Къырым Мухтар Джумхуриети Анаясасынынъ 26-нджы маддесиндеки экинджи къысымынынъ 11-нджи пунктына, Украина Назирлер Кабинетининъ 2003 сенеси июль 28-де къабул олунгъан «2003—2011 сенелерине Девлет санайы инкишаф программасы макъбюл этильмеси акъкъында» 1174 санлы Къарарына бинаен
Къырым Мухтар Джумхуриетининъ Юкъары Радасы к ъ а р а р б е р е:
1. Къырым Мухтар Джумхуриетининъ 2008—2011 сенелерине санайы комплексининъ инкишафы Программасы тасдикълансын (иляве этиле).
2. Къырым Мухтар Джумхуриетининъ 2008—2011 сенелерине бюджет лейхалары тешкиль этильмеси вакъытында Къырым Мухтар Джумхуриетинде 2008—2011 сенелерине санайы комплексининъ инкишаф Программасына малиенен теминлевге паралар козьде тутмакъ Къырым Мухтар Джумхуриетининъ назирлер Шурасына авале этильсин.
3. 2008—2011 сенелерине санайы ишханелерининъ инкишафы региональ программалары ишлеп чыкъарылмасы ве тасдикъланмасы Къырым Мухтар Джумхуриетинде ерли мустакъиль идарелиги органларына тевсие этильсин.
4. Мезкюр Къарарнынъ эда этилюви боюнджа незарет Къырым Мухтар Джумхуриети Юкъары Радасынынъ санайы, къуруджылыкъ, транспорт, алякъа ве якъарлыкъ-энергетик комплекси Даимий комиссиясына авале этильсин.
5. Мезкюр Къарар къабул этильген кунюнден арекетке кире.
| Къырым Мухтар Джумхуриети Юкъары Радасынынъ Реиси | А. ГРИЦЕНКО |
| Симферополь ш., 2008 сенеси, июнь 18, № 897-5/08 |