КъМДж ЮР Къарары

Къырым Мухтар Джумхуриети Юкъары Радасынынъ 2007 сенеси февраль 21-де къабул олунгъан 350-5/07 Къарарынен тасдикълангъан Къырым Мухтар Джумхуриетининъ 2007—2008 сенелеринде кучюк саипкярлыкънынъ инкишафы ве онъа къол тутув Программасына денъишмелер кирсетюв акъкъында

Къырым Мухтар Джумхуриети Анаясасынынъ 26-нджы маддесиндеки экинджи къысымынынъ 1-нджи пунктына бинаен

Къырым Мухтар Джумхуриетининъ Юкъары Радасы к ъ а р а р б е р е:

1. Къырым Мухтар Джумхуриети Юкъары Радасынынъ 2007 сенеси февраль 21-де къабул олунгъан 350-5/07 Къарарынен (Къырым Мухтар Джумхуриетининъ норматив-укъукъий актлар Топламы, 2007 с., № 2, 87 мад.) тасдикълангъан Къырым Мухтар Джумхуриетининъ 2007—2008 сенелеринде кучюк саипкярлыкънынъ инкишафы ве онъа къол тутув Программасына ашагъыдаки денъишмелер кирсетильсин:

мезкюр Программанынъ 2-нджи Илявесинде:

7-нджи графасынынъ 4-нджи пунктындаки 4.5 пунктастынынъ «Саипкярлыкъ саасына идаре этиджи кадрларны азырлав ве ихтисасыны котерюв, «Украина тешеббюси» лейхасынынъ эда этильмеси, саипкярлыкъ саасы ичюн идаре этиджи кадрларнынъ сынъырлардан тыш амелияты боюнджа лейхалары эда этильмесине къол тутув» сатырында «10,0» сайысы «40,0» сайысына денъиштирильсин;

8-нджи пунктта:

7-нджи графасынынъ 8.2 пунктастында «Ихтиядж: 2008 сенеси — 20,0» сезлери чыкъарылсын;

7-нджи графасынынъ 8.7 пунктастында «Кучюк саипкярлыкънынъ инкишафы ве онъа къол тутув меселелери боюнджа Украинанынъ дигер виляетлеринен багълары тайинленсин; кучюк саипкярлыкънынъ инкишафы ве онъа къол тутув меселелеринде халкъара теджрибени огренюв ве онынъ иле файдаланув» сатырларында «2008 сенеси — 10,0» сезлер чыкъарылсын.

2. Мезкюр Къарар къабул этильген кунюнден арекетке кире.