Украина Анаясасынынъ 137 маддесиндеки биринджи къысымынынъ 2-нджи пунктына, Къырым Мухтар Джумхуриети Анаясасынынъ 18-нджи маддесиндеки биринджи къысымынынъ 2 ве 9 пунктларына, 26-нджы маддесиндеки экинджи къысымынынъ 31-нджи пунктына, «Къырым Мухтар Джумхуриетининъ Юкъары Радасы акъкъында» Украина Къанунынынъ 9-нджы маддесиндеки биринджи къысымынынъ 2-нджи пунктына, ер асты байлыкълары акъкъында Украина Къануннамесининъ 9-нджы маддесининъ 1-нджи пунктына, 17-нджи маддесине, Украина Назирлер Кабинетининъ 1995 сенеси январь 27-де къабул олунгъан 59 санлы Къарарынен тасдикълангъан дагъ арсасыны такъдим этюв тертиби акъкъында Низамнамесине бинаен
Къырым Мухтар Джумхуриетининъ Юкъары Радасы к ъ а р а р б е р е:
1. 2006 сенеси сентябрь 12-де къабул олунгъан 4013 санлы ер асты байлыкъларындан файдаланмакъ ичюн махсус рухсетнинъ арекет этюв муддетине (2026 сенеси сентябрь 12 къадар), Керчь-II демирел станциясындан 3 км шималь-шаркъ тарафында Къырым Мухтар Джумхуриетининъ Ленино районынынъ Войково кой шурасы топракъларында ерлешкен 52 га умумий мейданлыгъынен Керчь къумбалчыкъ ер догъумында къумбалчыкъ чыкъарув макъсадларында «Сармат» къуруджылыкъ керамикасы Керчь заводы» япыкъ акционер джемиетине (Керчь ш.) ерли месулиетнен файдалы ер асты байлыкъларны ишлеп чыкъарув ичюн дагъ арсасы такъдим этильсин.
2. «Сармат» къуруджылыкъ керамикасы Керчь заводы» япыкъ акционер джемиетине тайинленген нумюнесинде дагъ арсасы такъдим этильмеси акъкъында сенет берильсин.
3. Ерли месулиетнен файдалы ер асты байлыкъларны ишлеп чыкъарув ичюн такъдим этильген дагъ арсасыны девлет дагъ къорув органларында тайинленген тертипте джедвельге алув «Сармат» къуруджылыкъ керамикасы Керчь заводы» япыкъ акционер джемиетине авале этильсин.
4. Дагъ арсасы ве дагъ арсасы лейхасы такъдим этильмеси акъкъында сенетнинъ экинджи нусхалары «Южэкогеоцентр» Девлет ишханесининъ геомалюматнен теминлев ве ер асты байлыкъларындан файдаланув меселелери болюгинде сакълап къалынмасы ичюн теслим этильсин.
5. Мезкюр Къарар къабул этильген кунюнден арекетке кире.
| Къырым Мухтар Джумхуриети Юкъары Радасынынъ Реиси | А. ГРИЦЕНКО |
| Симферополь ш., 2008 сенеси, сентябрь 17, № 973-5/08 |