Къырым Мухтар Джумхуриети Юкъары Радасынынъ 1999 сенеси 21-апрельде къабул олунгъан 459-2/99 санлы Къарарынен тасдикълангъан Къырым Мухтар Джумхуриетининъ мулькюнен я да онынъ идаресине теслим этильген мулькнен идаре этмек тертиби акъкъында Низамнамесине бинаен
Къырым Мухтар Джумхуриетининъ Юкъары Радасы к ъ а р а р б е р е:
1. Къырым Мухтар Джумхуриетининъ Назирлер Шурасына арекетте олгъан Украина къанунджылыгъы бельгилеген тертип ве муддет ичинде Симферополь ш., Февральская, 13-эв адреси боюнджа ерлешкен «Наркология диспансери» Къырым джумхуриет муэссисесине къошулув вастасынен Феодосия ш., Ленин джаддеси, 12-эв адреси боюнджа ерлешкен Къырым Мухтар Джумхуриетининъ Сагълыкъ сакълав Назирлигининъ Джумхуриет наркология психотерапевтик меркезининъ гъайрыдан тешкилятландырувыны кечирмесине разылыкъ берильсин.
2. Мезкюр Къарарнынъ эда этильмеси незарети Къырым Мухтар Джумхуриети Юкъары Радасынынъ ичтимаий меселелер, сагълыкъны сакълав ве ветеранлар ишлери боюнджа Даимий комиссиясына авале этильсин.
3. Мезкюр Къарар къабул этильген кунюнден арекетке кире.
| Къырым Мухтар Джумхуриети Юкъары Радасынынъ Реиси | А. ГРИЦЕНКО |
| Симферополь ш., 2007 сенеси, декабрь 19 № 714-5/07 |