Къырым Мухтар Джумхуриети Анаясасынынъ 18-нджи маддесиндеки биринджи къысымынынъ 2 ве 9 пунктларына, 26-нджы маддесиндеки экинджи къысымынынъ 31-нджи пунктына, ер асты байлыкълары акъкъында Украина Къануннамесининъ 9-нджы маддесиндеки биринджи къысымынынъ 2-нджи пунктына бинаен
Къырым Мухтар Джумхуриетининъ Юкъары Радасы к ъ а р а р б е р е:
1. Ер асты байлыкъларындан файдаланмакъ ичюн махсус изинлернинъ аукцион вастасынен сатылмасы уйгъунлаштырылсын:
1) Пычып алынгъан киреч ташны тапып чыкъарув макъсадынен Къырым Мухтар Джумхуриетининъ Сакъ районында Коммунальный дамартысынынъ Шималь ве Дженюб къысымларында амелий-истисал ишлеп чыкъарув имкяны олгъан геологик теткъикъаты боюнджа ишлер алып барылмасы ичюн;
2) Къырым Мухтар Джумхуриетининъ Ленино районында демир мадени Кыз-Аульское ер догъумында къонъур демир чыкъарув ичюн;
3) Къырым Мухтар Джумхуриетининъ Ленино районында джам къумы Заморское ер догъумында къум чыкъарув ичюн.
2. Къырым Мухтар Джумхуриети Юкъары Радасынынъ 2008 сенеси февраль 20-де къабул олунгъан «Ер асты байлыкъларындан файдаланмасына махсус изинлерни такъдим этюв акъкъында риджанамелерни уйгъунлаштырув акъкъында» 768-5/08 санлы Къарарына (Къырым Мухтар Джумхуриетининъ норматив-укъукъий актлар Топламы, 2008 с., № 2, 66 мад.) ашагъыдаки денъишме кирсетильсин:
1-нджи пунктнынъ 2-нджи пунктасты чыкъарылсын.
3. Мезкюр Къарар къабул этильген кунюнден арекетке кире.
| Къырым Мухтар Джумхуриети Юкъары Радасынынъ Реиси | А. ГРИЦЕНКО |
| Симферополь ш., 2008 сенеси, сентябрь 17, № 975-5/08 |