев боюнджа ишлернинъ беджерильмесине)».
3. Къырым Мухтар Джумхуриети Юкъары Радасынынъ 1999 сенеси апрель 21-де къабул олунгъан 455-2/99 санлы Къарарынен (Къырым Мухтар Джумхуриетининъ норматив-укъукъий актлар Топламы, 1999 с., № 4, 319 мад; 2008 с., № 5, 380 мад., № 6, 458 мад.) тасдикълангъан Къырым Мухтар Джумхуриетининъ ярарлыкълар аляметлери акъкъында Низамнамеге ашагъыдаки денъишме кирсетильсин:
V болюгининъ 1-нджи бабындаки 3-нджи пунктынынъ учюнджи сатыр башында «Къырым Мухтар Джумхуриети Юкъары Радасынынъ Кятибиетинде хызмет косьтерген консультантлар сырасындан» сатыры чыкъарылсын.
4. Мезкюр Къарарнынъ эда этильмеси боюнджа незарет Къырым Мухтар Джумхуриети Юкъары Радасынынъ укъукъий меселелер, укъукъий тертип ве февкъульаде вазиетлер боюнджа Даимий комиссиясына авале этильсин.
5. Мезкюр Къарар къабул этильген кунюнден арекетке кире.
| Къырым Мухтар Джумхуриети Юкъары Радасынынъ Реиси | А. ГРИЦЕНКО |
| Симферополь ш., 2008 сенеси, октябрь 23, № 998-5/08 |