КъМДж ЮР Къарары

КЪЫРЫМ МУХТАР ДЖУМХУРИЕТИНДЕ КИЙИК АЙВАНЛАР ВЕ КЪУШЛАРНЫ БЕСЛЕВ АКЪКЪЫНДА

Къырым Мухтар Джумхуриети Анаясасынынъ 18-нджи маддеси биринджи къысымынынъ 1-нджи пунктына, 26-нджи маддеси экинджи къысымынынъ 1-нджи пунктына мувафыкъ, «Айванларны джанавар мунасебетлерден къорчалав акъкъында» Украина Къанунынынъ 7, 25, 28 мадделерине, «Байтар тиббиети акъкъында» Украина Къанунынынъ 38-нджи маддесине, «Эалини санитар ве къыргъынлыкъ аманлыгъыны теминлев акъкъында» Украина Къанунынынъ 30-нджи маддесине, «Этрафтаки табиат муитини къорув акъкъында» Украина Къанунынынъ 15-нджи маддесине бинаен

Къырым Мухтар Джумхуриетининъ Юкъары Радасы к ъ а р а р б е р е:

1. Айванат алемининъ объектлерини эльде этюв боюнджа къанунджылыгъына незаретини кучьлештирюв Къырым Мухтар Джумхуриетининъ назирлер Шурасы иле Къырым Мухтар Джумхуриетининъ этрафтаки табиат муитини къорув боюнджа Джумхурий комитетине авале этильсин.

2. Теклиф этильсин:

2.1. Девлетке аит территорияларда кийик айванлар ве къушларнынъ эпизоотик алына байтар-санитар незаретини ве къорувыны кучьлештирюв Къырым Мухтар Джумхуриетинде байтар тиббиети идарелигине авале этильсин.

2.2. Къырым Мухтар Джумхуриетинде Украина ички ишлер Назирлигининъ Баш идарелигине:

эалиге коммерция хызметлерини косьтерген коммерция фаалиетинде айванларнен файдаланувгъа укъукъ берген аит статусы олмагъан ишханелери иле ве саипкярлыкъ фаалиетининъ субъектлери иле кийик айванларнен ве къушларнен файдаланувны ясакъ этюв боюнджа Къырым Мухтар Джумхуриетинде байтар тиббиетининъ Идарелигинен бирликте чарелер бакъылсын;

кийик айванларгъа ве къушларгъа мунасебетлерини ве оларнен файдаланувыны тертипке къойгъан амельдеки къанунджылыгъына джинаетчилиги ичюн саипкярлыкъ фаалиети субъектлернинъ бойле фаалиетнен огърашмакъ укъукъларындан марум этильмесине аит чарелер бакъылмасы, мемурий ве джинаий месулиетлерге джельп этильмеси, Къырым Мухтар Джумхуриетининъ этрафтаки табиат муитини къорув боюнджа Джумхурий комитетинен бирликте Къырым Мухтар Джумхуриетининъ байтар тиббиети Идарелигине авале этильсин;

келирлерни эльге этюв макъсады иле спорт, корюниш тедбирлер алып барылмасында ве раатлыкъ вакъыты тешкиль этильмесинде иштирак эткен кийик айванлар ве къушларны мусадере этюв боюнджа чарелер корьмек, махкемеде къарар чыкъарылмасындан эвель махсуслаштырылгъан ишханелерге (айванат муюшлер, фиданлыкълар, айванат багъчаларгъа) айванат алемининъ объектлерини теслим этюв иле, Къырым Мухтар Джумхуриетинде шеэр шуралары ве район девлет мемуриетлериндеки иджра комитетлерининъ экология болюклери иле бирликте авале этильсин.

3. Кийик айванлар ве къушларнен файдаланмасы иле мухтариет территориясында Къырым сакинлерге ве истираатчыларгъа фотохызмет косьтермесини ясакъ этюв, айванат багъчалар ве айванат муюшлеринде къанунджылыкъкъа мувафыкъ махсус донавлы ерлерден гъайры, «Айванларны джанавар мунасебетлерден къорчалав акъкъында» Украина Къанунынынъ 28-нджи маддесине мувафыкъ Къырым Мухтар Джумхуриетинде ерли мустакъиль идаре этюв органларгъа тевсие этильсин.

4. Мезкюр Къарарнынъ эда этильмеси боюнджа незарет Къырым Мухтар Джумхуриети Юкъары Радасынынъ укъукъ меселелери, низам тертиби ве февкъульаде вазиетлер боюнджа Даимий комиссиясына авале этильсин.

5. Мезкюр Къарар къабул этильген кунюнден арекетке кире.