«Территорияларны планлаштырув ве къуруджулыгъы аъкъында» Украина Къануннынъ 21-нджи маддесине, Къырым Мухтар Джумхуриети Анаясасынынъ 18-нджи маддеси биринджи къысмынынъ 1,2 пунктларына бинаен
Къырым Мухтар Джумхуриетининъ Юкъары Радасы к ъ а р а р б е р е:
1. Къырым Мухтар Джумхуриети Юкъары Радасынынъ 2002 сенеси сентябрь 18-де къабул олунгъан 241-3/02 санлы Къарарынен (Къырым Мухтар Джумхуриетининъ норматив-укъукъий актлар Топламы, 2002с., 9-нджи сан, 950 мад; 2003 с., 5 сан, 434 мад.; 2007 с., 10 сан, 990 мад.) тасдикълангъан Къырым Мухтар Джумхуриетинде къуруджылыкъ ве территориянен файдаланув Региональ къаиделерине ашагъыдаки денъишмелер кирсетильсин:
1.1. I болюгинде:
1-нджи пунктта «Реклама акъкъында» сезлерден сонъ «Девлет паралары ичюн маллар, ишлер ве хызметлерини сатын алув акъкъында» сезлери къошулсын.
1.2. II болюг янъы тарирде арз этильсин (иляве этиле)*.
1.3. III болюгинде адланувы янъы тарирде арз этильсин:
«ШЕЭР ВЕ КОЙ КЪАСАБАЛАРЫ ТЕРРИТОРИЯЛАРЫНЫ ПЛАНЛАШТЫРУВ БОЮНДЖА ШЕЭР КЪУРУДЖЫЛЫКЪНЫНЪ ВЕСИКЪАЛАРЫНЫ УЙГЪУНЛАШТЫРУВ ВЕ ТАСДИКЪЛАВ АКЪКЪЫНДА»
ашагъыдаки мундеридженен 3-1 пункты къошулсын:
«3-1. Территорияларны планлаштырув ве къруджылыгъында девлет, ичтимаий ве шахсий меракълары козь огюне алынсын.
3-1.1. «Территорияларны планлаштырув ве къуруджылыгъы акъкъында» Украина Къанунына бинаен, Къырым Мухтар Джумхуриетининъ шеэр къуруджылыгъы ве мимарджылыгъы меселелери боюнджа махсус векялетли органы, район девлет мемуриетлери озь векялетлерине бинаен региональ дереджесинде (Къырым Мухтар Джумхуриети территорияларнынъ, районларнынъ, оларнынъ айры къысымларны планлаштырув схемалары) ШКъВ муим олгъан къарарларнынъ музакере этильмесинде гражданларнынъ иштирак этюви боюнджа тедбирлер беджерелер.
3-1.2. Мааллий дереджеде, къуруджылыкънынъ мааллий укъукълары иле багълы къарарларны музакере этювде гражданларнынъ иштирак этюви боюнджа кой, къасаба, шеэр шураларнынъ иджра органлары озь векялетлерине бинаен тедбирлер беджерелер, ШКъВ муим къарарлары боюнджа музакере откерильмеси, ишленмеси, теклифлерни кирсетюв тертибининъ куню ве ери акъкъында, эм де мезкюр весикъаларнынъ тасдикъланмасы акъкъында кутьлевий малюматлар васталары иле эалиге хабер берелер.
3-1.3. Къуруджылыкънынъ мааллий къаиделерининъ, ШКъВ-ны музакере этильмесинде территориаль громадалар, джисманий ве адлие шахсларнынъ укъукълары:
«Гражданларнынъ мураджаатлары акъкъында» Украина Къанунына мувафыкъ айры территориясында къуруджылыкънынъ мааллий къаиделери, ШКъВ ишленмеси, шеэр къуруджылыгъынынъ объектлери ерлешюви, къуруджылыкънынъ мусааде этильген чешитлери ве айырылгъан топракъларнен дигер файдаланувы, айры айырылгъан топракъта къуруджылыкънынъ бир шараитлери ве сынъырлары акъкъында малюматлар алынмасына;
къуруджылыкънынъ мааллий къаиделери, ШКъВ-ы боюнджа джумлелер ве хулясалар кирсетмесине;
региональ севиесинде, дигер ШКъВ мааллий севиесинде территорияларны планлаштырув схемаларыны музакере этювде иштирак этмесине.
3-1.4. Къуруджылыкъларнынъ мааллий къаиделерине, ШКъВ-на аит теклиф этильген къарарлары иле разы олмагъан гражданлар ве оларнынъ бирлешмелери кой, къасаба, шеэр шураларнынъ аит иджра органларына мураджаат этмек укъукълары бар.
3-1.5. Шуранен къарар къабул этильмесине бахс суаллерини музакере эткен ве музакерелерининъ нетиджелери боюнджа бир ай муддетинде нетиджелер азырлагъан район (шеэр) шуралары иле тизильген къуруджылыкъ меселелери боюнджа муим комиссиясынен бахс ве тартышмалар себеплери боюнджа мураджаатларны музакере этильмеси, бахс меселелернинъ тез чезильмеси ве оларнынъ уйгъунлашмасы беджериле.
3-1.6. Бахс меселелер боюнджа къарар ШКъВ-гъы тасдикъланмасында козь огюне алына я да онъа денъишмелер кирсетмеси ичюн негиз ола биле, эм де объектлерни ерлештирюв ве къуруджылыгъында, территорияларнен дигер файдаланувы козь огюне алына».
1.4. IV болюгинде:
1-нджи пункт янъы муарриетте арз этильсин:
«1. Къуруджылыкънынъ объектлери ерлештирильмеси.
1.1. Файдаланувда (мулькиетинде) олгъан айырылгъан топракъта къуруджылыкъ объектнинъ ерлешюви иле меракълангъан джисманий ве адлие шахслар (къуруджылар) шурагъа я да онынъ иджра органына (шуранен векялетлери иджра органына берильген олса) аризанен (тевсиенаменен) ве зарур изаларнен мураджаат этелер. Къуруджылар къулланувында (мулькиетинде) айырылгъан топрагъы олмагъаны мунасебети иле ерлешкен ерини ве айырылгъан топракънынъ ольчюсини (айырылгъан топракънынъ сайланмасы ичюн зарур малюматларны топлав, онынъ сайланмасы ве айырылмасы усуллары тайинленюви) уйгъунлаштырув малюматлары азырланмасына рухсети акъкъында аризанен (тевсиенаменен) мураджаат этелер».
1.2. Эали яшагъан ерлери территориялары иле файдаланув ве къуруджылыгъы мааллий къаиделери негизинде къуруджылыкънынъ ерлештирюв имкяниети тайинленмеси шеэр къуруджылыгъы ве мимарджылыгъы малие органнынъ компетенциясына кире, оларнынъ олмамазлыгъы вакъытында — ШКъВ-на (эсас планына, деталли планлаштырув лейхасына, мааллелернинъ, микрорайонларнынъ къуруджылыгъы ве гъайрыдан къуруджылыгъы лейхасына) мувафыкъ.
1.3. Украина Назирлер Кабинетининъ 2007 сенеси январь 24-де къабул олунгъан «Эали яшагъан пункты муэндислик-транспорт ве ичтимаий инфраструктуралар инкишаф этмеси ичюн джельп этильген сымарджыларнынъ васталары сынъырлангъан ольчюсини къайд этюв акъкъында» 40 санлы Къарарына мувафыкъ ерли мустакъиль идаре органлары эали яшагъан пункты муэндислик-транспорт ве ичтимаий инфраструктуралар инкишафы ичюн сымарджыларнынъ васталарыны джельп этюв тертибини тасдикълай.
1.4. Сымарджы мимарджылыкъ ве шеэр къуруджылыгъы тарафындан ерли органларына ильк яратылгъан лейха теклиф этиле (къуруджылыкънынъ ерлешюви имкянларыны музакере этювинден эвель ильк яратылгъан лейха теклифке иляве оларакъ график ресими тарзында беджерильмеси мумкюн).
Амельдеки къуруджылыгъы шараитлеринде я да къуруджылыкънынъ ерли къаиделери олмамазлыгъы иле ондан бош мейданында объектнинъ ерлешюви вакъытта я да ШКъВ тасдикъланмасы иле сымарджынен шеэр къуруджылыгъы беджериле, ильк яратылгъан лейхасынен бирге ола биле.
Ишленмесининъ зарурлыгъы, шеэр къуруджылыгъынынъ макъсады, онынъ малюматларнынъ аит колемлери шеэр къуруджылыгъы ве мимарджылыгъы меселелери боюнджа ерли махсус векялетленген органлары иле я да шеэр къуруджылыгъы ве мимарджылыгъынынъ аит органынен анълашмасы иле сымарджынен бельгилене.
1.5. Шеэр шурасы иле (район дегерли шеэрлерден гъайры) я да векялетлери берильген онынъ иджра органы иле, райдевлетмемуриети иле объектнинъ къуруджылыгъына къарар къабул этиле. Мимарджылыкъ, топракъ ресурслары, санитар-эпидемиологик хызмети, янгъынгъа къаршы хызмети, табиатны къорув, медений асабалыгъынынъ эйкеллерини къорув, Къырым Мухтар Джумхуриетинде (айдав елларнынъ ходжалыгъы топракъларында олгъан объектлери ичюн) автомобиль елларнынъ Хызмети — органларнынъ, зарур олса — ерлештирген объектке топракъ айырув ве муэндислик теминлев шараитлерини бельгилеген дигер ишханелернинъ, тешкилятларнынъ, муэссиселернинъ хулясалары эсасында къарар къабул этиле. Озь хулясаларыны бельгиленген органлары мураджаат эткен кунюнден эки афта ичинде теклиф этелер.
Шеэр къуруджылыгъы ве мимарджылыгъы меселелери боюнджа махсус векялетленген органы иле объектнинъ къуруджылыгъына муреккеп нетидже ве къарар лейхасы азырлана. Объектнинъ къуруджылыгъына къарар меракълангъан шахснынъ аризасы теклиф этилюви кунюнден эки ай муддетинде бильдириджиге такъдим этиле.
Девлет мимарджылыгъы-къуруджылыгъынынъ незарети ерли инспекциясынынъ рухсети олмамазлыгъы себебинден объектнинъ къуруджылыгъына берильген изин къуруджылыкъ ишлери башланмасына укъукъ бермей ве айырылгъан топракъкъа мулькиетчилигини тасдикълайыджы весикъа оларакъ танылмай.
1,6. Къуруджылыкъкъа айырылгъан топракъ берильмеси ичюн аризада (тевсиенамеде) айырылгъан топракънынъ адреси, макъсады, файдаланув муддети ве мейданнынъ лязим олгъан колеми тайинлене.
1.7. Шурасынынъ иджра органы я да райдевлетмемуриети объектининъ къуруджылыгъына (ерлештирювине) айырылгъан топракънынъ сайланмасынен багълы суалини къарарлаштырув ичюн комиссия ярата, эксерий алда, иджра органынынъ реиси муавини иле башлыгъында. Мимарджылыкъ, топракъ ресурслары, санитарлы-эпидемиологик хызмети, янгъынгъа къаршы хызмети, табиатны къорув, медений асабалыгъынынъ эйкеллерини къорув, автоинспекциясынынъ, ерлештирген объектнинъ топрагъыны айырув усулларыны ве муэндислик теминлевини тайинлеген дигер ишханелери, тешкилятлары, муэссиселери органларнынъ векиллери комиссия теркибине кирелер, эм де сымарышчы, топракънен файдаланыджы (файдаланувгъа айырылгъан топракъ онынъ топракъларындан такъдим этиле) лейха яратыджылыгъы тешкиляты ве дигер.
1.8. Мимарджылыкъ ве шеэр къуруджылыгъы, топракъ ресурслары ерли органларнынъ теклифлери комиссиясынен музакере этиле (айдав елларнынъ ходжалыгъы топракъларында я да айырылгъан топракъларнынъ сынъырларына якъын территорияларда ерлешкен объектлер ичюн — Къырым Мухтар Джумхуриетинде автомобиль еллары Хызметинен бирликте). Комиссиясы ишлерининъ нетиджелери айырылгъан топракъны сайлав ве теткъикъ этюв актынен ресмийлештириле (1-нджи Иляве, 7-нджи Форма). График малюматлары къыйметли къысым оларакъ акткъа иляве этилелер.
Эали яшагъан пунктынынъ баш планындан я да дигер ШКъВ-нынъ экинджи нусхасы, айырылгъан топрагъы планынынъ экинджи нусхасы (зарур олса — медений асабалыгъы эйкеллерини къорув этрафларнынъ сынъырларыны косьтермеси иле тарихий-мимарджылыкъ планындан экинджи нусхасы) объектлерни ерлештирюв ерлернинъ уйгъунлашув малюматлары теркибине кирсетильмеси лязим.
Айрылгъан топракънынъ сайлав сенети теркип этильмесинден эвель топракънен файдаланыджыгъа, къомшу топракъларнен файдаланыджыларгъа (мулькиетчилерге) (эвель — койходжалыгъынынъ айры топракъларны мулькчилигинден чекип алув заманда) онынъ топракъларындан топракъ айырылмасы козьде тутула, япылгъан зарарларнынъ колеми, алынгъан къатнынъ къалынлыгъы, колеми, анбарлыкъ ери я да айырылмасынынъ, сенетте костерильген, дигер шараитлери тайинлене.
Объект къуруджылыгъына топракъ сайланмасынен бир сырада сенетте къайд этильген муэндислик теминлев иншаатлары (чокъ къатлы эвлерге кириш еллары, сув агълары, канализация, электроагълар ве дигерлери) къурулышы ичюн ерлер ве трассалар сайлана.
Шеэр къуруджылыгъы ве мимарджылыгъы, санитар-эпидемиологик хызмети, табиатны къорув, медений асабалыгъынынъ эйкеллерини къорув, топракъ ресурслары органларнынъ хулясалары айырылгъан топракънынъ сайлав сенетине иляве этиле. Топракъ айырув лейхасынынъ ишленмеси эки басамакъта откериле.
1.9. Лейха тизильмесинден эвель ишленмелер, топракъларнынъ макъсадлы файдаланмасынынъ денъишмелеринен багълы гъайрыдан тикленмеси ве кенишлештирювине ильк яратылгъан лейхалары, Къара ве Азов денъизлерининъ ялысы елагъында (эали яшагъан пунктлары территорияларынынъ кирсетильмеси иле) ерлешкен топракъларны сайлав ве теткъикъ этюв сенетлери иле янъы къуруджылыкъ, (тедавийлев-сагъламлаштырув ерлерде, курортларда) санитар къорув даирелери сынъырларында, медений асабалыгъынынъ эйкеллерини къорув этрафларында, эм де шеэр къурув къыймети олгъан объектлерге ве елларны хызмет этюв объектлери Къырым Мухтар Джумхуриетининъ шеэр къуруджылыгъы ве мимарджылыгъы меселелери боюнджа векялетли органынен, Къырым Мухтар Джумхуриетинде автомобиль елларнынъ (ел ходжалыгъы топракъларында я да айырылгъан топракъларнен сынъырлангъан территорияларында объектлери ичюн) Хызметинен уйгъунлаштырыла, гепатоген зоналарнынъ сынъырларыны тайинлев макъсадынен къуруджылыкъны ерлештирюв топракъларына эксперт къыймет кесмесине зарур.
1.10. «Медений асабалыгъыны къорув акъкъында» Украина Къанунынынъ I болюгининъ 1-нджи маддесине, VI болюгине, Украина Назирлиги Кабинетининъ 2006 сенеси июль 3-те къабул олунгъан 909 санлы Къарарынен тасдикълангъан эали яшагъан ерини тарихий танылмасы Тертибининъ 3-нджи пунктына, Украина Назирлер Кабинетининъ 2002 сенеси март 13‑те 318 санлы Къарарынен тасдикълангъан эали яшагъан ерлернинъ сынъырларыны тайинлев ве тарихий сынъырларынынъ файдаланув низамлары, эали яшагъан ерлернинъ тарихий сынъырлары олгъан территориясында ходжалыкъ фаалиетини сынъырларыны тайинлев Тертибининъ 11-нджи пунктына мувафыкъ беджерильген медений асабалыгъынынъ эйкеллерини къорув этрафлары ве оларнынъ севиелерине багълы файдаланувы медений асабалыгъынынъ эйкеллерини къорув этрафларынынъ лейхалары эсасында тайинлене.
Медений асабалыгъынынъ эйкеллерини къорув сынъырлары ве севиелерине багълы медений асабалыгъынынъ эйкеллерини къорув этрафындаки территорияларынен файдаланув тертиби медений асабалыгъынынъ эйкеллерини къорув боюнджа муим махсус векялетленген органлары иле тасдикълана.
Медений асабалыгъынынъ эйкеллерини къорув махсус векялетленген органларына аит оларнынъ севиелерине эсасланаракъ уйгъунлашкъан къабул олунгъан къарарларнынъ лязим композицион ве дигер тарифленмелерини беслеген тек махсус беджерильген лейхасына эсасланаракъ медений абаданлыгъынынъ эйкеллерини къорув этрафларнынъ территорияларынен файдаланувнынъ тайинленген тертибинден чекильмек мумкюн.
Лейхада косьтерильген биналарнынъ я да иншаатларнынъ эйкеллернен къыяслангъаныны косьтерген теткъиъкатлары иле лейха олмакъ лязим, оларнынъ эали яшагъан ернинъ къыяфетине тесири.
1.11. Лейхалар шарт ярышы ичюн эали яшагъан пунктларынынъ этрафлары территориялардаки къуруджылыкънынъ ерли къаиделеринен таинлене.
1.12. Объектлернинъ къуруджылыгъынен меракълангъан джисманий я да адлие шахсларнен азырлангъан уйгъунлаштырув малюматлары шурагъа я да векялетлери эйетленген иджра органына, райдевлет мемуриетине такъдим этиле, оларнен музакере этиле, ве айырылгъан топракънынъ ерлешюв ери ве ольчюси уйгъунлашувы акъкъында къарар (фурсат) азырлана ве къабул этиле.
1.13. Джисманий я да адлие шахс айырылгъан ернинъ файдаланыджысы (мулькиетчиси) олса, тайинленген топракъта объект къуруджылыгъына къарар къабул олуна.
1.14. Джисманий я да адлие шахслар айырылгъан ернинъ файдаланыджысы (мулькчиси) олмаса, къайд этильген топракъта мимарджылыкъ объекти ерлешюви ерини эвель уйгъунлаштырув акъкъында ве къайд этильген топракъта объектнинъ къуруджылыгъына рухсет берильмеси акъкъында къарар (ферман) къабул этиле»;
2-нджи пунктта:
2.1 пунктастында «лейха-теткъикъий ишлер откерильмесине ферман (къарар)» сезлери «объект къуруджылыгъына къарар» сезлерге денъиштирильсин;
2.4 пунктастында:
экинджи сатырбашында «лейха-теткъикъий ишлер беджерильмесине рухсет» сезлери «объект къуруджылыгъына къарар» сезлерге денъиштирильсин;
учюнджи сатыр башында «лейха-теткъикъий ишлер беджерильмесине рухсет» сезлери «объект къуруджылыгъына къарар» сезлерге денъиштирильсин;
2.8 пунктастында:
экинджи сатырбашында «(лейха-теткъикъий ишлер истисалына рухсет)» сезлери «объект къуруджылыгъына къарар» сезлерине денъиштирильсин;
алтынджы сатырбашында «(лейха-теткъикъий ишлери беджерильмесине рухсети ичюн)» сезлери «(объект къуруджылыгъына къарары ичюн)» сезлерине денъиштирильсин;
2.9 пунктастында:
экинджи сатырбашында «лейха-теткъикъий ишлер беджерильмесине рухсет» сезлери «объект къуруджылыгъына къарар» сезлерге денъиштирильсин;
бешинджи сатырбашында «(лейха-теткъикъий ишлер беджерильмесине рухсети ичюн)» сезлери «(объект къуруджылыгъына къарары ичюн)» сезлерине денъиштирильсин;
4-нджи пунктта:
4.6 пунктастынынъ экинджи сатырбашында «сейсмик телюкеси» сезлери «сейсмик» сезюне денъиштирильсин;
4.10 пунктастында «2-нджи Иляведе къайд этильген онынъ откерильмесини талап этмеген лейхалары объектлерининъ джедвели» сезлери чыкъарылсын;
4.12 пунктастында «А.2.2-3-97 ДБН 9.15 пунктастында къайд этильгенде (муреккеплигине таби)» сезлери чыкъарылсын;
5-нджи пунктта:
5.12 пунктастында «лейха-теткъикъий ишлерининъ истисалы ичюн рухсет бере (сонъра — ПИР)» сезлери «объектнинъ къуруджылыгъына къарар бере» сезлерге денъиштирильсин;
5.16 пунктастында «къурулышлар» сезю «биналар (иншаатлар)» сезлерине денъиштирильсин;
5.18 пунктатсында «къурулышлар» сезю «биналар (иншаатлар) сезлерге денъиштирильсин»;
6-нджи пунктта:
6.2 пунктасты янъы тарирде арз этильсин:
«6.2. Къуруджылыкъ эда этильмесине рухсет алынмасы ичюн, къуруджы (сымарджы) ДМКъН инспекциясына ашадаки весикъалар теклиф этмек керек:
ариза;
ишленильген лейха (иш весикъалары — къуруджылыкънынъ баш планы ве эки нусхада бинанынъ ог тарафынынъ паспорты, джедвельге алынмасы ичюн изалы тезкере), къанунджылыкънен тайинленген тертипте уйгъунлашкъан ве тасдикълангъан;
айырылгъан топракънен файдаланмасыны я да мулькчилиги укъугъыны тасдикълагъан весикъа, сымарджы (къуруджы) айырылгъан топракънынъ саиби я да файдаланыджысы олмагъан заманда топракъта къурумакъ ичюн топракъ саибининъ нотариаль тасдикълайыджы рухсети бериле, топракънен файдаланув вакъытта исе, — онынъ къуруджылыгъына саибининъ нотариаль тасдикълайыджы ве топракънен файдалангъаннынъ разылыгъы;
шеэркъуруджылыгы объектининъ къурулмасына рухсетнаме акъкъында аит шурасынынъ иджра органынынъ я да райдевлеттешкилятининъ къарары (топракъ къанунджылыгъынен тайинленген тертипте шеэркъуруджылыгъынынъ объектини ерлештирюв ичюн девлет я да коммуналь мульки топракъларындан айырылгъан топракъларыны такъдим этюв акъкъында къарар кой, къасаба я да шеэр шурасынен къабул этильмеси алда);
девлет инвестицион экспертизасынынъ эйи комплексли хулясасы;
ишлернинъ месулиетли истисаллары тайинленмеси акъкъында весикъа ве авторлыкъ ве техникалы къорув беджерильмеси акъкъында малюматлар.
Тайинленген ишлер эда этильмесине рухсет алынмасы ичюн шеэр къуруджылыгъы объектлерини гъайрыдан тиклев, темель темирлев заманында эв я да къурувына мулькчилик укъугъыны тасдикълагъан иляве оларакъ весикъанынъ экинджи нусхасы теклиф этиле, я да тайинленген ишлерини откерильмесине онынъ саибининъ язма шекилинде разылыгъы»;
6.4 пунктастына «ве девлет инвестицион экспертизаларнынъ эйи комплекс хулясалары теклиф этильсин» сезлер къошулсын;
ашадаки мундеридженен 6.6 пунктасты къошулсын:
«6.6. Бир ай муддети ичинде къуруджынен (сымарджынен) теклиф этильген весикъаларыны музакере этюв, къуруджылыкънынъ ишлери эда этильмесине рухсет такъдим этильмеси акъкъында къарар къабул этюв ве оны такъдим этюв я да тарифленген ред этюв ДМКъН инспекциясына авале этиле. Шахсий эв къуруджыларгъа бу муддет 15 кунюнден зияде олмагъаны къайд этиле».
1.5. V болюгинде:
болюгининъ адланувы янъы тарирде арз этильсин:
«КЪУРУДЖЫЛЫКЪ ВЕ ТИДЖАРЕТ, ХЫЗМЕТ КОСЬТЕРЮВ ВЕ РЕКЛАМА МУВАКЪКЪАТЛЫ ИНШААТЛАРНЫ (ОБЪЕКТЛЕРИНИ) ЕРЛЕШТИРЮВ МЕСЕЛЕЛЕРИНИ КЪАРАРЛАШТЫРУВ ТЕРТИБИ»
4-нджи пунктта 4.11 пунктастында «УССДж малие Назирлигининъ 1987 сенеси декабрь 17-де къабул олунгъан 112 санлы къулланмасына мувафыкъ Украина Гражданлыкъ кодексининъ 137-джи маддеси иле» сезлери «амельдеки къанунджылыгъынен» сезлерине денъиштирильсин.
1.6. VI болюгинде:
2-нджи пунктта:
2.4, 2.5, 2.6, 2.7, 2.8, 2.10, 2.11, 2.12, 2.13 пунктастларында «Мимарджылыкъ паспорты» сезлери «Мимарджылыкъ-техникъий паспорты» аит келишлерде сезлерине денъиштирильсин;
3-нджи пунктта:
«Мимарджылыкъ объектининъ мимарджылыкъ-техникъий паспорты» сезлери «Мимарджылыкъ-техникъий паспорт» сезлерине денъиштирильсин;
3.2 пунктастында «Мимарджылыкъ объектининъ мимарджылыкъ-техникий паспорты» сезлери «Мимарджылыкъ-техникъий паспорт» сезлерине денъиштирильсин;
1.7. Мезкюр Региональ къаиделерге 1-нджи Илявесинде:
3-нджи Шекильде баш саифесинде «Мимарджылыкъ паспорты» сезлери «Мимарджылыкъ-техникий паспорты» сезлерине денъиштирильсин;
4-нджи Шекильде баш саифесинде «Мимарджылыкъ объектнинъ мимарджылыкъ-техникий паспорты» селери «Мимарджылыкъ-техникъий паспорт» сезлерине денъиштирильсин;
5-нджи Шекильде:
2-нджи пунктнынъ учюнджи, докъузынджы, онунджы сатырбашларында «(лейха-теткъикъий ишлер беджерильмесине рухсетлер берильмеси)» сезлери «(объект къуруджылыгъына къарарлар)» сезлерине денъиштирильсин;
17-нджи пунктында «Мимарджылыкъ объектнинъ мимарджылыкъ-техникий паспорты» сезлери «Мимарджылыкъ-техникий паспорт» сезлерине денъиштирильсин;
36-нджи пунктында «Теткъикъий ишлер алып барылмасына рухсет берильмеси» сезлери «Объект къуруджылыгъына къарар»;
8-нджи Шекильде «Къурулышлар аъкъында малюматлар» сезлери «Биналар (иншаатлар) акъкъында малюматлар».
1.8. Мезкюр Региональ къаиделердеки 2-нджи Илявеси чыкъарылсын.
1.9. Мезкюр Региональ къаиделердеки 3-нджи Илявесинде:
4-нджи пункттында «къурулышлар» сезю «биналар (иншаатлар)» сезлерине денъиштирильсин.
2. Къырым Мухтар Джумхуриети Юкъары Радасынынъ 2002 сенеси сентябрь 18-де къабул олунгъан 241-3/02 санлы Къарарынен тасдикълангъан Къырым Мухтар Джумхуриетинде къурулышларнынъ ве территориянен файдаланувнынъ Региональ къаиделери, мезкюр Къарарнынъ 1-нджи пунктында къайд этильген денъишмелери иле, арз этильмеси Къырым Мухтар Джумхуриетининъ назирлер Шурасына авале этильсин.
3. Мезкюр Къарар къабул этильген кунюнден арекетке кире.
| Къырым Мухтар Джумхуриети Юкъары Радасынынъ Реиси | А. ГРИЦЕНКО |
| Симферополь ш., 2008 сенеси, февраль 20, № 764-5/08 |