Къырым Мухтар Джумхуриети Анаясасынынъ 18-нджи маддеси биринджи къысымынынъ 2 ве 9 пунктларына, 26-нджи маддеси экинджи къысымынынъ 31-нджи пунктына, Украина ер асты байлыкълары акъкъында Кодексининъ 16 ве 19 мадделерине, 9-нджи маддесининъ 2-нджи пунктына, Украина Назирлер Кабинетининъ 2007 сенеси март 14-те къабул олунгъан 480 санлы Къарарынен тасдикълангъан ер асты байлыкъларындан файдаланмакъ ичюн махсус изинлер 2007 сенеде такъдим этильмеси боюнджа Тертибининъ 7-нджи пунктына бинаен
Къырым Мухтар Джумхуриетининъ Юкъары Радасы к ъ а р а р б е р е:
1. Ер асты байлыкъларындан файдаланмакъ ичюн махсус изинлер берильмеси акъкъында риджанамелер уйгъунлаштырылсын:
1) «Укркъурув» шахсий ишханесине (Раздольное районы, Березовка к.) — Раздольное районында пычма киречташлар Шималь-Новониколаевское ер догъумында Шаркъ ве Гъарб дамартысында амелий-истисал ишлеп чыкъарув имкяны олгъан геологик теткъикъаты боюнджа ишлер алып бармакъ ичюн;
2) «Полтава-Крым» санаторийы» (Саки ш.) ачыкъ акционер джемиетине — санаторийны ходжалыкъ-турмуш макъсадынен сувнен теминлемек ичюн Альминское ер догъумынынъ Альминский-I дамартысында (№ 3696, № 6301 бужарлары) ер асты сувларны чыкъармакъ ичюн.
2. Ходжалыкъ-турмуш сувнен теминлев ичюн Альминское ер асты сувларнынъ ер догъумында (№№ 5743, 5744, 5745, 5772 бужарлары) «Аэрофлотский» дамартысында амелий-истисал ишлеп чыкъарув имкяны олгъан геологик теткъикъаты боюнджа ишлер алып бармакъ ичюн «Симферополь» Миллетлерара аэропорты» ачыкъ акционер джемиетине махсус изиннинъ амельдеки муддети девам этильмеси ве гъарыдан ресмийлештирильмеси уйгъунлаштырылсын.
3. Мезкюр Къарар къабул этильген кунюнден арекетке кире.
| Къырым Мухтар Джумхуриети Юкъары Радасынынъ Реиси | А. ГРИЦЕНКО |
| Симферополь ш., 2008 сенеси, март 19, № 810-5/08 |