Къырым Мухтар Джумхуриети Анаясасынынъ 26-нджи маддесиндеки экинджи къысмынынъ 1-нджи пунктына бинаен
Къырым Мухтар Джумхуриетининъ Юкъары Радасы к ъ а р а р б е р е:
1. Къырым Мухтар Джумхуриети Юкъары Радасынынъ 2007 сенеси декабрь 19-да къабул олунгъан 689-5/07 санлы Къарарынен тасдикълангъан Къырым Мухтар Джумхуриетинде 2008—2009 сенелерине джинаетчиликнинъ огюни алув боюнджа Региональ комплексли программасына (Къырым Мухтар Джумхуриетининъ норматив-укъукъий актлар Топламы, 2007 с., 12 сан, 1250 мадде), ашагъыдаки денъишмелер кирсетильсин:
V болюгинде:
13-нджи пунктына ашагъыдаки мундеридженен 13.8, 13.9, 13.10, 13.11 пунктастлары къошулсын:
| 1 | 2 | 3 | 4 | 5 | 6 | 7 |
| 13.8. Тынчлыкъ вакъытында ве февкъульаде арбий вазиети шараитинде Къырым Мухтар Джумхуриетининъ реберлиги ве мухтариетнинъ къувет къурулышлары укюмет алякъасы иле тайинленген тертипте теминленсин (Къырым Мухтар Джумхуриетинде Украинанынъ Девлет махсус алякъа ве малюматны къорув Идаресининъ режимли одаларына назарий техник васталары кирсетильмеси) | КъМДж-нде Украина Девлет махсус алякъа ве малюмат къорув хызметининъ Идареси | 2008—2009 | КъМДж-нинъ бюджети — 0,12 | 0,05 | 0,07 | |
| 13.9. Малюматларнен къулланув ясакъ ихтимал каналларны тайинлемек макъсады иле малюмат фаалиетининъ махсус алетли тешкерюви алып барылсын («Lanos» Daewoo автомобиллери ве ВАЗ-21099 автомобили сатын алынмасы) | КъМДж-нде Украина Девлет махсус алякъа ве малюматны къорув хызметининъ Идареси | 2008—2009 | КъМДж-нинъ бюджети — 0,12 | 0,07 | 0,05 | |
| 13.10. Харьков Миллий ички ишлер университетининъ Къырым адлие институтында алий малюмат, магистратура, адъюнктура инкишафынынъ вазифелери беджерильмеси ичюн аит шараитлер къурумына къол тутув | Харьков Миллий ички ишлер университетининъ Къырым адлие институты | 2008—2009 | КъМДж-нинъ бюджети 0,2 | 0,2 | ||
| 13.11. Киев ве Симферополь ш. Меркезий район махкемелерининъ мальземе-техникалы базасы пекитильсин ве укъукъий махкеме откерильмеси ичюн келишкен шараитлер азырлансын | КъМДж-нде Украинанынъ Девлет махкеме мемуриетининъ территориаль идарелиги (Киев ве Симферополь ш. Меркезий район махкемелери ичюн) | 2008—2009 | КъМДж-нинъ бюджети — 0,16 | 0,16 |
2. Къырым Мухтар Джумхуриети Юкъары Радасынынъ 2007 сенеси декабрь 19-да къабул олунгъан 689-5/07 санлы Къарарынен тасдикълангъан Къырым Мухтар Джумхуриетинде 2008—2009 сенелерине джинаетчиликнинъ огюни алув боюнджа Региональ комплексли программасынынъ тедбирлери эда этильмесине Къырым Мухтар Джумхуриетининъ 2008 сенесине бюджетинден айырылгъан тахсислер илеридеки иджра этиджилер боюнджа такъсимленсин:
Украина ИИМ ички арбийлернинъ Къырым территориаль командалыкъ Идарелигине — 300,0 бинъ грн. (малюматны техникалы къорувыны теминлевине — 15,0 бинъ грн, панорамлы газгъа къаршы васталар сатын алувына — 15,0 бинъ грн., «Chery Elara 2.0 MT+» (2 д.) патруль автомобиллер сатын алувына — 170,0 бинъ грн., якъарлыкъ-май мальземелер ве автомобильнынъ ихтият къысымлары сатын алувына — 100,0 бинъ грн.);
Къырым Мухтар Джумхуриетинде Украинада Девлет махсус алякъа ве малюматны къорув хызметининъ Идаресине — 65,0 бинъ грн. («Lanos» Daewoo автомобильни сатын алувына);
Харьков Миллий ички ишлер университетининъ Къырым адлие институтына — 200,0 бинъ грн. (земаневий окъув техник васталары иле одаларны теминлев ичюн, хусусан компьютер техникасы иле);
Къырым Мухтар Джумхуриетинде Украина Девлет махкеме мемуриетининъ территориаль идарелигине — 60,0 бинъ грн. (Симферополь ш., Киев район махкемесининъ одаларыны ве тамирлев иншаатларыны тюзетюв ичюн), 100,0 бинъ грн. (Симферополь ш. Меркезий районындаки махкеме бинасынынъ гъайрыдан тикленмеси отькерильмеси ичюн).
3. Мезкюр Къарарнынъ эда этильмеси боюнджа незарет Къырым Мухтар Джумхуриети Юкъары Радасынынъ укъукъий меселелери, укъукъий тертип ве февкъульаде вазиетлер боюнджа Даимий комиссиясына авале этильсин.
4. Мезкюр Къарар къабул этильген кунюнден арекетке кире.
| Къырым Мухтар Джумхуриети Юкъары Радасынынъ Реиси | А. ГРИЦЕНКО |
| Симферополь ш., 2008 сенеси, февраль 20, № 755-5/08 |