Къырым Мухтар Джумхуриети Анаясасынынъ 26 маддеси экинджи болюгининъ 17,19 пунктларына, 32 маддесине, «Къырым Мухтар Джумхуриетининъ Юкъары Радасы акъкъында» Украина Къануны 9-нджи маддесининъ 18, 20 пунктларына 15, 16 мадделерине, 1991 сенеси апрель 17-де къабул олунгъан «Украинада сиясий репрессиялар къурбанларнынъ реабилитирленмеси акъкъында» № 962-XII санлы Украина Къанунына ве Украина Назирлер Кабинетининъ 1991 сенеси июнь 24-те къабул олунгъан „Украинада сиясий репрессиялар къурбанларынынъ реабилитирленмеси акъкъында” Украина СДжБ Къанунынынъ омюрге кечирюв боюнджа чарелер корюльмеси акъкъында” 48 санлы Къарарынен тасдикълангъан реабилитирленгенлернинъ акъ-укъукълары тикленмеси ичюн суаллери боюнджа халкъ векиллери Шураларнынъ комиссиялары акъкъында Низамнамеге мувафыкъ,
Къырым Мухтар Джумхуриетининъ Юкъары Радасы к ъ а р а р б е р е:
1. Къырым Мухтар Джумхуриети Юкъары Радасынынъ даимий комиссиясы статусы иле (сонъра — Комиссия) реабилитирленгенлернинъ акъ-укъукълары тикленмеси ичюн суаллери боюнджа Къырым Мухтар Джумхуриетининъ Юкъары Радасы Комиссиясы тешкиль этильсин.
2. Къырым Мухтар Джумхуриети Юкъары Радасы векиллерининъ фракциялары азалары векялетлигининъ мусавий къысымлары эсасында Къырым Мухтар Джумхуриети Юкъары Радасынынъ векиллери сырасындан Комиссия теркиби сайлана.
3. Комиссия — Комиссиянынъ реиси, онынъ муавини, кятиби ве Комиссия азалары теркибинде иштирак эте.
4. Къырым Мухтар Джумхуриети Юкъары Радасы Реисининъ теклифи иле Къырым Мухтар Джумхуриетининъ Юкъары Радасынен Комиссия Реиси сайлана.
5. Комиссиянынъ Реиси озь векялетлерини даимий эсаста беджере.
«Девлет хызмети акъкъында» Украина Къанунынен тайинленген тертипте комиссия реисининъ вазифеси девлет хызметчилери вазифелерининъ аит севиесине муим ола.
6. Комиссия реисининъ теклифи боюнджа, теркибинде олгъан, векиллер арасындан Къырым Мухтар Джумхуриетининъ Юкъары Радасынен реисининъ муавини ве Комиссиянынъ кятиби сайлана.
7. Къырым Мухтар Джумхуриети Юкъары Радасынынъ реиси ве онынъ муавинлери Комиссиянынъ теркибине кирмейлер.
8. Украина Анаясасына, «Къырым Мухтар Джумхуриетининъ Анаясасынынъ тасдикълав акъкъында», «Украинада сиясий репрессиялар къурбанларнынъ реабилитирленмеси акъкъында», «Къырым Мухтар Джумхуриетининъ Юкъары Радасы акъкъында», «Къырым Мухтар Джумхуриетининъ Юкъары Радасы векилининъ статусы акъкъында» Украина къанунларына, дигер къанунджылыкъ актларына, Украина Назирлер Кабинетининъ 1991 сенеси июнь 24-те къабул олунгъан «Украинада сиясий репрессиялар къурбанларнынъ реабилитирленмеси акъкъында» Украина СДжБ Къанунынынъ омюрге кечирюв боюнджа чарелер корюльмеси акъкъында» 48 санлы Къарарынен тасдикълангъан реабилитирленгенлернинъ акъ-укъукълары тикленмеси ичюн суаллери боюнджа халкъ векиллери Шуралары комиссиялары акъкъында Низамнамеге, Къырым Мухтар Джумхуриети Юкъары Радасынынъ норматив-укъукъий ве дигер актларына эсасланаракъ Комиссиянынъ тешкиляты ве фаалиети беджериле.
9. Комиссия, ишлерде инкишаф этмек ичюн, джемиет, малий органларнынъ, мескен-коммуналь ходжалыгъы ишханелери, ичтимаий теминлев муэссиселери, архив муэссиселернинъ векиллерини, зарур олса — дигер ишханелер, тешкилятлар ве муэссиселернинъ векиллерини чекмек мумкюн.
10. Комиссия озь фаалиетинде Къырым Мухтар Джумхуриети Юкъары Радасынынъ незариетинде ве эсабатында.
11. Комиссиягъа тайинленген нусхадаки бланк малик ола (нусхасы иляве этиле)*.
12. Къырым Мухтар Джумхуриети Юкъары Радасынынъ 1998 сенеси июнь 30-да 109-II санлы Къарарынен тасдикълангъан (Къырым Мухтар Джумхуриетининъ норматив-укъукъий актлары Топламы, 1998 с., 6 сан, 388 мад., 7 сан, 471 мад.; 1999 с., 8 сан, 837 мад., 11 сан, 1115 мад.; 2000 с., 2 сан, 75 мад.; 2001 с., 6 сан, 563 мад.; 2002 с., 5 сан, 328 мад.; 2003 с., 3 сан, 212 мад.; 2004 с., 6 сан, 535 мад.; 2006 с., 7 сан, 496 мад., 10 сан, 887 мад.; 2007 с., 4 сан, 316 мад., 10 сан, 995 мад.), Къырым Мухтар Джумхуриети Юкъары Радасынынъ Регламентине ашагъыдаки денъишмелер кирсетильсин:
71 маддесининъ экинджи къысымы ашагъыдаки тарирде арз этильсин:
«Саиплештирюв меселелери боюнджа Къырым Мухтар Джумхуриети Юкъары Радасынынъ Незарет комиссиясы, Къырым Мухтар Джумхуриети Юкъары Радасы даимий комиссияларнынъ статусы иле реабилитирленгенлернинъ укъукълары тикленмеси меселелери боюнджа Къырым Мухтар Джумхуриети Юкъары Радасынынъ Комиссиясы Къырым Мухтар Джумхуриетининъ Юкъары Радасында арекет эте».
13. Къырым Мухтар Джумхуриети Юкъары Радасынынъ 2002 сенеси июнь 19-да къабул олунгъан «Къырым Мухтар Джумхуриети Юкъары Радасы Кятибиетининъ ве Къырым Мухтар Джумхуриети Юкъары Радасынынъ ишлери боюнджа Идаресининъ къурулышы ве сайы черчивеси акъкъында» 140-3/02 санлы Къарарынен (Къырым Мухтар Джумхуриетининъ норматив-укъукъий актлар Топламы, 2002 с., 6 сан, 496 мад., 9 сан, 958 мад.; 2003 с., 2 сан, 119 мад., 3 сан, 215 мад., 12 сан, 998 мад.; 2004 с., 5 сан, 417 мад., 11 сан, 999 мад.; 2005 с., 10 сан, 935 мад.; 2006 с., 6 сан, 416 мад., 9 сан, 753 мад., 12 сан, 1180 мад.; 2007 с., 3 сан, 201 мад., 6 сан, 581 мад.), тасдикълангъан Къырым Мухтар Джумхуриети Юкъары Радасынынъ Кятибиети къурулышы ве сайы черчивесине ашагъыдаки денъишмелер кирсетильсин:
6-нджы пунктта:
«тешкилий меселелер боюнджа Идаре» сатырында «40» сайысы «42» сайысына денъиштирильсин;
«Къырым Мухтар Джумхуриетининъ Юкъары Радасы даимий комиссияларынынъ фаалиетини теминлев ве тешкилий меселелер боюнджа болюги» сатырында «32» сайысы «34» сайысына денъиштирильсин;
9-нджи пунктта:
«Ватандашларнынъ, ишханелер, муэссиселер ве тешкилятларнынъ мураджаатлары устюнден ишлев Идареси» сатырында «8» сайысы «7» сайысына денъиштирильсин;
ашагъыдаки мундеридженен сатыр чынъарылсын:
| Реабилитирленгенлернинъ укъукълары тикленмеси меселелери боюнджа Къырым Мухтар Джумхуриетининъ Юкъары Радасы комиссиясынынъ реиси — Идаре реисининъ муавини |
«Къырым Мухтар Джумхуриети Юкъары Радасы Кятибиетининъ микъдары» сатырында «100» сайысы «101» сайысына денъиштирильсин.
14. Къырым Мухтар Джумхуриети Юкъары Радасынынъ 2002 сенеси сентябрь 18-де къабул олунгъан 253-3/02 санлы Къарарынен (Къырым Мухтар Джумхуриетининъ норматив-укъукъий актлар Топламы, 2002 с., 9 сан, 962 мад.; 2004 с., 3 сан, 170 мад.; 2005 с., 2 сан, 79 мад.; 2006 с., 6 сан, 416 мад., 9 сан, 753 мад.; 2007 с., 6 сан, 581 мад., 12 сан, 1254 мад.) тасдикълангъан Къырым Мухтар Джумхуриети Юкъары Радасынынъ Кятибитети акъкъында Низамнамесине ашагъыдаки денъишмелер кирсетильсин:
IV болюгинде:
«Тешкиль этюв меселелери боюнджа Идаре» болюг астынынъ алтынджы сатыр башында «саиплештирюв меселелери боюнджа Къырым Мухтар Джумхуриети Юкъары Радасынынъ Незарет комиссиясы» сезлеринден сонъ «реабилитирленгенлернинъ укъукълары тикленмеси меселелери боюнджа Къырым Мухтар Джумхуриети Юкъары Радасынынъ Комиссиялары» сезлери къошулсын;
«Ватандашларнынъ, ишханелер, муэссиселер ве тешкилятларнынъ мураджаатлары иле ишлери боюнджа Идаре» болюг астынынъ экинджи сатыр башында «Ватандашларнынъ, ишханелер, муэссиселер ве тешкилятларнынъ мураджаатлары иле ишлери боюнджа Идаресининъ тизилишине реабилитирленгенлернинъ укъукълары тикленмеси меселелери боюнджа Къырым Мухтар Джумхуриетининъ Юкъары Радасы комиссиясынынъ реиси — Идаре реисининъ муавини кире» сезлер лягъу этильсин.
15. Озь кучюни джойгъан деп, сайылсын:
Къырым Мухтар Джумхуриети Юкъары Радасынынъ «Реабилитирленгенлернинъ укъукълары тикленмеси меселелери боюнджа Къырым Мухтар Джумхуриети Юкъары Радасынынъ комиссиясы акъкъында» 249-3/02 санлы 2002 сенеси сентябрь 18-де къабул олунгъан Къарары (Къырым Мухтар Джумхуриетининъ норматив-укъукъий актлар Топламы, 2002 с., 9 сан, 958 мад.; 2003 с., 12 сан, 998 мад.; 2006 с., 7 сан, 505 мад.);
Къырым Мухтар Джумхуриети Юкъары Радасынынъ «Реабилитирленгенлернинъ укъукълары тикленмеси меселелери боюнджа Къырым Мухтар Джумхуриети Юкъары Радасынынъ комиссиясы акъкъында» 141-5/06 санлы 2006 сенеси июль 21-де къабул олунгъан Къарары (Къырым Мухтар Джумхуриетининъ норматив-укъукъий актлар Топламы, 2006 с., 7 сан, 505 мад.).
16. Мезкюр Къарар къабул этильген кунюнден арекетке кире
| Къырым Мухтар Джумхуриети Юкъары Радасынынъ Реиси | А. ГРИЦЕНКО |
| Симферополь ш., 2008 сенеси, февраль 20, № 774-5/08 |