Постановление ВР АРК (регуляторный акт)

Кредитлернинъ уджузлаштырув механизми иле инновацион (ятырым) лейхалары эда этильмесине Къырым Мухтар Джумхуриетининъ бюджети паралары эсабына ишханелерге малиевий къол тутув тертиби акъкъында

Къырым Мухтар Джумхуриети Анаясасынынъ 26-нджы маддесиндеки экинджи къысымынынъ 1, 7 пунктларына бинаен, Къырым Мухтар Джумхуриетинде икътисадият саасында янъы усулларнынъ инкишафы ичюн эльверишли шараитлер яратылмасы, санайы саасында технологик мукеммеллештирильмесини теминлев, махсулатнынъ янъы чешитлерини огренюв, бергинен юкленген истисал къабилиетининъ колемлерини буюклетмек макъсадларында

Къырым Мухтар Джумхуриетининъ Юкъары Радасы к ъ а р а р б е р е:

1. Кредитлернинъ уджузлаштырув механизми иле инновацион (ятырым) лейхалары эда этильмесине Къырым Мухтар Джумхуриети бюджетининъ паралары эсабына ишханелерге малиевий къол тутув тертиби акъкъындаки Низамнаме тасдикълансын (иляве этиле)*.

2. Кредитлернинъ уджузлаштырув механизминен инновацион (ятырым) лейхалары эда этильмеси ичюн Къырым Мухтар Джумхуриети бюджетининъ паралары эсабына ишханелерге малиевий ярдым берильмеси ичюн Къырым Мухтар Джумхуриетининъ бюджети параларынынъ баш такъсимлейиджиси оларакъ, аит сенесине Къырым Мухтар Джумхуриетининъ бюджети иле дигери козь огюне алынмагъан олса, Къырым Мухтар Джумхуриетининъ санайы сиясети, транспорт, алякъа ве якъарлыкъ-энергетик комплекси Назирлиги тайинленсин.

3. Къырым Мухтар Джумхуриети назирлер Шурасына авале этильсин:

Къырым Мухтар Джумхуриетининъ назирлер Шурасынынъ норматив-укъукъий актлары мезкюр Къарарына уйгъун олсун;

2008 сенеси кетишатында тертипке къойгъан мезкюр актнынъ акъибетлиги къорулсын, 2009 сенеси февраль айында къорувларнынъ нетиджелери «Къырым хаберлери» газетасында дердж этильсин.

4. Къырым Мухтар Джумхуриети Юкъары Радасынынъ 2005 сенеси декабрь 24-де къабул олунгъан «Кредитлернинъ уджузлаштырув механизми вастасынен ишханелерге малиевий ярдым эда этильмесине Къырым Мухтар Джумхуриети бюджетинде козь огюне алынгъан паралары иле файдаланув тертиби акъкъындаки Низамнамеси тасдикъланмасы акъкъында» 1549-4/05 санлы Къарары (Къырым Мухтар Джумхуриетининъ норматив-укъукъий актлар Топламы, 2005 с., № 12, 1129 мад.; 2006 с., № 2, 34 мад.) озь кучюни джойды деп сайылсын.

Къырым Мухтар Джумхуриети Юкъары Радасынынъ 2006 сенеси февраль 22-де къабул олунгъан «Къырым Мухтар Джумхуриети Юкъары Радасынынъ 2005 сенеси декабрь 24-те къабул олунгъан кредитлернинъ уджузлаштырув механизми вастасынен санайы ишханелерге малиевий ярдым берильмесине Къырым Мухтар Джумхуриетининъ бюджетинде козь огюне алынгъан паралары иле файдаланув тертиби акъкъында Низамнамеси тасдикъланмасы акъкъында 1549-4/05 санлы Къарарынен тасдикълангъан кредитлернинъ уджузлаштырув механизми вастасынен санайы ишханелерге малиевий ярдым берильмесине Къырым Мухтар Джумхуриетининъ бюджетинде козь огюне алынгъан паралары иле файдаланув тертиби акъкъында Низамнамесине денъишмелер кирсетюв акъкъында» 1594-4/06 санлы Къарары (Къырым Мухтар Джумхуриетининъ норматив-укъукъий актлар Топламы, 2006 с., № 2, 34 мад.) озь кучюни джойды деп сайылсын.

5. Ишханелерге малиевий ярдым берильмеси ичюн еллангъан Къырым Мухтар Джумхуриетининъ бюджетинден параларнынъ макъсадлы файдаланувы узеринден незарет Къырым Мухтар Джумхуриети Юкъары Радасынынъ Эсабат палатасына авале этильсин.

6. Мезкюр Къарарнынъ эда этилюви боюнджа незарет Къырым Мухтар Джумхуриети Юкъары Радасынынъ санайы, къуруджылыкъ, алякъа ве якъарлыкъ-энергетик комплекси боюнджа Даимий комиссиясына авале этильсин.

7. Мезкюр Къарар къабул этильген кунюнден арекетке кире.