Украина Анаясасынынъ 7 ве 142 мадделерине, Къырым Мухтар Джумхуриети Анаясасынынъ 42-нджи маддесине, «Украинада ерли мустакъиль идарелиги акъкъында» Украина Къанунынынъ 62-нджи маддесине бинаен
Къырым Мухтар Джумхуриетининъ Юкъары Радасы к ъ а р а р б е р е:
1. Къырым Мухтар Джумхуриетинде девлет хызметчилернинъ ве ерли мустакъиль идарелиги органларнынъ ишчилерини гъайрыдан азырлав ве ихтисасыны котерюв, кадрларны азырлав къурулышыны малюматлаштырув боюнджа 2008—2010 сенелерине тедбирлери тасдикълансын (иляве этиле)*.
2. Къырым Мухтар Джумхуриетининъ назирлер Шурасына:
Къырым Мухтар Джумхуриетинде девлет хызметчилернинъ ве ерли мустакъиль идарелиги органларнынъ ишчилерини гъайрыдан азырлав ве ихтисасыны котерюв, кадрларны азырлав системасыны малюматлаштырув боюнджа 2008—2010 сенелерине тедбирлерини амельге кечирмек ичюн эр йыл Къырым Мухтар Джумхуриети бюджетининъ лейхаларыны тешкиль эткенде васталар козьде тутулсын;
юкъарыда къайд этильген тедбирлернинъ беджерильмеси боюнджа ишни меркезлештирюв, эм де оларнынъ амельге кечирмесине айырылгъан параларнен макъсатлы файдаланувы узеринден незарет эда этильсин.
3. Къырым Мухтар Джумхуриетинде девлет хызметчилернинъ ве ерли мустакъиль идарелиги органларнынъ ишчилерини гъайрыдан азырлав ве ихтисасыны котерюв, кадрларны азырлав системасыны малюматлаштырув боюнджа 2008—2010 сенелерине тедбирлерни амельге кечирюв ичюн ерли бюджетлерде параларны эр йыл козьде тутмакъ Къырым Мухтар Джумхуриетиндеки ерли мустакъиль идаре этюв органларына ве район девлет мемуриетлерине тевсие этильсин.
4. Мезкюр Къарарнынъ эда этилюви узеринден незарет Къырым Мухтар Джумхуриети Юкъары Радасынынъ ерли мустакъиль идарелиги ве мемурий-территориаль меселелери боюнджа Даимий комиссиясына авале этильсин.
5. Мезкюр Къарар къабул этильген кунюнден арекетке кире.
| Къырым Мухтар Джумхуриети Юкъары Радасынынъ Реиси | А. ГРИЦЕНКО |
| Симферополь ш., 2008 сенеси, февраль 20, № 765-5/08 |