Къырым Мухтар Джумхуриети Анаясасынынъ 26-нджи маддесиндеки экинджи къысымынынъ 1, 7 пунктларына бинаен
Къырым Мухтар Джумхуриетининъ Юкъары Радасы к ъ а р а р б е р е:
1. Къырым Мухтар Джумхуриети Юкъары Радасынынъ 2008 сенеси январь 16-да къабул олунгъан «Къырым Мухтар Джумхуриетининъ 2008 сенесине бюджети акъкъында» 728‑5/08 санлы Къарарына (Къырым Мухтар Джумхуриетининъ норматив-укъукъий актлар Топламы, 2008 с., 1 сан, 2-нджи мад.) ашагъыдаки денъишмелер кирсетильсин:
1.1. 1-нджи пунктта «2184229,5» сайысы «2193539,5» сайысына денъиштирильсин, «1947733,4» сайысы «1948043,4» сайысына денъиштирильсин, «236496,1» сайысы «245496,1» сайысына денъиштирильсин, «43392,5» сайысы «52392,5» сайысына денъиштирильсин.
1.2. 2-нджи пунктта «2230715,8» сайысы «2240025,8» сайысына денъиштирильсин, «1994019,7» сайысы «1994329,7» сайысына денъиштирильсин, «236696,1» сайысы «245696,1» сайысына денъиштирильсин.
1.3. 13-нджи пункт ашагъыдаки тарирде арз этильсин:
«13. Регионнынъ ичтимаий-икътисадий ве медений инкишафы программасынынъ эда этильмесине Украина Девлет бюджетине 2008 сенесине Къырым Мухтар Джумхуриети бюджетинден 1035,0 бинъ грн. микъдарында субвенция тасдикълансын, бу джумледен:
Къырым Мухтар Джумхуриети Юкъары Радасынынъ 2007 сенеси декабрь 19-да къабул олунгъан 689-5/07 санлы Къарарынен тасдикълангъан Къырым Мухтар Джумхуриетинде 2008—2009 сенелерине джинаетчиликнинъ огюни алув Региональ комплекс программасы эда этильмесине — 725,0 бинъ грн.;
Украина Силялы Къуветлерге (Къырым Мухтар Джумхуриетининъ Арбий комиссариаты) гражданларны чагъырыш боюнджа тедбирлер эда этильмесине — 310,0 бинъ грн.».
1.4. 32-нджи пункткъа ашагъыдаки мундеридженен 32.6 пунктасты къошулсын:
«32.6. «Керчь верем хасталыгъына къаршы диспансер» Коммуналь муэссисесини, «Керчь тен-венерологик диспансери» Коммуналь муэссисесини, Керчь шеэр психоневрологик диспансерни 2008 сенеси январь 1-ден Къырым Мухтар Джумхуриетининъ бюджети паралары эсабындан малиенен теминлеви эда этильсин».
1.5. Мезкюр Къарарнен тасдикълангъан 1-нджи Илявеге бойле денъишмелер кирсетильсин: «махсус фондунынъ инкишафы бюджетине умумий фондундан алынгъан паралар» сатыры къошулсын ве «Берги киришлери» болюгини, «НЕТИДЖЕДЕКИ КЕЛИРЛЕР», «ДЖЕМИ КЕЛИРЛЕР» янъы тарирде арз этильсин (иляве этилелер)*.
1.6. Мезкюр Къарарнен тасдикълангъан 2-нджи Илявеге бойле денъишмелер кирсетильсин: 10-1, 15 пунктлары къошулсын ве 8, 13 пунктлары, «НЕТИДЖЕДЕКИ КЕЛИРЛЕР» сатыры, 14 пункты, «ДЖЕМИ КЕЛИРЛЕР» сатыры янъы тарирде арз этильсин (иляве этилелер)*.
1.7. Мезкюр Къарарнен тасдикълангъан 3-нджи Илявеге денъишмелер кирсетильсин, «Махсус фондунынъ инкишафы бюджетине умумий фондундан теслим этильген паралар» сатыры къошулсын ве 006, 090, 193, 220 болюклери, «ДЖЕМИ» сатыры янъы тарирде арз этильсин (иляве этилелер)*.
2. Мезкюр Къарарнынъ 1-нджи пунктындаки 1.4 пунктастына бинаен Къырым Мухтар Джумхуриетининъ 2008 сенесине бюджетине денъишмелер кирсетюв боюнджа теклифлер Къырым Мухтар Джумхуриетининъ Юкъары Радасынен музакере этильмеси Къырым Мухтар Джумхуриетининъ назирлер Шурасына авале этильсин.
3. Мезкюр Къарар къабул этильген кунюнден арекетке кире.
| Къырым Мухтар Джумхуриети Юкъары Радасынынъ Реиси | А. ГРИЦЕНКО |
| Симферополь ш., 2008 сенеси, март 19, № 800-5/08 |