КъМДж ЮР Къарары

Топракъ таюви, виран олув кетишатлардан, сув басувы ве сув ташувлардан Къырым Мухтар Джумхуриетининъ территорияларыны муэндислик къорчалав 2008—2011 сенелерине Региональ программасы акъкъында

Къырым Мухтар Джумхуриетининъ территориясында эалининъ яшамасы ичюн хавфсыз шараитлер тизилюви ве объектлернинъ къазасыз арекет этмеси макъсадынен Къырым Мухтар Джумхуриети Анаясасыныныъ 26-нджи маддеси экинджи къысымынынъ 11-нджи пунктына, «Къырым Мухтар Джумхуриетининъ Юкъары Радасы акъкъында» Украина Къанунынынъ 9-нджи маддеси экинджи къысымынынъ 12 пунктына, Украина Назирлер Кабинетининъ 2002 сенеси февраль 15-те къабул олунгъан № 160 Къарарынен тасдикълангъан Украина шеэрлери ве койлерининъ территорияларында сув басувнынъ нетиджелерини екъ этюв Комплексли программасына, Украина Назирлер Кабинетининъ 2004 сенеси сентябрь 22-де къабул олунгъан 1256 санлы Къарарынен тасдикълангъан 2005—2014 сенелерине топракъ таювынынъ нетиджелерини екъ этюв Комплексли программасына бинаен

Къырым Мухтар Джумхуриетининъ Юкъары Радасы к ъ а р а р б е р е:

1. Топракъ таюви, виран олув кетишатлардан, сув басувы ве сув ташувлардан Къырым Мухтар Джумхуриетининъ территорияларыны муэндислик къорчалав 2008—2011 сенелерине Региональ программасы тасдикълансын (иляве этиле)

2. Къырым Мухтар Джумхуриетининъ бюджетинде лейхаларны тешкиль этювде топракъ таюви, виран олув кетишатлардан, сув басувы ве сув ташувлардан Къырым Мухтар Джумхуриетининъ территорияларыны муэндислик къорчалав 2008—2011 сенелерине Региональ программасыны малиенен теминлеви козьде тутулмасы эр йыл Къырым Мухтар Джумхуриетининъ назирлер Шурасына авале этильсин.

3. Ерли бюджетлернинъ лейхаларыны тешкиль эткенде топракъ таюви, виран олув кетишатлардан, сув басувы ве сув ташувлардан Къырым Мухтар Джумхуриетининъ территорияларыны муэндислик къорчалав 2008—2011 сенелерине Региональ программасыны омюрге кечирюв ичюн паралар козьде тутулмасы Къырым Мухтар Джумхуриетинде ерли мустакъиль идарелиги органларына тевсие этильсин.

4. Мезкюр Къарарнынъ эда этилюви узеринден незарет Къырым Мухтар Джумхуриети Юкъары Радасынынъ укъукъий меселелери, укъукънизам ве февкъульаде вазиетлер боюнджа Даимий комиссиясына, Къырым Мухтар Джумхуриети Юкъары Радасынынъ санайы, къуруджылыкъ, транспорт, багъ ве якъарлыкъ-энергетик комплекси боюнджа Даимий комиссиясына, Къырым Мухтар Джумхуриети Юкъары Радасынынъ аграр ве топракъ меселелери, экология ве табиаттан эльверишли файдаланув боюнджа Даимий комиссиясына авале этильсин.

5. Мезкюр Къарар къабул этильген кунюнден арекетке кире.