КъМДж ЮР Къарары

Къырым Мухтар Джумхуриети Юкъары Радасынынъ 2007 сенеси декабрь 19-да къабул олунгъан 689-5/07 санлы Къарарынен тасдикълангъан Къырым Мухтар Джумхуриетинде 2008—2009 сенелерине джинаетчиликнинъ огюни алув боюнджа Региональ комплексли программасына денъиш­мелер кирсетильмеси ве мезкюр Региональ программаны иджра этиджилерге тахсислер такъсим этильмеси акъкъында

Къырым Мухтар Джумхуриети Анаясасынынъ 26-нджы маддесиндеки экинджи къысмынынъ 1, 11 пунктларына бинаен

Къырым Мухтар Джумхуриетининъ Юкъары Радасы к ъ а р а р б е р е:

1. Къырым Мухтар Джумхуриетининъ Назирлер Шурасына:

1.1. Оксюзлер ве ана-баба васийлигинден марум къалгъан балаларны толу девлет беслевине масрафларнынъ 2008 сенесинде толу колеминде малиенен теминлеви боюнджа тедбирлер алып барылсын.

1.2. Мезкюр масрафларгъа бюджет васталарнынъ баш такъсимлейиджилерге айырылгъан тахсислери сынъырларында Къырым Мухтар Джумхуриети Юкъары Радасынынъ 2006 сенеси октябрь 18-де къабул олунгъан 218-5/06 санлы Къарары иле тасдикълангъан 2006—2010 сенелерине Къырым Мухтар Джумхуриетинде балаларнынъ бакъымсызлыгъы ве незаретсизлигини енъмек Программасыны малиенен теминлевине васталар эр йыл Къырым Мухтар Джумхуриети бюджетининъ лейхасы тизильгенде козьде тутулсын.

1.3. Къырым Мухтар Джумхуриетининъ яшлар ишлери, къоранта ве гендер сиясети боюнджа Назирлигине авале этильсин:

ичтимаий-психологик реабилитацион балалар центрине балалар ичюн сыгъанакъ агълары гъайрыдан тешкиль этильмеси 2008—2010 сенелер ичинде темин этильсин;

Украинанынъ къоранта ишлери, яшлар ве спорт боюнджа Назирлигине, Украинанынъ тасиль ве илим Назирлигине, 2007 сенеси март 5-те 186/13453 саны иле Украинанынъ адлие Назирлигинде джедвельге алынгъан Украинанынъ сагълыкъны сакълав Назирлигининъ 2007 сенеси февраль 2-де къабул олунгъан 302/80/49 санлы «Оксюзлер ве ана-баба васийлигинден марум къалгъан балалар муэссиселеринден балаларнынъ авуштырылмасы ве къоранта тарздаки тербиелевнинъ балаларны ичтимаий къорув Тертибини тасдикълав акъкъында» Ферманларгъа бинаен оксюзлер ве ана-баба васийлигинден марум къалгъан балалар муэссиселеринден ве ичтимаий къорув муэссиселеринден балаларнынъ къоранта тарздаки тербиелев муэссиселерине авушмасы отькерильсин;

оксюзлер ве ана-баба васийлигинден марум къалгъан балаларнынъ мескен ве мулькиет реестри тизильмеси ве кирсетильмеси 2008 сенесининъ биринджи ярымйыллыгъында ерли мустакъиль идаре органларынен бирликте теминленсин;

Къоранта ишлери, яшлар ве спорт боюнджа Украина Назирлигининъ 2007 сенеси август 13-де къабул олунгъан 2865 санлы «Огей къоранталар ве къоранта тарздаки балалар эвлери кърулышы, ве оларда оксюзлер ве ана-баба васийлигинден марум къалгъан балаларны ерлештирюв 2008—2011 сенелерине Планы тасдикъланмасы акъкъында» ферманына мувафыкъ 2008—2011 сенелерине Къырым Мухтар Джумхуриетинде огей къоранталар ве къоранта тарздаки балалар эвлери кърулышы планы ерли мустакъиль органларынен бирликте ишленип чыкъарылсын, оксюзлер ве ана-баба васийлигинден марум къалгъан балаларны тербиеге алгъан къоранталаргъа эр тарафлама ярдым теминленсин.

1.4. Къырым Мухтар Джумхуриетининъ беден тербиеси ве спорт боюнджа Джумхурий комитетине ве Къырым Мухтар Джумхуриетинде ерли мустакъиль идарелиги органлары ве район девлет мемуриетлеринен бирликте авале этильсин:

балалар-осьмюрлер спорт мектеплеринде, спорт клубларында, спорт тарафлама секциялар ве тогереклерде беден тербиенен ве спортнен балаларнынъ ве осьмюрлернинъ огърашмасы эда этильмеси ичюн кереккен шараитлер теминленсин, оксюзлер ве ана-баба васийлигинден марум къалгъан балаларнынъ, чокъ балалы къоранталардан ве аз теминленген къоранталардан балаларнынъ ве сакъат балаларнынъ иштирак этмесине эсас дикъкъат этильсин;

«Эписи ичюн спорт» шеэр ве район меркезлери ачылмасында къол тутмакъ.

2. Къырым Мухтар Джумхуриетинде ерли мустакъиль идарелиги органларына ве район девлет мемуриетлерине тевсие этильсин:

2.1. Балалар-осьмюрлер спорт мектеплери, яшагъан ерлери боюнджа клублар агълар­нынъ сакъланып къалмасы теминленсин.

2.2. Спорт урбалары, спорт эшья сатын алынмасы ичюн ве балалар-эвлятлар спорт мектеплери, яшагъан ерлери боюнджа клубларнынъ маддий-техникалы базасы пекитильмесине малие васталары айырылмасы 2008—2010 сенелери ерли бюджетлерде козьде тутулсын.

3. Къырым джумхурий эалини ишнен темин этюв меркезине тевсие этильсин:

3.1. 5 файызлы квоталары олгъан ишсиз къадынларгъа, эм де эалини ишнен темин этюв меркезине мураджаат эткен оксюзлер ве ана-баба васийлигинден марум къалгъан балаларгъа ишнен теминлевде комплексли адрес хызметлери теклиф этильмеси теминленсин.

3.2. Эмек фаалитини сайлавында (эмек чаршысынынъ ихтияджларындан отьрю) яшларгъа къол тутув, яшларгъа профессиональ ярдым косьтерильсин.

4. Кемалатлы яшына етмеген балалар ичюн шеэр сыгъанагъы 2008 сенеде къарышыкъ шекилинде балалар эвине гъайрыдан тешкиль этильмеси акъкъында меселени музакере этюв Симферополь шеэр шурасынынъ иджра комитетине тевсие этильсин.

5. Къырым Мухтар Джумхуриети Юкъары Радасынынъ 2006 сенеси октябрь 18-де къабул олунгъан 218-5/06 санлы Къарары иле (Къырым Мухтар Джумхуриетининъ норматив-укъукъий актлар Топламы, 2006 с., 10 сан, 885 м.) тасдикълангъан 2006—2010 сенелерине Къырым Мухтар Джумхуриетинде балаларнынъ бакъымсызлыгъыны ве незаретсизлигини енъмек Программасына ашадаки денъишме кирсетильсин:

VI болюги 4-нджи пунктнынъ 4.1 пунктасты янъы тарирде арз этильсин:

6. Мезкюр Къарарнынъ эда этилюви боюнджа незарет Къырым Мухтар Джумхуриети Юкъары Радасынынъ медениет, яшлар ве спорт ишлери боюнджа Даимий комиссиясына авале этильсин

7. Мезкюр Къарар къабул этильген кунюнден арекетке кире.