КъМДж ЮР Къарары

КЪЫРЫМ МУХТАР ДЖУМХУРИЕТИ ЮКЪАРЫ РАДАСЫНЫНЪ 2007 СЕНЕСИ ДЕКАБРЬ 19-ДА КЪАБУЛ ОЛУНГЪАН 689-5/07 САНЛЫ КЪАРАРЫ ИЛЕ ТАСДИКЪЛАНГЪАН 2008—2009 СЕНЕЛЕРИНЕ КЪЫРЫМ МУХТАР ДЖУМХУРИЕТИНДЕ ДЖИНАЕТЧИЛИКЛЕРНИНЪ ОГЮНИ АЛУВ РЕГИОНАЛЬ КОМПЛЕКС ПРОГРАММАСЫНА ДЕНЪИШМЕЛЕР КИРСЕТИЛЬМЕСИ, ВЕ МЕЗКЮР РЕГИОНАЛЬ ПРОГРАММАНЫНЪ ИДЖРАДЖЫЛАРЫ БОЮНДЖА ТАХСИСЛЕРНИ ТАКЪСИМ ЭТЮВ АКЪКЪЫНДА

Къырым Мухтар Джумхуриети Анаясасынынъ 18-нджи маддесиндеки биринджи къысымынынъ 1-нджи пунктына, 26-нджы маддесиндеки экинджи къысымынынъ 1-нджи пунктына, «Къырым Мухтар Джумхуриетининъ Юкъары Радасы акъкъында» Украина Къанунынынъ 9-нджы маддесиндеки экинджи къысымынынъ 1-нджи пунктына, Къырым Мухтар Джумхуриетинде яшлар муитинде негатив ичтимаий адиселернинъ огюни алув боюнджа тедбирлер акъкъында Ежова Т. С. Къырым Мухтар Джумхуриетининъ яшлар, къоранта ве гендер сиясети боюнджа назири тарафындан азырлангъан малюматыны динълеерек,

Къырым Мухтар Джумхуриетининъ Юкъары Радасы к ъ а р а р б е р е:

1. Къырым Мухтар Джумхуриетинде яшлар муитинде негатив ичтимаий адиселернинъ огюни алув боюнджа тедбирлер акъкъында Ежова Т. С. Къырым Мухтар Джумхуриетининъ яшлар, къоранта ве гендер сиясети боюнджа назири тарафындан азырлангъан малюмат козь огюне алынсын.

2. Къырым Мухтар Джумхуриети Юкъары Радасынынъ 2007 сенеси декабрь 19-да къабул олунгъан 689-5/07 санлы Къарары иле (Къырым Мухтар Джумхуриетининъ норматив-укъукъий актлар Топламы, 2007 с., 12 сан, 1250 мад.; 2008 с., 2 сан, 53 мад.) тасдикълангъан 2008—2009 сенелерине Къырым Мухтар Джумхуриетинде джинаетчиликлернинъ огюни алув Региональ комплекс программасына денъишмелер кирсетильсин, яшлар меселелери боюнджа тедбирлер иле V болюг кирсетильсин (иляве этилелер)*.

3. Къырым Мухтар Джумхуриетининъ бюджетинден аит саагъа тасдикълангъан паралар сынъы­рларында, мезкюр Къарарнынъ 2-нджи пунктында къайд этильген тедбирлерни малиенен теминлевини эда этюв Къырым Мухтар Джумхуриетининъ Назирликлерине ве джумхурий комитетлерине авале этильсин.

4. Къырым Мухтар Джумхуриетинде ерли мустакъиль идарелиги органларына тевсие этильсин:

4.1. Оксюзлерге ве ана-баба васийлигинден марум къалгъан балаларгъа, эм де эвель берильген я да пекитильген мескеннинъ къайтарылмасы ихтимал олмагъаны себеплери иле оксюзлер ве ана-баба васийлигинден марум къалгъан балалар сырасындан шахсларгъа, шу джумледен ичтимаий ятакъханеде булунувы муддети биткен шахсларгъа невбеттен тыш мескен такъдим этильмеси боюнджа тедбирлер ишлеп чыкъарылсын.

4.2. Къасаба, кой шуралары узурында ичтимаий хадимлери тарафындан яшларгъа ичтимаий-психологик ярдым косьтерильмеси темин этильсин.

4.3. Къырым Мухтар Джумхуриетининъ джеми эали яшагъан пунктларында умумтасиль, ихтисас-техникий ве алий окъув юртлары узурында бедава спорт клублар яратылувында ве оларнынъ арекет этювинде ярдым косьтерильсин.

5. Мезкюр Къарарнынъ эда этилюви боюнджа незарет Къырым Мухтар Джумхуриети Юкъары Радасынынъ медениет, яшлар ишлери ве спорт боюнджа Даимий комиссиясына авале этильсин.

6. Мезкюр Къарар къабул этильген кунюнден арекетке кире.