КъМДж ЮР Къарары

Къырым Мухтар Джумхуриетинде 2015 сенесине къадар региональ экологик агъы тешкиль этильмеси Программасы акъкъында

Къырым Мухтар Джумхуриети Анаясасынынъ 18-нджи маддесиндеки биринджи къысымынынъ 9-нджы пунктына, «Этрафтаки табиат муитини къорув акъкъында» Украина Къанунынынъ 14-нджи маддесиндеки биринджи къысымынынъ «є» пунктына, 2000 сенеси сентябрь 21-де къабул олунгъан 1989-III санлы Украина Къанунынен ве «Украина экологик агъы акъкъында» Украина Къанунынынъ 9-нджы маддесинен тасдикълангъан Украина миллий экологик агъы тешкиль этильмеси Умумдевлет программасынынъ II болюгиндеки 7-нджи пунктынынъ 7-нджи сатыр башына бинаен, биологик чешитлигини сакъламакъ ичюн, онынъ табиат алына якъын табиат ландшафтлы арсаларнынъ мейданлыгъыны регионда арттырув, эм де табиат экосистемалары ве ер юзюнинъ озгюнлиги, миграция ве табиат кенишлемесини арекет этювини теминлеген осюмликлер ве айванларнынъ шекиллери сакъланып къалынмасына бакъкъан сунъий оларакъ яратылгъан территориаль къурулышнынъ басамакълы тешкиль этильмеси макъсадларында

Къырым Мухтар Джумхуриетининъ Юкъары Радасы к ъ а р а р б е р е:

1. Къырым Мухтар Джумхуриетинде 2015 сенесине къадар региональ экологик агъыны тешкиль этюв Программасы тасдикълансын (иляве этиле)*.

2. Къырым Мухтар Джумхуриетининъ назирлер Шурасына:

Къырым Мухтар Джумхуриетинде 2015 сенесине къадар региональ экологик агъыны тешкиль этюв Программасынен дикъкъат этильген тедбирлернинъ беджерильмеси ичюн Къырым Мухтар Джумхуриетининъ 2009—2015 сенелерине бюджет лейхалары тешкиль этильмесинде паралар козь огюне алынсын;

Къырым Мухтар Джумхуриетинде региональ экологик агъына кирсетильмеси ичюн элементлерни къайд этюв боюнджа ишни тешкиль этюв Къырым Мухтар Джумхуриетининъ этрафтаки табиат муитини къорув боюнджа Джумхуриет комитетине авале этильсин.

3. Къырым Мухтар Джумхуриетинде региональ экологик агъына оларнынъ сонъра кирсетильмеси макъсадынен топракъ арсалары ихтияты боюнджа уйгъунлаштырувгъа теклиф этильген весикъаларнынъ озь вакъытында музакере этильмесини теминлев Къырым Мухтар Джумхуриетинде ерли мустакъиль идарелиги органларына авале этильсин.

4. Мезкюр Къарарнынъ эда этильмеси боюнджа незарет Къырым Мухтар Джумхуриети Юкъары Радасынынъ аграр ве топракъ меселелери, экология ве табиаттан эльверишли файдаланувы боюнджа Даимий комиссиясына авале этильсин.

5. Мезкюр Къарар къабул этильген кунюнден арекетке кире.