КъМДж ЮР Къарары

КЪЫРЫМ МУХТАР ДЖУМХУРИЕТИНДЕ ЯРАРЛЫКЪ АЛЯМЕТЛЕРИНЕ АИТ КЪЫРЫМ МУХТАР ДЖУМХУРИЕТИ ЮКЪАРЫ РАДАСЫНЫНЪ БАЗЫ КЪАРАРЛАРЫНА ДЕНЪИШМЕЛЕР КИРСЕТИЛЬМЕСИ АКЪКЪЫНДА

Къырым Мухтар Джумхуриети Анаясасынынъ 18-нджи маддесиндеки биринджи къысымынынъ 22-нджи пунктына, 26-нджы маддесиндеки экинджи къысымынынъ 1, 32 пунктларына, 29-нджы маддесиндеки учюнджи къысымынынъ 7-нджи пунктына, 31-нджи маддесиндеки биринджи къысымынынъ 5-нджи пунктына, «Къырым Мухтар Джумхуриетининъ Юкъары Радасы акъкъында» Украина Къанунынынъ 11-нджи маддесиндеки дертюнджи къысымынынъ 8-нджи пунктына бинаен

Къырым Мухтар Джумхуриетининъ Юкъары Радасы к ъ а р а р б е р е:

1. Къырым Мухтар Джумхуриети Юкъары Радасынынъ 1999 сенеси апрель 21-де къабул олунгъан «Къырым Мухтар Джумхуриетининъ фахрий унванлары, Къырым Мухтар Джумхуриетининъ мукяфатлары ве Къырым Мухтар Джумхуриетининъ дигер ярарлыкъ аляметлерининъ тесис этилюви акъкъында» 455-2/99 санлы Къарарына (Къырым Мухтар Джумхуриетининъ норматив-укъукъий актлар Топламы, 1999 с., № 4, 319 мад., № 10, 995 мад.; 2000 с., № 11, 1245 мад., № 12, 1329 мад.; 2001 с., № 11, 1217 мад.; 2002 с., № 6, 495 мад., № 7, 595 мад., № 11, 1184 мад.; 2003 с., № 9, 729 мад.; 2004 с., № 4, 311 мад.; 2005 с., № 2, 77 мад., № 4, 263 мад.; 2007 с., № 2, 95 мад., № 11, 1132 мад.) ашагъыдаки денъишмелер кирсетильсин:

серлевасы ашагъыдаки тарирде арз этильсин:

«Къырым Мухтар Джумхуриетининъ ярарлыкъ аляметлери акъкъында»;

1-нджи пунктнынъ биринджи сатыр башы ашагъыдаки тарирде арз этильсин:

«Къырым Мухтар Джумхуриетининъ илеридеки ярарлыкъ аляметлери тесис этильсин»;

2-нджи пункт ашагъыдаки тарирде арз этильсин:

«2. Къырым Мухтар Джумхуриетининъ ярарлыкъ аляметлери акъкъында Низамнамеси тасдикълансын (иляве этиле)*»;

3-1 пунктында:

«Къырым Мухтар Джумхуриетининъ ярарлыкъ аляметлеринен мукяфатлангъан шахс­ларгъа» сезлерден сонъ «гражданлыкъ ве хызмет вазифесини эда эткенде айры хызметлери ичюн» сезлер къошулсын;

къавузлар ичинде сезлер къошулсын «берги телевлерден гъайры»;

ашагъыдаки мундеридженен экинджи сатыр башы къошулсын:

«Къырым Мухтар Джумхуриетининъ мукяфатларыны, эм де бир керелик мукяфатлары гражданларгъа теленгенде берги агентинен джисманий шахслардан берги «Джисманий шахс­ларнынъ келирлеринден бергиси акъкъында» Украина Къанунынынъ 7-нджи маддесиндеки 7.1 пункты иле тасдикълангъан ставкасы боюнджа тутып къалдырыла»;

ашагъыдаки мундеридженен 3-3 пункты къошулсын:

«3-3. Къырым Мухтар Джумхуриетининъ ярарлыкъ аляметлери акъкъында Низамнамеси эда этильмеси ичюн Къырым Мухтар Джумхуриетининъ бюджет лейхалары тешкиль этильмесинде эр йыл лязим васталар козь огюнде тутмакъ Къырым Мухтар Джумхуриетининъ назирлер Шурасына авале этильсин».

2. Къырым Мухтар Джумхуриети Юкъары Радасынынъ 2007 сенеси сентябрь 19-да къабул олунгъан «Къырым Мухтар Джумхуриетине аит мулькиети эсасында тешкиль этильген коммуналь тедавийлев-огюни алув муэссиселернинъ ве тедавийлев-огюни алув муэссиселернинъ тиббий хадимлерине Къырым Мухтар Джумхуриетининъ мукяфатлары акъкъында» 559-5/07 санлы Къарарына (Къырым Мухтар Джумхуриетининъ норматив-укъукъий актлар Топламы, 2007 с., № 9, 850 мад., № 11, 1129 мад.) ашагъыдаки денъишмелер кирсетильсин:

серлевасында ве метнинде «Къырым Мухтар Джумхуриетине аит мулькиети эсасында тешкиль этильген коммуналь тедавийлев-огюни алув муэссиселернинъ ве тедавийлев-огюни алув муэссиселернинъ хадимлерине» сезлери «коммуналь ве Къырым Мухтар Джумхуриетине аит мулькиети эсасында тешкиль этильген тедавийлев-огюни алув муэссиселернинъ хадимлерине» аит келишлерде сезлерине денъиштирильсин;

2-нджи пункт озь кучьни джойды деп сайылсын.

3. Озь кучьни джойды деп сайылсын:

Къырым Мухтар Джумхуриети Юкъары Радасынынъ 2000 сенеси майыс 24-те къабул олунгъан «Янгъында джесюрлиги ичюн» Къырым Мухтар Джумхуриетининъ ярарлыкъ алямети тесис этилюви акъкъында» 1171-2/2000 санлы Къарарынынъ (Къырым Мухтар Джумхуриетининъ норматив-укъукъий актлар Топламы, 2000 с., № 5, 506 мад., № 12, 1329 мад.; 2001 с., № 11, 1218 мад.; 2003 с., № 9, 729 мад.) 2-нджи пункты;

Къырым Мухтар Джумхуриети Юкъары Радасынынъ 2000 сенеси декабрь 20-де къабул олунгъан «Къырым Мухтар Джумхуриетининъ фахрий унванлары ве ярарлыкъ аляметлери акъкъында Къырым Мухтар Джумхуриети Юкъары Радасынынъ къарарларына денъишмелер ве къошмалар кирсетильмеси акъкъында» 1603-2/2000 санлы Къарарынынъ (Къырым Мухтар Джумхуриетининъ норматив-укъукъий актлар Топламы, 2000 с., № 12, 1329 мад.) 3-нджи пункты;

Къырым Мухтар Джумхуриети Юкъары Радасынынъ 2001 сенеси июнь 20-де къабул олунгъан «Вазифесине садыкълыгъы ичюн» Къырым Мухтар Джумхуриетининъ ярарлыкъ алямети тесис этилюви акъкъында» 1879-2/01 санлы Къарарынынъ (Къырым Мухтар Джумхуриетининъ норматив-укъукъий актлар Топламы, 2001 с., № 6, 586 мад., № 11, 1218 мад.; 2003 с., № 9, 729 мад.) 2-нджи пункты;

Къырым Мухтар Джумхуриети Юкъары Радасынынъ 2001 сенеси ноябрь 21-де къабул олунгъан «Къырым Мухтар Джумхуриети Юкъары Радасынынъ 2000 сенеси майыс 24-те къабул олунгъан 1171-2/2000 санлы ве 2001 сенеси июнь 20-де къабул олунгъан 1879-2/01 санлы къарарларынен тасдикълангъан Къырым Мухтар Джумхуриетининъ ярарлыкъ аляметлери акъкъында низамнамелерине денъишмелер ве къошмалар кирсетильмеси акъкъында» 2150-2/01 санлы Къарары (Къырым Мухтар Джумхуриетининъ норматив-укъукъий актлар Топ­ламы, 2001 с., № 11, 1218 мад.);

Къырым Мухтар Джумхуриети Юкъары Радасынынъ 2003 сенеси сентябрь 17-де къабул олунгъан «Къырым Мухтар Джумхуриети Юкъары Радасынынъ мукяфатлары акъкъында Къырым Мухтар Джумхуриети Юкъары Радасынынъ базы къарарларына денъишмелер ве къошмалар кирсетильмеси акъкъында» 676-3/03 санлы Къарарынынъ (Къырым Мухтар Джумхуриетининъ норматив-укъукъий актлар Топламы, 2003 с., № 9, 729 мад.) 3, 4 пунктлары;

Къырым Мухтар Джумхуриети Юкъары Радасынынъ 2006 сенеси декабрь 20-де къабул олунгъан «Къырым Мухтар Джумхуриетининъ мулькиети эсасында тешкиль этильген умумтасиль, ихтисас-техникий, мектепкедже, мектептен тыш ве алий окъув юртларынынъ педагогик ве ильмий-педагогик хадимлерине Къырым Мухтар Джумхуриетининъ мукяфатлары акъкъында» 291-5/06 санлы Къарарынынъ (Къырым Мухтар Джумхуриетининъ норматив-укъукъий актлар Топламы, 2006 с., № 12, 1163 мад.; 2007 с., № 2, 101 мад.; 2008 с., № 2, 60 мад.) 2-нджи пункты;

Къырым Мухтар Джумхуриети Юкъары Радасынынъ 2007 сенеси февраль 21-де къабул олунгъан «Къырым Мухтар Джумхуриети Юкъары Радасынынъ 2006 сенеси декабрь 20-де къабул олунгъан «Къырым Мухтар Джумхуриетининъ мулькиети эсасында тешкиль этильген умумтасиль, ихтисас-техникий, мектепкедже, мектептен тыш ве алий окъув юртларынынъ педагогик ве ильмий-педагогик хадимлерине Къырым Мухтар Джумхуриетининъ мукяфатлары акъкъында» 291-5/06 санлы Къарарына денъишмелер кирсетильмеси акъкъында» 364-5/07 санлы Къарарынынъ (Къырым Мухтар Джумхуриетининъ норматив-укъукъий актлар Топламы, 2007 с., № 2, 101 мад.) 1-нджи пунктындаки 1.2 пунктасты;

Къырым Мухтар Джумхуриети Юкъары Радасынынъ 2008 сенеси февраль 20-де къабул олунгъан «Къырым Мухтар Джумхуриети Юкъары Радасынынъ 2006 сенеси декабрь 20-де къабул олунгъан «Къырым Мухтар Джумхуриетининъ мулькиети эсасында тешкиль этильген умумтасиль, ихтисас-техникий, мектепкедже, мектептен тыш ве алий окъув юртларынынъ педагогик ве ильмий-педагогик хадимлерине Къырым Мухтар Джумхуриетининъ мукяфатлары акъкъында» 291-5/06 санлы Къарарына денъишмелер кирсетильмеси акъкъында» 762-5/08 санлы Къарары (Къырым Мухтар Джумхуриетининъ норматив-укъукъий актлар Топламы, 2008 с., № 2, 60 мад.).

4. Мезкюр Къарарнынъ эда этилюви боюнджа незарет Къырым Мухтар Джумхуриети Юкъары Радасынынъ мандат, депутатлыкъ этикасы, Юкъары Радасы ишлерининъ тешкиль этильмеси ве кутьлевий малюмат васталары боюнджа Даимий комиссиясына ве Къырым Мухтар Джумхуриети Юкъары Радасынынъ икътисадий, бюджет-малие ве берги сиясети боюнджа Даимий комиссиясына авале этильсин.

5. Мезкюр Къарар, 2009 сенеси январь 1-ден арекетке кирген мезкюр Къарарнынъ 2-нджи пунктындаки учюнджи сатыр башы ве Къырым Мухтар Джумхуриетининъ ярарлыкъ аляметлери акъкъында Низамнамесининъ V болюгиндеки 2-нджи башнынъ 2-нджи пунктындан гъайры, къабул этильген кунюнден арекетке кире.