КъМДж ЮР Къарары

2006 СЕНЕСИНЕ ДЕКАБРЬ 20-ДЕ КЪАБУЛ ОЛУНГЪАН 296-5/06 САНЛЫ КЪАРАРЫ ИЛЕ ТАСДИКЪЛАНГЪАН КЪЫРЫМ МУХТАР ДЖУМХУРИЕТИНДЕ 2007—2011 СЕНЕЛЕРДЕ ВЕРЕМ ХАСТАЛЫГЪЫ КЪЫРГЪЫНЛЫГЪЫНА КЪАРШЫЛЫКЪ КОСЬТЕРЮВ БОЮНДЖА РЕГИОНАЛЬ ПРОГРАММАСЫНЫНЪ КЕТИШАТЫ АКЪКЪЫНДА

Къырым Мухтар Джумхуриетинде эалиге махсуслаштырылгъан фтизиатрия ярдым косьтерювни эйилештирюв макъсадларында, Къырым Мухтар Джумхуриети Анаясасынынъ 18‑нджи маддесининъ биринджи къысмынынъ 17-нджи пунктына бинаен

Къырым Мухтар Джумхуриетининъ Юкъары Радасы к ъ а р а р б е р е:

1. Къырым Мухтар Джумхуриетининъ назирлер Шурасына:

Украина Назирлер Кабинетининъ 2001 сенеси декабрь 27-де къабул олунгъан «Верем хасталарына ве верем хасталыгъынынъ микробактерияларнен инфицирленген шахыслар ичюн гъыдаланув къарарлары акъкъында» 1752 санлы Къарары иле тайинленген нормативлерге мувафыкъ Къырым Мухтар Джумхуриети Юкъары Радасынынъ 2006 сенеси декабрь 20-де къабул олунгъан 296-5/06 санлы Къарары иле (сонъра — Региональ программа) тасдикълангъан Къырым Мухтар Джумхуриетинде 2007—2011 сенелерине верем хасталыгъы къыргъынлы­гъына къаршылыкъ косьтерюв боюнджа Региональ программасынынъ V болюгинде 5.23 пунктастынынъ эда этильмесини теминлев ичюн Къырым Мухтар Джумхуриетининъ сагълыкъны сакълав Назирлигине Къырым Мухтар Джумхуриетининъ 2008 сенесине бюджетинден тайинленген тертипте 1,7 млн. грн. микъдарында къошма тахсислер берильмеси козьде тутулсын;

Региональ программасынынъ VI болюгининъ 2-нджи пунктында къайд этильген 1 санлы Джумхурий верем хасталыгъына къаршы диспансернинъ тедавийлев ярдымджы болюклернинъ темель тамирлевини откерюв ичюн лейха-смета весикъаджылыгъына мувафыкъ Къырым Мухтар Джумхуриетининъ 2008 сенесине бюджетинден тахсислерни бутюн колеминде берильмеси теминленсин;

лейха-смета весикъаджылыгъына мувафыкъ Къырым Мухтар Джумхуриетининъ инкишафы бюджетинден тайинленген тертипте 2008 сенесинде тахсислерге эсасланаракъ Региональ программасынынъ VI болюгининъ 9-нджи пунктында козь огюне алынгъан Джанкой меркезий район хастаханесининъ верем болюги гъайрыдан тикленмесини екюнлев боюнджа тедбирлернинъ эда этилюви теминленсин;

лейха-смета весикъаджылыгъына мувафыкъ Къырым Мухтар Джумхуриетининъ инкишафы бюджетинден тайинленген тертипте 2008 сенесинде 277,8 бинъ грн. микъдарында къошма тахсислерге эсасланаракъ Региональ программасынынъ VI болюгининъ 10-нджи пунктында козьде тутулгъан Симферополь ш. 1 санлы Джумхурий верем хасталыгъына къаршы диспансернинъ торакаль болюгининъ одалары гъайрыдан тикленмеси екюнленюви теминленсин.

2. Тедавийлевнинъ ярдымджы фазасында верем хасталарына ичтимаий ярдым темин этильмесине мааллий бюджетлеринден макъсадлы тахсислер айырмасыны козь огюнде тутмакъ Къырым Мухтар Джумхуриетиндеки мааллий мустакъиль идарелиги органларгъа, район девлет мемуриетлерге тевсие этильсин.

3. Мезкюр Къарарнынъ эда этильмеси боюнджа незарет Къырым Мухтар Джумхуриети Юкъары Радасынынъ ичтимаий меселелер, сагълыкъны сакълав ве ветеранлар ишлери боюнджа Даимий комиссиясына авале этильсин.

4. Мезкюр Къарар къабул этильген кунюнден арекетке кире.