Къырым Мухтар Джумхуриети Анаясасынынъ 26-нджы маддесиндеки экинджи къысымынынъ 1-нджи пунктына бинаен
Къырым Мухтар Джумхуриетининъ Юкъары Радасы к ъ а р а р б е р е:
1. Къырым Мухтар Джумхуриети Юкъары Радасынынъ 2008 сенеси июнь 18-де къабул олунгъан 912-5/08 санлы Къарарынен тасдикълангъан кредитлернинъ уджузлаштырув механизми вастасынен инновацион (ятырым) лейхалары эда этильмесине Къырым Мухтар Джумхуриети бюджетининъ параларына эсасланып ишханелерге малиевий ярдым такъдим этюв тертиби акъкъында Низамнамеге (Къырым Мухтар Джумхуриетининъ норматив-укъукъий актлар Топламы, 2008 с., № 6, 466 мад.) ашагъыдаки денъишмелер кирсетильсин:
I болюгининъ 4-нджи пункты ашагъыдаки тарирде арз этильсин:
«4. Инновацион (ятырым) лейхасы эда этильмесине алынгъан банк кредитинен файдаланмакъ ичюн ве ярышнынъ нетиджелери боюнджа Къырым Мухтар Джумхуриети бюджетининъ паралары эсабына Украина Миллий банкнынъ 100% эсап ставкасы колеминде масраф этильген паралар къысмен къайтарыла, кредит мукъавелесининъ шартлары бозулывы вакъытында ишханеси тарафындан пара джезасы (вакъыты кечкен телевлер) козь огюне алынмайып ишханелерге малиевий ярдым косьтериле»;
II болюгининъ 4-нджи пунктында:
экинджи сатыр башы чыкъарылсын;
учюнджи — он дертюнджи сатыр башлары экинджи — он учюнджи оларакъ сайылсын;
единджи сатыр башында «(энъ къыскъа муддети иле)» сезлер чыкъарылсын;
секизинджи сатыр башында «(энъ буюк)» сезлер чыкъарылсын;
он экинджи сатыр башы ашагъыдаки тарирде арз этильсин:
«къанунджылыкънен тайинленген гигиена-санитарлыкъ, экологик, къуруджылыкъ къанунларынынъ талапларына макъюллиги».
2. Мезкюр Къарар къабул этильген кунюнден арекетке кире.
| Къырым Мухтар Джумхуриети Юкъары Радасынынъ Реиси | А. ГРИЦЕНКО |
| Симферополь ш., 2008 сенеси, сентябрь 17, № 971-5/08 |