КъМДж ЮР Къарары

ЕР АСТЫ БАЙЛЫКЪЛАРЫНДАН ФАЙДАЛАНМАКЪ ИЧЮН МАХСУС ИЗИНЛЕР БЕРИЛЬМЕСИ АКЪКЪЫНДА РИДЖАНАМЕЛЕРНИНЪ УЙГЪУНЛАШТЫРЫЛМАСЫ АКЪКЪЫНДА

Къырым Мухтар Джумхуриети Анаясасынынъ 18-нджи маддесиндеки биринджи къысымынынъ 2 ве 9 пунктларына, 26-нджы маддесиндеки экинджи къысымынынъ 31-нджи пунктына, ер асты байлыкълары акъкъында Украина Кодексининъ 9-нджы маддесиндеки 2-нджи пунктына, 16 ве 19 мадделерине, Украина Назирлер Кабинетининъ 2008 сенеси февраль 27-де къабул олунгъан 273 санлы Къарарынен тасдикълангъан ер асты байлыкъларындан файдаланмакъ ичюн махсус изинлер 2008 сенесинде берильмеси Тертибининъ 7-нджи пунктына бинаен

Къырым Мухтар Джумхуриетининъ Юкъары Радасы к ъ а р а р б е р е:

1. Ер асты байлыкъларындан файдаланмакъ ичюн махсус изинлер берильмеси акъкъында риджанамелер уйгъунлаштырылсын:

1) «Союз-Виктан» ЛТД фирмасына (месулиети сынъырлангъан джемиети) (Киев ш.) — Симферополь ш. Белоглинка ер догъумында (№ 5781 бужары) ер асты минераль сувлар чыкъар­макъ ичюн;

2) «Чагъала» балалар тиббий меркези» япыкъ акционер джемиетке (Евпатория ш.) — Заозерное къасаба шурасы (Евпатория ш.) территориясында Алма ер догъумында (№ 6262, № 6339 бужарлары) геошинас теткъикъатлар боюнджа амелият-истисал ишлери кечирмек ичюн;

3) «Чагъала» балалар тиббий меркези» япыкъ акционер джемиетке (Евпатория ш.) — Заозерное къасабасы шурасынынъ (Евпатория ш.) территориясында Евпатория минераль сыджакъ сувлары ер догъумында (№ 1 бужары) геошинас теткъикъатлар боюнджа амелият-истисал ишлери кечирмек ичюн.

2. Мезкюр Къарар къабул этильген кунюнден арекетке кире.