«Территорияларнынъ планлаштырув ве къуруджылыгъы акъкъында» Украина Къанунына бинаен, Къырым Мухтар Джумхуриети Юкъары Радасынынъ 2003 сенеси март 19-да къабул олунгъан «Территорияларнынъ планлаштырув ве къуруджылыгъы акъкъында» Украина Къануны Къырым Мухтар Джумхуриетинде эда этильмеси акъкъында» 482-3/03 санлы, 2003 сенеси декабрь 25-те къабул олунгъан «Къырым Мухтар Джумхуриетинде ятырым ве къыйметли рекреацион территорияларнынъ къуруджылыгъы боюнджа ишлернинъ вазиети акъкъында Къырым Мухтар Джумхуриетининъ назирлер Шурасы тарафындан малюматы акъкъында» 760-3/03 санлы укюмлери эда этильмеси себеби иле «Діпромісто» (Киев ш.) Украина девлет шеэрлерни лейхалаштырув ильмий-теткъикъат институты иле Къырым Мухтар Джумхуриети территориясыны планлаштырув Схемасы ишлеп чыкъарылды.
Къырым Мухтар Джумхуриетининъ инкишафында стратегик елуны къайд этюв, джумхуриетининъ территориясынен эльверишли файдаланув, истисал, ичтимаий ве муэндислик-транспорт инфраструктурасынынъ илеридеки инкишафыны тайинлев, табиат муитини сакълав ве эйилештирюв макъсадларында
Къырым Мухтар Джумхуриетининъ Юкъары Радасы к ъ а р а р б е р е:
1. Къырым Мухтар Джумхуриети территориясынынъ планлаштырув Схемасы тасдикълансын.
2. Регионлар территорияларнынъ ичтимаий-икътисадий инкишафы ве планлаштырув схемаларыны ишлеп чыкъарув меселелери чезильмеси вакъытында Къырым Мухтар Джумхуриети территориясынынъ планлаштырув Схемасына эсасланып беджерильмеси боюнджа незарет Къырым Мухтар Джумхуриетининъ иджра акимиети органларына, Къырым Мухтар Джумхуриетинде ерли мустакъиль идарелиги органларына ве район девлет мемуриетлерине авале этильсин.
3. «Къырым хаберлери» газетасында мезкюр Къарар дердж этильсин.
4. Мезкюр Къарарнынъ эда этильмеси боюнджа незарет Къырым Мухтар Джумхуриети Юкъары Радасынынъ санайы, къурыджылыкъ, транспорт, алякъа ве якъарлыкъ-энергетик комплекси боюнджа Даимий комиссиясына авале этильсин.
5. Мезкюр Къарар къабул этильген кунюнден арекетке кире.
| Къырым Мухтар Джумхуриети Юкъары Радасынынъ Реиси | А. ГРИЦЕНКО |
| Симферополь ш., 2008 сенеси, сентябрь 17, № 972-5/08 |