Къырым Мухтар Джумхуриети Анаясасынынъ 17-нджи маддесининъ биринджи ве экинджи къысымларына, 18-нджи маддесиндеки биринджи къысымынынъ 9-нджы пунктына, 26-нджы маддесиндеки экинджи къысымынынъ 35-нджи пунктына, «Къырым Мухтар Джумхуриетининъ Юкъары Радасы акъкъында» Украина Къанунынынъ 9-нджы маддесиндеки экинджи къысымынынъ 38-нджи пунктына, «Этрафтаки табиат муитини сакълав акъкъында» Украина Къанунынынъ 14-нджи маддесиндеки биринджи къысымынынъ «є» пунктына ве «Украинанынъ къорулгъан табиат территориясы фонду акъкъында» Украина Къанунынынъ 23, 51, 52, 53, 54 мадделерине бинаен, 2008 сенеси июль 3-те Украина Юкъары мемурий махкемеси тайинленюви эсасында, айванат ве небатат алемининъ генофонды сакъланмасы, Къырымнынъ ер юзюнинъ озгюнлигини ве табиат комплекслерини къорув дюзенине риает этип табиат шараитлеринде семерели туризм, истираат ве рекреацион фаалиетининъ дигер чешитлери ичюн шараитлер яратув макъсадларында
Къырым Мухтар Джумхуриетининъ Юкъары Радасы к ъ а р а р б е р е:
1. Илявеге мувафыкъ* «Лисья бухта — Эчки Даг» ерли къыйметли къорулгъан ер юзюнинъ озгюнлигинен табиат этрафы эсасында «Лисья бухта — Эчки Даг» региональ ландшафт багъчасы яратылсын.
2. Укъукътайинлейиджи весикъаларыны яратылгъан кунюнден 1 йыл девамында ресмийлештирмек «Лисья бухта — Эчки Даг» региональ ландшафт багъчасы мемуриетине авале этильсин (ер къуруджылыгъы лейхасы, региональ ер юзюнинъ озгюнлигинен багъча территориясыны тешкиль этюв, къорув, онынъ табиат комплекслерини ве объектлерини гъайрыдан къурув ве рекреацион файдаланув лейхасы, региональ ландшафт багъчасы акъкъында низамнаме).
3. Къырым Мухтар Джумхуриети Юкъары Радасынынъ 2007 сенеси октябрь 24-те «Къырым Мухтар Джумхуриети Юкъары Радасынынъ 2007 сенеси март 22-де къабул олунгъан «Къырым Мухтар Джумхуриетининъ Щебетовка кой шурасынынъ Курортное шчкъ ве Щебетовка шчкъ (Феодосия ш.) сынъырларыны тайинлев акъкъында» 404-5/07 санлы Укюмини лягъу этюв акъкъында» 620-5/07 санлы Укюми лягъу этильсин (Къырым Мухтар Джумхуриетининъ норматив-укъукъий актлар Топламы, 2007 с., № 10, 1000 мад.).
4. Мезкюр Къарарнынъ эда этильмеси боюнджа незарет Къырым Мухтар Джумхуриети Юкъары Радасынынъ аграр ве топракъ меселелери, экология ве табиаттан эльверишли файдаланув боюнджа Даимий комиссиясына авале этильсин.
5. Мезкюр Къарар къабул этильген кунюнден арекетке кире.
| Къырым Мухтар Джумхуриети Юкъары Радасынынъ Реиси | А. ГРИЦЕНКО |
| Симферополь ш., 2008 сенеси, сентябрь 17, № 970-5/08 |