КъМДж ЮР Къарары

Истидатлы балаларнен ве яшларнен иш алып барув 2008—2010 сенелерине Джумхурий программасы акъкъында

Къырым Мухтар Джумхуриети Анаясасынынъ 26-нджи маддесине, Украина Назирлер Кабинетининъ 2007 сенеси август 8-де къабул олунгъан 1016 санлы «2007—2010 сенелерине истидатлы яшларнен иш алып барув макъсадлы Девлет программасы тасдикъланмасы акъкъында» Къарарына бинаен, итсидатлы яшларгъа къол тутув, иджадий, интеллектуаль, руханий ве бедений инкишафы макъсадларында

Къырым Мухтар Джумхуриетининъ Юкъары Радасы к ъ а р а р б е р е:

1. Истидатлы балаларнен ве яшларнен иш алып барув 2008—2010 сенелерине Джумхурий программасы тасдикълансын (иляве этиле)

2. 2008 сенесине Къырым Мухтар Джумхуриетининъ бюджетине денъишмелер кирсетювде ве 2009—2010 сенелерине Къырым Мухтар Джумхуриетининъ бюджет лейхаларыны шекиллендиргенде истидатлы балаларнен ве яшларнен иш алып барув 2008—2010 сенелерине Джумхурий программасыны омюрге кечирювде паралар айырылмасы Къырым Мухтар Джумхуриетининъ Назирлер Шурасынен козьде тутулсын.

3. Истидатлы балаларнен ве яшларнен иш алып барув 2008—2010 сенелерине джумхурий программалары ишленмеси ве тасдикъланмасы ве малиенен теминлеви Къырым Мухтар Джумхуриетининъ шеэр шураларынынъ иджра комитетлерине ве девлет район мемуриетлерине тевсие этильсин.

4. Мезкюр Къарарнынъ эда этильмеси боюнджа незарет Къырым Мухтар Джумхуриети Юкъары Радасынынъ илим ве тасиль боюнджа Даимий комиссиясына авале этильсин.

5. Мезкюр Къарар къабул этильген кунюнден арекетке кире.