Украина Юкъары Радасынен «Украина Анаясасына денъишмелер кирсетюв акъкъында» 2004 сенеси декабрь 8-де къабул олунгъан 2222-IV санлы Украина Къануннынъ къабул этильмесине бинаен Украина Юкъары Радасы векялетлерининъ муддетлери беш йыл теркип эткени себеби иле, Украина Анаясасынынъ 85-нджи маддесиндеки биринджи къысымынынъ 37-нджи пунктына, эм де 1998 сенеси декабрь 23-де къабул олунгъан 350-XIV санлы «Къырым Мухтар Джумхуриети Анаясасынынъ тасдикъланмасы акъкъында» Украина Къанунынынъ учюнджи къысымына, мезкюр Къанунынен тасдикълангъан Къырым Мухтар Джумхуриети Анаясасынынъ 26-нджы маддесиндеки экинджи къысымынынъ 1-нджи пунктына, 27-нджи маддесининъ биринджи къысымына бинаен
Къырым Мухтар Джумхуриетининъ Юкъары Радасы к ъ а р а р б е р е:
1. Къырым Мухтар Джумхуриети Анаясасынынъ 22-нджи маддесине (Украина Юкъары Радасынынъ Ведомостлери, 1999 с., № 5-6, 43 мад.; Къырым Мухтар Джумхуриетининъ норматив-укъукъий актлар Топламы, 1998 с., № 12, 1007 мад., 1008 мад.) ашагъыдаки денъишме кирсетильсин:
биринджи къысымынынъ экинджи сатыр башы ашагъыдаки тарирде арз этильсин:
«Къырым Мухтар Джумхуриетининъ Юкъары Радасы векялетлерининъ муддети беш йыл».
2. Украина къанунынен Къырым Мухтар Джумхуриети Анаясасынынъ 22-нджи маддесине кирсетильген денъишмени тасдикълав ичюн Украина Юкъары Радасына мезкюр Къарар елланылсын.
| Къырым Мухтар Джумхуриети Юкъары Радасынынъ Реиси | А. ГРИЦЕНКО |
| Симферополь ш., 2008 сенеси, сентябрь 17, № 958-5/08 |