Къырым Мухтар Джумхуриети Юкъары Радасынынъ Анаясасы 9-нджи маддесининъ учюнджи къысымына, 26-нджи маддеси экинджи къысмынынъ 1-нджи пунктына, «Тасиль акъкъында» Украина Къануннынъ 19-нджи маддесине бинаен
Къырым Мухтар Джумхуриетининъ Юкъары Радасы к ъ а р а р б е р е:
1. Къырым Мухтар Джумхуриети Юкъары Радасынынъ 2006 сенеси декабрь 20-де къабул олунгъан «Къырым Мухтар Джумхуриетининъ мулькиетине эсасланаракъ умумтасиль, ихтисас-техникий, мектепкедже, мектептен тыш ве алий окъув юртларнынъ педагогик ве ильмий-педагогик хызметчилерине мукяфатлар такъдим этильмеси акъкъында» 291-5/06 санлы Къарарына (Къырым Мухтар Джумхуриетининъ норматив-укъукъий актлар Топламы, 2006 с., 12 сан, 1163 мад.; 2007 с., 2 сан, 101 мад.) денъишмелер кирсетильсин:
Къырым Мухтар Джумхуриетининъ мулькиетине эсасланаракъ умумтасиль, ихтисас-техникий, мектепкедже, мектептен тыш ве алий окъув юртларнынъ педагогик ве ильмий-педагогик хызметчилерине мукяфатлар такъдим этильмеси акъкъында мезкюр Къарарнен тасдикълангъан Низамнамеде:
5-нджи пункт янъы муарриетте арз этильсин:
«5. Ашкярлыкъ ве айдынлыгъына риает этильмеси иле кениш музакереде педагогик джемиетчилиги иштирагинен мукяфатлар такъдим этювине намзетлернинъ огге чыкъарылмасы иштиракчилернинъ ишлеген ерлери боюнджа алып барыла.
Къырым Мухтар Джумхуриетининъ мулькиетине эсасланаракъ умумтасиль, ихтисас-техникий, мектепкедже, мектептен тыш ве алий окъув юртларнынъ педагогик ве ильмий-педагогик хызметчилерине мукяфатлар такъдим этильмесине Къырым Мухтар Джумхуриетининъ тасиль ве илим Назирлигине теклиф этильген намзетлер, шеэр, район тасиль болюклернинъ (идареликлернинъ), тасиль ве илим ишчилери профбирлигининъ территориаль органлары президиумларнынъ, шеэр, район шуралары тасили боюнджа даимий комиссияларнынъ коллегиялары бирлешкен топлашувларда музакере этильмеси лязим.
Мукяфатлар такъдим этильмесине намзетлери акъкъында малюмат, оларнынъ мувафакъиетлери, эмек фаалиетининъ тарифлемеси ве намзетлернинъ муайен шахсий хызметлери акъкъында малюматлары шеэр, район кутьлевий малюмат васталарында дердж олуна»;
6-нджи пунктта «август 1-дже» сезлери «июнь 1-дже» сезлерине денъиштирильсин.
2. Мезкюр Къарарнынъ эда этилюви узеринден незарет Къырым Мухтар Джумхуриети Юкъары Радасынынъ илим ве тасиль боюнджа Даимий комиссиясына авале этильсин.
3. Мезкюр Къарар къабул этильген кунюнден арекетке кире.
| Къырым Мухтар Джумхуриети Юкъары Радасынынъ Реиси | А. ГРИЦЕНКО |
| Симферополь ш., 2008 сенеси, февраль 20, № 762-5/08 |