КъМДж ЮР Къарары

КЪЫРЫМ МУХТАР ДЖУМХУРИЕТИ ЮКЪАРЫ РАДАСЫНЫНЪ БАЗЫ КЪАРАРЛАРЫНА ДЕНЪИШМЕЛЕР КИРСЕТИЛЬМЕСИ АКЪКЪЫНДА

Къырым Мухтар Джумхуриети Анаясасынынъ 26-нджи маддеси экинджи къысымы­ныныъ 1-нджи пунктына, «Къырым Мухтар Джумхуриетининъ Юкъары Радасы векилининъ статусы акъкъында» Украина Къанунынынъ 26-нджи маддесине бинаен

Къырым Мухтар Джумхуриетининъ Юкъары Радасы к ъ а р а р б е р е:

1. Къырым Мухтар Джумхуриети Юкъары Радасынынъ 2003 сенеси сентябрь 17-де къабул олунгъан 679-3/03 санлы Къарарынен (Къырым Мухтар Джумхуриетининъ норматив-укъукъий актлар Топламы, 2003 с., 9 сан, 732 мад.; 2006 с., 6 сан, 417 мад.; 2007 с., 5 сан, 437 мад., 12 сан, 1254 мад.) тасдикълангъан Къырым Мухтар Джумхуриетининъ Юкъары Радасы векиллерининъ фаалиетини теминлев акъкъында Низамнамесине ашагъыдаки денъишмелер кирсетильсин:

«Векиллерининъ эмегини телев» 2-нджи болюгининъ 2.1 пунктастында:

биринджи сатырбашында «Къырым Мухтар Джумхуриети Юкъары Радасынынъ даимий комиссиясы статусы иле саиплештирюв меселелери боюнджа Къырым Мухтар Джумхуриети Юкъары Радасынынъ Незарет комиссиясынынъ реиси» сезлерине «Къырым Мухтар Джумхуриети Юкъары Радасынынъ даимий комиссиясы статусы иле Къырым Мухтар Джумхуриети Юкъары Радасынынъ дигер комиссиялары реислери» сезлер къошулсын;

дертюнджи сатырбашы чыкъарылсын;

бешинджи сатыр башында «Къырым Мухтар Джумхуриети Юкъары Радасынынъ даимий комиссиясы статусы иле саиплештирюв меселелери боюнджа Къырым Мухтар Джумхуриети Юкъары Радасынынъ Незарет комиссиясынынъ реисини» сезлерине «Къырым Мухтар Джумхуриети Юкъары Радасынынъ даимий комиссиясы статусы иле Къырым Мухтар Джумхуриетининъ Юкъары Радасы дигер комиссияларнынъ реислерини» сезлер къошулсын;

«Векиллернинъ фаалиетини мальземе-техник теминленмеси» 4-нджи болюгининъ 4.4 пунктастында «Къырым Мухтар Джумхуриети Юкъары Радасынынъ даимий комиссиялары фаалиетинен багълы» сезлерине «Къырым Мухтар Джумхуриети Юкъары Радасынынъ даимий комиссиясы статусы иле Къырым Мухтар Джумхуриети Юкъары Радасынынъ дигер комиссиялары» сезлер къошулсын;

мезкюр Низамнамесининъ Илявесинде серлева ашадаки тарирде арз этильсин:

«Къырым Мухтар Джумхуриетининъ Юкъары Радасы даимий комиссияларынынъ, Къырым Мухтар Джумхуриетининъ Юкъары Радасы даимий комиссиясынынъ статусы иле Къырым Мухтар Джумхуриетининъ Юкъары Радасы дигер комиссияларнынъ, Къырым Мухтар Джумхуриетининъ Юкъары Радасы ве Къырым Мухтар Джумхуриети Юкъары Радасынынъ векиллери фракцияларнынъ векялетли масрафлары (эр ай)».

2. Къырым Мухтар Джумхуриети Юкъары Радасынынъ 2006 сенеси июнь 21-де къабул олунгъан «Эмегини телев шараитлери акъкъында» 122-5/06 санлы Къарарына (Къырым Мухтар Джумхуриетининъ норматив-укъукъий актлар Топламы, 2006 с., 6 сан, 415 мад., 9 сан, 753 мад.) ашагъыдаки денъишмелер кирсетильсин:

8-нджи пунктынынъ экинджи сатыр башында «эм де эмегини телевине васталарны къытып тутулмасы ве мукяфатларгъа козьде тутулгъан васталар сынъырында девлет профессиональ байрамларгъа ве йылденюми тарихлерге» сезлер чыкъарылсын;

9-нджы пункттан «Гриценко А. П. Къырым Мухтар Джумхуриетининъ Юкъары Радасынынъ Реисине, Цеков С. П. Къырым Мухтар Джумхуриети Юкъары Радасынынъ биринджи муавинине, Бахарев М. А. Къырым Мухтар Джумхуриетининъ Юкъары Радасынынъ Реиси муавинине, Плакида В. Т. Къырым Мухтар Джумхуриети назирлер Шурасынынъ Реисине» сезлер чыкъарылсын.

3. Къырым Мухтар Джумхуриети Юкъары Радасынынъ 2007 сенеси декабрь 19-да къабул олунгъан «Къырым Мухтар Джумхуриети Юкъары Радасынынъ базы къарарларына денъишмелер кирсетильмеси акъкъында» 693-5/07 санлы Къарарында (Къырым Мухтар Джумхуриетининъ норматив-укъукъий актлар Топламы, 2007 с., 12 сан, 1254 мад.) мезкюр Къарарнынъ 3-нджи пункты 2006 сенеси май 12-де арекетке кирмеси акъкъында къайд этильген къысымында 6-нджы пунктнынъ арекети лягъу этильсин.

4. Мезкюр Къарар къабул этильген кунюнден арекетке кире.