Къырым Мухтар Джумхуриетинде рус медениети илерилемеси ве рус тилинен къулланув макъсадынен, Украина Анаясасынынъ 10-нджи маддесининъ учюнджи къысымына, Къырым Мухтар Джумхуриети Анаясасынынъ 10, 11 мадделерине, 26-нджи маддеси экинджи къысымынынъ 1-нджи пунктына, Къырым Мухтар Джумхуриети Юкъары Радасынынъ 1998 сенеси апрель 15-те къабул олунгъан «Къырым Мухтар Джумхуриетинде девлет, рус ве дигер миллий тиллернинъ арекет этмесини теминлев акъкъында» 1505-1 санлы Къарарына, Къырым Мухтар Джумхуриети Юкъары Радасынынъ 2006 сенеси октябрь 18-де къабул олунгъан «Къырым Мухтар Джумхуриети Юкъары Радасынынъ 1998 сенеси апрель 15-те къабул олунгъан «Къырым Мухтар Джумхуриетинде девлет, рус ве дигер миллий тиллернинъ арекет этмесини теминлев акъкъында» 1505-1 санлы Къарары эда этильмесининъ кетишаты акъкъында» 214‑5/06 санлы Къарарына, Къырым Мухтар Джумхуриети Юкъары Радасынынъ 2007 сенеси март 22-де къабул олунгъан «Къырым Мухтар Джумхуриети Юкъары Радасынынъ Къырым Мухтар Джумхуриетинде девлет, рус ве дигер тиллеринен къулланув меселелери боюнджа къарары эда этильмеси кетишаты акъкъында» 391-5/07 санлы Къарарына бинаен
Къырым Мухтар Джумхуриетининъ Юкъары Радасы к ъ а р а р б е р е:
1. Къырым Мухтар Джумхуриети Юкъары Радасынынъ 2007 сенеси март 22-де къабул олунгъан «Къырым Мухтар Джумхуриетинде девлет, рус ве дигер тиллеринен къулланув меселелери боюнджа Къырым Мухтар Джумхуриети Юкъары Радасынынъ къарары эда этильмеси кетишаты акъкъында» 391-5/07 санлы Къарарына (Къырым Мухтар Джумхуриетининъ норматив-укъукъий актлар Топламы, 2007 с., 3 сан, 185 мад., 10 сан, 994 мад., 12 сан, 1255 мад.) ашагъыдаки денъишмелер кирсетильсин:
3-нджи пунктында:
«эр йыл» сезю чыкъарылсын;
«2007—2010 сенелерине» сезлери «2007 сенесине» сезлерине денъиштирильсин;
ашадаки мундериджели 3-2 пункт къошулсын:
«3-2. Къырым Мухтар Джумхуриетинде 2008—2010 сенелерине рус медениети илерилемеси ве рус тилининен къулланув боюнджа эр йыл тедбирлер планы тасдикълансын (иляве этиле)*»;
5-нджи пунктынынъ 5.1 пунктасты ашадаки тарирде арз этильсин:
«5.1. Мезкюр Къарарнынъ 3-2 пунктлары иле тасдикълангъан тедбирлерге масрафларнынъ сметасы эр йыл тасдикълансын, эм де олар озь вакъытында эда этильсин ве малиенен теминленсин»;
мезкюр Къарарнен тасдикълангъан 2007—2010 сенелерине Къырым Мухтар Джумхуриетининъ тасиль ве медениет сааларында рус тилини илерилев ве къулланув боюнджа эр йыллыкъ тедбирлер планында:
«эр йыл» сезлери чыкъарылсын;
«2007—2010 сенелерине» сезлери ерине «2007 сенесине» сезлерине денъиштирильсин.
2. Мезкюр Къарар къабул этильген кунюнден арекетке кире.
| Къырым Мухтар Джумхуриети Юкъары Радасынынъ Реиси | А. ГРИЦЕНКО |
| Симферополь ш., 2008 сенеси, март 19, № 806-5/08 |