Украина Анаясасынынъ 138 маддеси биринджи къысымынынъ 3-нджи пунктына, Къырым Мухтар Джумхуриети Анаясасынынъ 26-нджи маддеси экинджи къысымынынъ 1-нджи пунктына, Къырым Мухтар Джумхуриети Юкъары Радасынынъ 2000 сенеси июнь 21-де къабул олунгъан 1233-2/2000 санлы Къарарынен тасдикълангъан Къырым Мухтар Джумхуриетининъ мулькиетини теслим этюв тертиби акъкъында Низамнамеге бинаен, Къырым Мухтар Джумхуриетининъ мулькиетинен идаре этюв боюнджа Къырым Мухтар Джумхуриети Юкъары Радасынынъ векялетлерине эсасланаракъ,
Къырым Мухтар Джумхуриетининъ Юкъары Радасы к ъ а р а р б е р е:
1. Къырым Мухтар Джумхуриетинде энергоихтият ве энергосемерели технологияларны кирсетюв боюнджа ятырым лейха амельге кечирюв макъсадынен Къырым Мухтар Джумхуриетинде аит тешкилий иш алып бармакъ ве «Янъы Гъайрет» месулиети сынъырлангъан джемиети, «Энергетик ятырымлар» месулиети сынъырлангъан джемиети ве «EWO Energietechnologie Gmbh» Компаниясы иштираки иле низам фондунынъ Къырым Мухтар Джумхуриетине аит 51 файыз микъдарында пайинен, Керчь ш. Чкалова сокъ., 159, ЕГРПОУ 1884797 коды иле адреси боюнджа ерлешкен «Керчтеки «Районлар ара якъарлыкъ» Джумхурий ишханеси мулькиетининъ къысымына эсасланаракъ яратылгъан ходжалыкъ джемиетининъ муэссисчиси оларакъ чыкъмакъ Къырым Мухтар Джумхуриетининъ мулькиет Фондуна авале этильсин.
2. Къырым Мухтар Джумхуриетининъ тесис бедель тарзында яратылгъан ходжалыкъ джемиетининъ низам фондуна теслим этильмеси ичюн Къырым Мухтар Джумхуриетининъ мулькиет джедвелини бельгилемек ве аит къарар къабул этюв ичюн тайинленген тертипте Къырым Мухтар Джумхуриетининъ Юкъары Радасына такъдим этюв Къырым Мухтар Джумхуриетининъ мулькиет Фондунен бирликте Къырым Мухтар Джумхуриетининъ санайы сиясети, накълие, алякъа ве якъарлыкъ-энергетик комплекси Назирлигине авале этильсин.
3. Къырым Мухтар Джумхуриети Юкъары Радасынынъ 2000 сенеси март 15-те къабул олунгъан 984-2/2000 санлы Къарарынен тасдикълангъан Къырым Мухтар Джумхуриетининъ назирликлери ве джумхурий комитетлери идарелиги саасында олгъан ве саиплештирювге аит олмагъан Къырым Мухтар Джумхуриетине мульк олгъан ишханелер, тешкилятлар, мулькиет комплекслери, оларнынъ тизилиш болюклерининъ Джедвелине (Къырым Мухтар Джумхуриетининъ норматив-укъукъий актлар Топламы, 2000 с., 3 сан, 209 мад.; 2001 с., 6 сан, 568 мад., 9 сан, 930 мад., 933 мад.; 2002 с., 2 сан, 89 мад; 2003 с., 2 сан, 106 мад., 4 сан, 329 мад, 331 мад., 5 сан, 429 мад., 6 сан, 541 мад., 8 сан, 638 мад., 9 сан, 714 мад., 11 сан, 914 мад.; 2004 с., 3 сан, 160 мад., 7 сан, 613 мад., 10 сан, 886 мад., 11 сан, 994 мад.; 2005 с., 9 сан, 850 мад.; 2006 с., 9 сан, 759 мад., 11 сан., 1021 мад.; 2007 с., 5 сан, 449 мад., 7 сан, 687 мад., 11 сан, 1145 мад., 12 сан, 1277 мад.; 2008 с., 2 сан, 71 мад.) ашагъыдаки денъишме кирсетильсин:
«Къырым Мухтар Джумхуриетининъ санайы сиясети, накълият, алякъа ве якъарлыкъ-энергетик комплеси Назирлиги» болюгинде 3-нджи сатыр чыкъарылсын.
4. Мезкюр Къарарнынъ эда этильмеси боюнджа незарет Къырым Мухтар Джумхуриети Юкъары Радасынынъ санаат, къуруджылыкъ, накълият, алякъа ве якъарлыкъ-энергетик комплекси боюнджа Даимий комиссиясына авале этильсин.
5. Мезкюр Къарар къабул этильген кунюнден арекетке кире.
| Къырым Мухтар Джумхуриети Юкъары Радасынынъ Реиси | А. ГРИЦЕНКО |
| Симферополь ш., 2008 сенеси, март 19, № 815-5/08 |