КъМДж ЮР Къарары

Къырым Мухтар Джумхуриетининъ мукяфатларына менсюп олгъан Къырым Мухтар Джумхуриети Юкъары Радасынынъ базы къарарларына денъишмелер кирсетильмеси акъкъында

Къырым Мухтар Джумхуриети Анаясасынынъ 26-нджы маддесиндеки экинджи къысымынынъ 1-нджи пунктына бинаен

Къырым Мухтар Джумхуриетининъ Юкъары Радасы к ъ а р а р б е р е:

1. Къырым Мухтар Джумхуриети Юкъары Радасынынъ 2000 сенеси июль 19-да къабул олунгъан «Алий окъув юртлары студентлерине Къырым Мухтар Джумхуриетининъ мукяфатлары акъкъында» 1288-2/2000 санлы Къарарына (Къырым Мухтар Джумхуриетининъ норматив-укъукъий актлар Топламы, 2000 с., № 7, 737 мад.; 2001 с., № 11, 1216 мад.; 2002 с., № 10, 1058 мад.; 2004 с., № 6, 543 мад., № 12, 1103 мад.; 2006 с., № 6, 408 мад., № 11, 1008 мад.; 2007 с., № 4, 315 мад., № 6, 570 мад., № 9, 859 мад., № 12, 1254 мад.) ашагъыдаки денъишмелер кирсетильсин:

1.1. 2-нджи пункт ашагъыдаки тарирде арз этильсин:

«2. Эр йыл Къырым Мухтар Джумхуриети бюджетининъ лейхаларыны шекиллендиргенде III — IV аккредитация севиесиндеки алий окъув юртлары студентлерининъ 2,8 колеминде энъ кучюк академик стипендиясы Къырым Мухтар Джумхуриетининъ алий окъув юртлары студентлерине 50 мукяфатлар эр ай теленмесине тахсислер Къырым Мухтар Джумхуриетининъ тасиль ве илим Назирлигине айры сатырнен чыкъарылмасыны козьде тутмакъ Къырым Мухтар Джумхуриетининъ назирлер Шурасына авале этильсин».

1.2. Мезкюр Къарарнен тасдикълангъан алий окъув юртлары студентлерине Къырым Мухтар Джумхуриетининъ мукяфатлары акъкъында Низамнамесине ашагъыдаки денъишмелер кирсетильсин:

2-нджи пунктта «тайинленелер» сезю «такъдим этилелер» сезюне денъиштирильсин;

4-нджи пунктта «эльде эткен мукяфатларнынъ намзетлери» сезлери «такъдим этиледжек мукяфатларнынъ намзетлери» сезлерине денъиштирильсин;

6-нджы пункт ашагъыдаки тарирде арз этильсин:

«6. Август 1-ден январь 31-дже ве февраль 1-ден июль 31-дже мукяфатларны эльде эткен «Къырым агротехнологик университети» Миллий аграр университетининъ Дженюбий филиалы студентлеринден гъайры Къырым Мухтар Джумхуриети Юкъары Радасы Президиумынынъ укюмына мувафыкъ такъдим этильген мукяфатлар июль 1-ден январь 31-дже ве февраль 1-ден июнь 30-дже мезкюр Къарарнынъ 7-нджи пунктында къайд этильген алий окъув юртлары студентлерине эр ай телене»;

7-нджи пунктта:

биринджи сатыр башында «16,8 колеминде энъ кучюк академик стипендиясы» сезлери «2,8 колеминде энъ кучюк академик стипендиясы» сезлерине денъиштирильсин;

онунджы сатыр башында «Харьков миллий ички ишлер университетининъ Къырым адлие институты» сезлери «Одесса девлет ички ишлер университетининъ Къырым адлие институты» сезлерине денъиштирильсин.

2. Къырым Мухтар Джумхуриети Юкъары Радасынынъ 1999 сенеси апрель 21-де къабул олунгъан 455-2/99 санлы Къарарынен (Къырым Мухтар Джумхуриетининъ норматив-укъукъий актлар Топламы, 1999 с., № 4, 319 мад., № 10, 995 мад.; 2000 с., № 11, 1245 мад., № 12, 1329 мад.; 2001 с., № 11, 1217 мад.; 2002 с., № 6, 495 мад., № 7, 595 мад., № 11, 1184 мад.; 2003 с., № 9, 729 мад.; 2004 с., № 4, 311 мад; 2005 с., № 2, 77 мад., № 4, 263 мад.; 2007 с., № 2, 95 мад., № 11, 1132 мад.; 2008 с., № 5, 380 мад.) тасдикълангъан Къырым Мухтар Джумхуриетининъ ярарлыкълар нишанлары акъкъында Низамнамесине ашагъыдаки денъишме кирсетильсин:

III болюгининъ 2-нджи бабындаки 2-нджи пунктынынъ экинджи сатыр башы ашагъыдаки тарирде арз этильсин:

«Юкъарыда къайд этильген тешкилятлар, муэссиселер ве арбий къысымларынынъ реберлерине болюкастларнынъ реберлеринен (башлыкълар, командирлеринен), эм де Къырым Мухтар Джумхуриети назирлер Шурасынынъ Реисинен, Къырым Мухтар Джумхуриетинде укюмет ве ерли мустакъиль идарелиги органларынен «Вазифесине садыкълыгъы ичюн» Къырым Мухтар Джумхуриетининъ ярарлыкъ нишанынен мукяфаты такъдим этильмеси акъкъында ресмий риджалар ишханелер, муэссиселер, тешкилятлар, гражданлар ве оларнынъ бирлешмелерининъ мураджаатларына ве шахсий тешеббюсине эсасланаракъ котериле».

3. Мезкюр Къарарнынъ эда этилюви боюнджа незарет Къырым Мухтар Джумхуриети Юкъары Радасынынъ илим ве тасиль боюнджа Даимий комиссиясына, ве Къырым Мухтар Джумхуриети Юкъары Радасынынъ икътисадият, бюджет-малие ве берги сиясети боюнджа Даимий комиссиясына авале этильсин.

4. Мезкюр Къарар къабул этильген кунюнден арекетке кире.