Къырым Мухтар Джумхуриети Анаясасынынъ 31-нджи маддесининъ экинджи къысымына, «Къырым Мухтар Джумхуриетининъ Юкъары Радасы акъкъында» Украина Къанунынынъ 13-нджи маддесининъ биринджи къысымына, Къырым Мухтар Джумхуриети Юкъары Радасы Регламентининъ 64-нджи маддесининъ биринджи къысымына, 68-нджи маддесининъ экинджи къысымына бинаен, Украина Юкъары Радасынынъ 2001 сенеси июль 5-те къабул олунгъан 2541-III санлы Къарарынен тасдикълангъан Украина Юкъары Радасынынъ Фахрий ярлыгъы ве Ярлыгъы акъкъында Низамнамесининъ 10, 12 пунктлары амельге кечирильмеси боюнджа меселелернинъ амельдеки чезилюви макъсадларында
Къырым Мухтар Джумхуриетининъ Юкъары Радасы к ъ а р а р б е р е:
1. Украина Юкъары Радасынынъ Фахрий ярлыгъы ве Ярлыгъы иле мукяфаты такъдим этильмеси акъкъында риджанамелерини Украина Юкъары Радасына кирсетюв боюнджа векялетлери Къырым Мухтар Джумхуриети Юкъары Радасынынъ Президиумына теслим этильсин.
2. Мезкюр Къарарына эсасланып мукяфатлары акъкъында риджанамелерини Украина Юкъары Радасына кирсетмек ичюн лязим весикъалар азырламакъ Къырым Мухтар Джумхуриети Юкъары Радасы Кятибиетининъ ишханелери, муэссиселер ве тешкилятлары, гражданлары тарафындан мураджаатларынен алып баргъан ишлер боюнджа Идарелигининъ мукяфатлар болюгине авале этильсин.
3. Мезкюр Къарар къабул этильген кунюнден арекетке кире.
| Къырым Мухтар Джумхуриети Юкъары Радасынынъ Реиси | А. ГРИЦЕНКО |
| Симферополь ш., 2008 сенеси, сентябрь 17, № 978-5/08 |