КъМДж ЮР Къарары

КЪЫРЫМ МУХТАР ДЖУМХУРИЕТИНЕ АИТ МУЛЬКИЕТИНИНЪ ИДЖА¬РЕСИ ИЧЮН ТЕЛЕВЛЕРИНИ ЭСАПЛАВ, ОЛЕШТИРЮВ ВЕ ФАЙДАЛАНУВ ТЕРТИБИНИ ТАЙИН ЭТИЛЬМЕСИНЕ МУИМ КЪЫРЫМ МУХТАР ДЖУМХУРИЕТИ ЮКЪАРЫ РАДАСЫНЫНЪ УКЪУКЪИЙ АКТЛАРНЫНЪ АЙРЫ НИЗАМНАМЕЛЕРИ УКРАИНА АНАЯСАСЫНА ВЕ КЪАНУНЛАРЫНА УЙМАГЪАНЫ АКЪКЪЫНДА 2008 СЕНЕСИ АПРЕЛЬ 7-ДЕ КЪАБУЛ ОЛУНГЪАН 7/1-661 ЧЫКЪ /08 САНЛЫ КЪЫРЫМ МУХТАР ДЖУМХУРИЕТИ ПРОКУРОРЫНЫНЪ ТАКЪДИМНАМЕСИ АКЪКЪЫНДА

«Прокуратура акъкъында» Украина Къанунынынъ 23-нджи маддесине бинаен, Къырым Мухтар Джумхуриетине аит мулькиетининъ иджареси ичюн телевлерини эсаплав, олештирюв ве файдаланув тертибини тайин этильмесине муим Къырым Мухтар Джумхуриети Юкъары Радасынынъ укъукъий актларнынъ айры низамнамелери Украина Анаясасына ве къанунларына уймагъаны акъкъында 2008 сенеси апрель 7-де къабул олунгъан 7/1-661 чыкъ /08 санлы Къырым Мухтар Джумхуриети Прокурорынынъ теклифини козь огюне аларакъ,

Къырым Мухтар Джумхуриетининъ Юкъары Радасы к ъ а р а р б е р е:

1. Къырым Мухтар Джумхуриетине аит мулькиетининъ иджареси ичюн телевлерини эсаплав, олештирюв ве файдаланув тертибини тайин этильмесине муим Къырым Мухтар Джумхуриети Юкъары Радасынынъ укъукъий актларнынъ айры низамнамелери Украина Анаясасына ве къанунларына уймагъаны акъкъында 2008 сенеси апрель 7-де къабул олунгъан 7/1-661 чыкъ/08 санлы Къырым Мухтар Джумхуриети Прокурорынынъ теклифи къысмен хошнут этильсин.

2. Къырым Мухтар Джумхуриети Юкъары Радасынынъ 1998 сенеси ноябрь 19-да къабул олунгъан «Къырым Мухтар Джумхуриетине аит мулькиетининъ иджареси ичюн телевлерини эсаплав, олештирюв ве файдаланув тертибининъ Усулиети акъкъында» 274-2/98 санлы Къарарына (Къырым Мухтар Джумхуриетининъ норматив-укъукъий актлар Топламы, 1998 с., № 11, 897 мад.; 2007 с., № 5, 448 мад., № 7, 687 мад., № 10, 1005 мад., № 11, 1144 мад.; 2008 с., № 2, 70 мад.) ашагъыдаки денъишмелер кирсетильсин:

4, 5 пунктлары лягъу этильсин;

мезкюр Къарарнен тасдикълангъан Къырым Мухтар Джумхуриетине аит мулькиетининъ иджареси (иджареде иджареси) ичюн телевлерини эсаплав, олештирюв ве файдаланув тертиби Усулиетининъ 1-нджи Илявесиндеки 1-нджи сатырында «12» сайысы «10» сайысына денъиштирильсин.

3. Къырым Мухтар Джумхуриети Юкъары Радасынынъ 2007 сенеси октябрь 24-те къабул олунгъан «Къырым Мухтар Джумхуриети Юкъары Радасынынъ 1998 сенеси ноябрь 19-да къабул олунгъан 274-2/98 санлы Къарарынен тасдикълангъан Къырым Мухтар Джумхуриетине аит мулькиетининъ иджареси (иджареде иджареси) ичюн телевлерини эсаплав, олештирюв ве файдаланув тертибининъ Усулиетине денъишмелер кирсетильмеси акъкъында» 625-5/07 санлы Къарарына (Къырым Мухтар Джумхуриетининъ норматив-укъукъий актлар Топламы, 2007 с., № 10, 1005 мад.) ашагъыдаки денъишмелер кирсетильсин:

2-нджи пункт озь кучьни джойды деп сайылсын.

4. Къырым Мухтар Джумхуриети Юкъары Радасынынъ 2002 сенеси июнь 19-да къабул олунгъан 135-3/02 Къарарынен (Къырым Мухтар Джумхуриетининъ норматив-укъукъий актлар Топламы, 2002 с., № 6, 493 мад.; 2003 с., № 2, 102 мад., № 4, 341 мад.; 2004 с., № 12, 1104 мад.; 2005 с., № 9, 800 мад.; 2006 с., № 9 , 737 мад., № 10, 887 мад.; 2007 с., № 5, 432 мад., № 12, 1272 мад.) тасдикълангъан Къырым Мухтар Джумхуриети Юкъары Радасынынъ даимий комиссиялары ве оларнынъ вазифелери акъкъында Низамнамеге ашагъыдаки денъишме кирсетильсин:

9-нджы бабнынъ 9.3 пунктастынынъ он алтынджы сатыр башы лягъу этильсин.

5. Къырым Мухтар Джумхуриети Юкъары Радасынынъ 2002 сенеси ноябрь 20-де къабул олунгъан 335-3/02 санлы Къарарынен (Къырым Мухтар Джумхуриетининъ норматив-укъукъий актлар Топламы, 2002 с., № 11, 1172 мад.; 2006 с., № 7, 496 мад., № 9, 737 мад.) тасдикълангъан Къырым Мухтар Джумхуриети Юкъары Радасынынъ саиплештирюв меселелери боюнджа Къырым Мухтар Джумхуриети Юкъары Радасынынъ Незарет комиссиясы акъкъында Низамнамесине ашагъыдаки денъишме кирсетильсин:

4-нджи пунктындаки 4.1 пунктастынынъ бешинджи сатыр башы лягъу этильсин.

6. Мезкюр Къарар къабул этильген кунюнден арекетке кире.