КъМДж ЮР Къарары

ЕР АСТЫ БАЙЛЫКЪЛАРЫНДАН ФАЙДАЛАНМАСЫ ИЧЮН МАХСУС ИЗИНЛЕР БЕРИЛЬМЕСИ АКЪКЪЫНДА РИДЖАНАМЕЛЕРНИНЪ УЙГЪУНЛАШУВЫ АКЪКЪЫНДА

Къырым Мухтар Джумхуриети Анаясасынынъ 18 маддеси биринджи къысмынынъ 2 ве 9 пунктларына, 26-нджи маддеси экинджи къысмынынъ 31 пунктына, ер асты байлыкълары акъкъында Украина Кодексининъ 16 ве 19 мадделерине, 9 маддесининъ 2-нджи пунктына, Украина Назирлер Кабинетининъ 2007 сенеси март 14-те къабул олунгъан 480 санлы Къарары иле тасдикълангъан, ер асты байлыкъларындан файдаланмасы ичюн 2007 сенеде махсус изинлер берильмеси Тертибининъ 7-нджи пунктына бинаен

Къырым Мухтар Джумхуриетининъ Юкъары Радасы к ъ а р а р б е р е:

1. Ер асты байлыкъларындан файдаланмасы ичюн махсус изинлер берильмеси акъкъында риджанамелер уйгъунлаштырылсын:

1) «Къырым ташлары» месулиети сынъырлангъан джемиетине (Сиферополь ш.) — Ленин районында Белинск киречташлар ер догъумында (Риф II) сюслендирме мальземелернинъ ихтият къысымыны чыкъармакъ ичюн;

2) «Къырым ташлары» месулиети сынъырлангъан джемиетине (Сиферополь ш.) — Ленин районында джам къумлары Заморск ер догъумында къум чыкъармакъ ичюн;

3) «Укрпрофтедавийлев» профбирликлернинъ тедавийлев-сагъламлаштырув муэссиселернинъ япыкъ акционер джемиетининъ «Сакъ гидрогеологик тертип-истисмар станциясы» ярдымджы ишханесине — Сакъ районында (гъарп хавузы) Сакъ тедавийлев сазлар ве раплар ер догъумынынъ амелий-истисал истисмары иле геология теткъикъаты боюнджа ишлер алып барылмасы ичюн;

4) «Керчь демирел макъаслары заводы» (Керчь ш.) месулиети сынъырлангъан джемиетине — ишханенинъ ходжалыкъ ихтияджлары ичюн («Керчь демирел макъаслары заводы» МСДж мейданы Керчь ш. (№ 6457 бужары) Керчь ер догъумында ер асты татлы сувларны чыкъармакъ ичюн;

5) «Р.И.Ц.» месулиети сынъырлангъан джемиетине (Киев виляети, Белая Церковь ш.) — Раздольненск районында Шаркъ-Николаевск пычма киречташлар ер догъумында амелий-истисал истисмары иле геологик теткъикъаты боюнджа ишлер алып бармакъ ичюн.

2. Ер асты байлыкъларынен файдаланмакъ ичюн махсус изиннинъ муддети уйгъунлаштырылсын:

1) «Нова мемлекетлер достлугъы» япыкъ акционер джемиетке (Красногвардейск районы, Петровка к.) — Красногвардейск районында (№№ 1835, 1753,1808, 2009, 2019 бужарлары) Петровск ер асты татлы сувлары ер догъумында амелий-истисал истисмары иле геологик теткъикъаты боюнджа ишлер алып бармакъ ичюн (ер асты байлыкъларындан файдаланмакъ ичюн 2004 сенеси декабрь 29-да берильген 2702 санлы махсус изин);

2) «Украина ер асты байлыкълары» «Крымгеология» Миллий акционер компаниясы­нынъ ярдымджы ишханесине (Симферополь ш.) — Джанкой районында Шималь-Сиваш санайы йод сувлары ер догъумынынъ Джанкой дамартысында амелий-санайы истисмары иле геологик теткъикъаты боюнджа ишлер алып бармакъ ичюн (2003 сенеси февраль 28-де изалангъан 2229 санлы лицензия);

3) «Украина ер асты байлыкълары» «Крымгеология» Миллий акционер компаниясынынъ ярдымджы ишханесине (Симферополь ш.) — сыджакъ сувларнынъ ихтиятына къыймет кесмек макъсады иле Джанкой районында Шималь-Сиваш ер догъумынынъ Медведевка дамартысында амелий-истисал истисмары иле геологик теткъикъаты боюнджа ишлер алып бармакъ ичюн (2004 сенеси октябрь 28-де имзалангъан 2585 санлы махсус изин).

3. Къырым Мухтар Джумхуриети Юкъары Радасынынъ 2007 сенеси сентябрь 19-да къабул этильген «Ер асты байлыкъларындан файдаланмакъ ичюн махсус изинлернинъ аукцион вастасы иле сатылмасыны уйгъунлаштырув акъкъында» 574-5/07 санлы Къарарына (Къырым Мухтар Джумхуриетининъ норматив-укъукъий актлар Топламы , 2007 с., 9 сан, 865 мад., 12 сан, 1270 мад.) ашагъыдаки денъишме кирсетильсин:

1-нджи пунктнынъ 11 пунктасты лягъу этильсин.

4. Мезкюр Къарар къабул этильген кунюнден арекетке кире.