Украина Анаясасынынъ 150 маддесине, «Украина Анаяса Махкемеси акъкъында» Украина Къанунынынъ 40, 61, 75 мадделерине эсасланып
Къырым Мухтар Джумхуриетининъ Юкъары Радасы к ъ а р а р б е р е:
1. Къырым Мухтар Джумхуриетининъ территориясында девлет мимарджылыкъ-къуруджылыкъ вазифелерининъ беджерильмеси боюнджа территориаль органларнынъ векялетлерини тайинлев къысымында 2007 сенеси май 16-да къабул олунгъан «Девлет мимарджылыкъ-къуруджылыкъ незарети эда этильмеси ве къуруджылыкънынъ ятырым фаалиетинде тешвикъ этильмеси боюнджа Украинанынъ базы къанунджылыкъ актларына денъишмелер кирсетюв акъкъында» 1026-V санлы Украина Къанунынынъ 13-нджи маддесиндеки 2-нджи пунктынынъ «б» пунктасты, 1, 4, 8, 10 мадделери, I болюгининъ 14, 17 мадделери (Украина Юкъары Радасынынъ Ведомостлери, 2007 с., № 34, 444 мад.) (анаясасызлыгъы) Украина Анаясасына уйгъунлыгъы аъкъкында Анаяса такъдимнамеси тасдикълансын (иляве этиле).
2. Мезкюр Анаяса такъдимнамеси Украина Анаяса Махкемесине елланылсын.
3. Мезкюр Анаяса такъдимнамеси боюнджа Украина Анаяса Махкемесинде Къырым Мухтар Джумхуриети Юкъары Радасынынъ менфаатларыны такъдим этюв ичюн векялетли шахслар оларакъ къуруджылыкъ сиясети ве мимарджылыкънынъ назири Владимир Ильич Николов ве Къырым Мухтар Джумхуриети Юкъары Радасы Кятибиетининъ Адлие идаресининъ баш муавини Елена Александровна Ивченко тайинленсин.
4. Мезкюр Къарар къабул этильген кунюнден арекетке кире.
| Къырым Мухтар Джумхуриети Юкъары Радасынынъ Реиси | А. ГРИЦЕНКО |
| Симферополь ш., 2008 сенеси, сентябрь 17, № 959-5/08 |