КъМДж ЮР Къарары

Ер асты байлыкъларырдан файдаланмакъ ичюн махсус изинлер берильмеси акъкъында ресмий риджанамелернинъ уйгъунлаштырылмасы акъкъында

Къырым Мухтар Джумхуриети Анаясасынынъ 18-нджи маддесиндеки биринджи къысымынынъ 2 ве 9 пунктларына, 26-нджы маддесиндеки экинджи къысымынынъ 31-нджи пунктына, ер асты байлыкълары акъкъында Украина Кодексининъ 9-нджы маддесиндеки 2-нджи пунктына, 16 ве 19 мадделерине, Украина Назирлер Кабинетининъ 2008 сенеси февраль 27-де къабул олунгъан 273 санлы Къарарынен тасдикълангъан ер асты байлыкъларындан файдаланмакъ ичюн 2008 сенесинде махсус изинлер берильмеси Тертибининъ 7-нджи пунктына бинаен

Къырым Мухтар Джумхуриетининъ Юкъары Радасы к ъ а р а р б е р е:

1. Ер асты байлыкъларындан файдаланмакъ ичюн махсус изинлер берильмеси акъкъында ресмий риджанамелер уйгъунлаштырылсын:

1) «Евпатория ш. сув-канализация ходжалыгъынынъ истисал ишханеси» Кырым джумхурий ишханесине (Евпатория ш.) — ходжалыкъ-ичимлик сувнен теминлев макъсатларында Сакъ районынынъ Алма ер догъумында Алма-3 дамартысында (кой сув исары, №№ 6295, 6296, 6297, 6298, 4113 бужарлары) ер асты татлы сувларны чыкъармакъ ичюн;

2) «Дженюбий экология-геологик меркези» девлет ишханесине — кейфиетли ичимлик сувнен эалини теминлев макъсатларында Къырым Мухтар Джумхуриети этрафында араштырув-истисмар бужарларында сув асты татлы сувларны тапув ве буравнен тешип чыкъарув ишлернинъ беджерильмеси ичюн;

3) «Шаркъ Къырым» шахсий ишханесине (Виноградово к., Сакъ районы) — дивар ташы истисал этмек ичюн ляйыкъ киречташлар ер догъумыны араштырув макъсадларында Сакъ районында Къырым мейданыны амелий-истисал ишлеп чыкъарув имкяны олгъан геологик теткъикъаты боюнджа ишлер алып бармакъ ичюн.

2. Мезкюр Къарар къабул этильген кунюнден арекетке кире.