Къырым Мухтар Джумхуриети Анаясасынынъ 26-нджи маддеси экинджи къысымынынъ 1-нджи пунктына бинаен
Къырым Мухтар Джумхуриетининъ Юкъары Радасы к ъ а р а р б е р е:
1. Къырым Мухтар Джумхуриети Юкъары Радасынынъ 2006 сенеси октябрь 18-де къабул олунгъан «Етекчи спортчыларгъа-сакъатларгъа ве оларнынъ устазларына стипендиялары акъкъында» 222-5/06 санлы Къарарына (Къырым Мухтар Джумхуриетининъ норматив-укъукъий актлар Топламы, 2006 с., 10 сан, 889 мад.) ашагъыдаки денъишмелер кирсетильсин:
2-нджи пунктта «эмекке къабилиети олгъан шахслар ичюн тайинленген бир айгъа яшайыш ичюн лязим энъ аз пара» сезелирини «эмекке къабилиети олгъан шахслар ичюн тайинленген бир айгъа яшайыш ичюн лязим энъ аз паранынъ эки данеси» сезлерине денъиштирильсин;
мезкюр Къарарнен тасдикълангъан етекчи спортчыларгъа-сакъатларгъа ве оларнынъ устазларына Къырым Мухтар Джумхуриетининъ стипендиялары акъкъында Низамнамесинде:
6-нджи пунктта «бир айгъа яшайыш ичюн лязим энъ аз паранынъ 100 файызы» сезлери «бир айгъа яшамакъ ичюн лязим энъ аз паранынъ 200 файызы» сезлерине денъиштирильсин.
2. Мезкюр Къарар къабул этильген кунюнден арекетке кире.
| Къырым Мухтар Джумхуриети Юкъары Радасынынъ Реиси | А. ГРИЦЕНКО |
| Симферополь ш., 2008 сенеси, март 19, № 807-5/08 |