КъМДж ЮР Къарары

«П. И. ЧАЙКОВСКИЙ АДЫНА СИМФЕРОПОЛЬ МУЗЫКА ОКЪУВ ЮРТУ» КЪЫРЫМ ДЖУМХУРИЙ АЛИЙ ОКЪУВ ЮРТУНЫНЪ СТУДЕНТЛЕРИНЕ А. С. КА¬РАМАНОВ АДЫНА МУКЯФАТЫ ТАКЪДИМ ЭТИЛЬМЕСИ АКЪКЪЫНДА

Къырым Мухтар Джумхуриети Анаясасынынъ 9-нджы маддесиндеки учюнджи къысымына, 26-нджы маддесиндеки экинджи къысымынынъ 1-нджи пунктына бинаен, «П. И. Чайковский адына Симферополь музыка окъув юрту» Къырым джумхурий алий окъув юрту студентлерининъ иджадий фаалиетини рагъбетлендирюв механизимни арекетке кетирюв, ахлякъий ве маддий ярдым косьтерюв макъсадларында

Къырым Мухтар Джумхуриетининъ Юкъары Радасы к ъ а р а р б е р е:

1. «П. И. Чайковский адына Симферополь музыка окъув юрту» Къырым джумхурий алий окъув юртунынъ студентлерине А. С. Караманов адына мукяфаты такъдим этильмеси акъкъында Низамнаме тасдикълансын (иляве этиле)*.

2. Къырым Мухтар Джумхуриети бюджетининъ лейхалары тешкиль этильмесинде, 2008 сенесининъ экинджи ярымйыллыгъындан башлап, эр йыл, Къырым Мухтар Джумхуриетининъ медениет ве санаат Назирлигини малиенен теминлев ичюн козьде тутулгъан паралардан эр бири 2500,0 грн микъдарында «П. И. Чайковский адына Симферополь музыка окъув юрту» Къырым джумхурий алий окъув юртунынъ студентлерине А. С. Караманов адына еди мукяфатларны малиенен теминлевине тахсислер берильмеси Къырым Мухтар Джумхуриетининъ назирлер Шурасына авале этильсин.

3. Къырым Мухтар Джумхуриети Юкъары Радасынынъ 2007 сенеси октябрь 24-те къабул олунгъан «А. С. Карамановнынъ хатырасыны эбедийлештирюв акъкъында» 608-5/07 санлы Къарарына (Къырым Мухтар Джумхуриетининъ норматив-укъукъий актлар Топламы, 2007 с., 10 сан, 988 мад.) ашагъыдаки денъишме кирсетильсин:

4-нджи пунктта «стипендиялар» созю «мукяфатлар» сезюне денъиштирильсин.

4. Мезкюр Къарарнынъ эда этилюви боюнджа незарет Къырым Мухтар Джумхуриети Юкъа­ры Радасынынъ медениет, яшлар ишлери ве спорт боюнджа Даимий комиссиясына авале этильсин.

5. Мезкюр Къарар къабул этильген кунюнден арекетке кире.