КъМДж ЮР Къарары

КЪЫРЫМ МУХТАР ДЖУМХУРИЕТИ ЮКЪАРЫ РАДАСЫНЫНЪ 2002 СЕНЕСИ 17-ИЮЛЬДЕ КЪАБУЛ ОЛУНГЪАН 174-3/02 САНЛЫ КЪАРАРЫНЕН ТАСДИКЪЛАНГЪАН КЪЫРЫМ МУХТАР ДЖУМХУРИЕТИ ЮКЪАРЫ РАДАСЫНДА ТОПРАКЪ ДАМАРТЫЛАРЫНЫ КЕРИ КЪАЙТАРМАКЪ ВЕ ТАКЪДИМ ЭТМЕКНЕН БАГЪЛЫ МЕСЕЛЕЛЕРНИ ЧЕЗМЕК МУВАКЪКЪАТ ТЕРТИБИ АКЪКЪЫНДА НИЗАМНАМЕСИНЕ ДЕНЪИШМЕЛЕР КИРСЕТИЛЬМЕСИ АКЪКЪЫНДА

Къырым Мухтар Джумхуриети Анаясасынынъ 26-нджы маддесиндеки экинджи къысмынынъ 1, 31-нджи пунктларына, «Къырым Мухтар Джумхуриетининъ Юкъары Радасы акъкъында» Украина Къанунынынъ 9-нджы маддесиндеки экинджи къысмынынъ 32-нджи пунктына бинаен, Украина Топракъ кодексинде козьде тутулгъан Къырым Мухтар Джумхуриети Юкъары Радасынынъ темсильджилигини омюрге кечирмек макъсадынен

Къырым Мухтар Джумхуриетининъ Юкъары Радасы  к ъ а р а р  б е р е:

Къырым Мухтар Джумхуриети Юкъары Радасынынъ 2002 сенеси 17-июльде къабул олунгъан 174-3/02 санлы Къарарынен (Къырым Мухтар Джумхуриетининъ норматив-укъукъий актлар топламы, 2002 с., № 7, 583 мад.; 2003 с., № 3, 201 мад.; 2005 с., № 5, 389 мад., № 10, 929 мад.) тасдикълангъан Къырым Мухтар Джумхуриети Юкъары Радасында топракъ дамартыларыны кери къайтармакъ ве такъдим этмекнен багълы меселелерни чезмек мувакъкъат тертиби акъкъында Низамнамесине ашагъыдаки денъишмелер кирсетильсин:

5-нджи пункт мезкюр тарирде арз этильсин:

«5. Къырым Мухтар Джумхуриетининъ Юкъары Радасы объектлернинъ ерлешюв ерлери малюматлары уйгъунлаштырылмасы меселелерини бакъкъанда уйгъунлаштырыладжакъ малюматларгъа меджбурий тарзда мезкюр хулясалар (уйгъунлаштырмалар) къошулмакъ лязим:

мувафыкъ мааллий озь-озюни идаре этюв органларындан — шуранынъ къарары шекилинде ресмийлештирильген территориаль джемаатчылыкъларнынъ топракъларында объектнинъ ерлешюв ери уйгъунлаштырылгъаны акъкъында;

Къырым Мухтар Джумхуриетинде район девлет мемуриетлеринден — буйрукъ шекилинде ресмийлештирильген девлет мулькиети топракъларында объектнинъ ерлешюв ери уйгъунлаштырылгъаны акъкъында;

дигер топракъ файдаланыджылардан, топракъ дамартыларнынъ саиплеринден — объект­нинъ ерлешюв ери уйгъунлаштырылгъаны акъкъында;

Къырым Мухтар Джумхуриетининъ Къуруджылыкъ сиясети ве мимарджылыкъ Назирлигинден — арекетте олгъан къанунджылыкъ козьде туткъан тертипте уйгъунлаштырылгъан объект топракъ дамартысында ерлешмеси мумкюнлиги акъкъында;

Къырым Мухтар Джумхуриетининъ топракъ ресурслары боюнджа Джумхурий комитетинден — такъдим этильген объект ерлештирилюви ери уйгъунлаштырмасы малюматлары арекетте олгъан топракъ къанунджылыгъына аит олгъаны акъкъында;

Къырым Мухтар Джумхуриетининъ этрафтаки табиат муитининъ муафаза этюв боюнджа Джумхурий комитетинден — мезкюр топракъ дамартысына такъдим этильген объект ерлештирилюви ери уйгъунлаштырмасы малюматлары табиатны муафаза этюв къанунджылыгъынынъ талапларына аит олгъаны акъкъында;

Къырым Мухтар Джумхуриетининъ медений мирасны муафаза этюв боюнджа Джумхурий комитетинден — мезкюр топракъ дамартысында уйгъунлаштырылгъан объект ерлешмеси мумкюнлиги акъкъында;

Къырым Мухтар Джумхуриетининъ дагъ ве авджылыкъ ходжалыгъы боюнджа Джумхурий комитетинден — дагъходжалыгъы тайинлеви олгъан топракъларгъа нисбетленген мезкюр топракъ дамартысында уйгъунлаштырылгъан объект ерлешмеси мумкюнлиги акъкъында;

Къырым Джумхуриети санитар-эпидемиологик станциясындан — топракъ дамартысы уйгъунлаштырылгъан объект ерлешмеси ичюн келишкени акъкъында;

Девлет Азов-Черномор экология инспекциясындан — арекетте олгъан къанунджылыкъ такъдим эткен векялетликке бинаен Къырым Мухтар Джумхуриетинде мезкюр инспекциянынъ арекет этюв сынъырларында экология ичюн хавфлы объектлерни ерлештирмек мумкюнлиги акъкъында;

Къырым Мухтар Джумхуриетининъ Назирлер Шурасы янындаки ер асты байлыкъларыны геологик теткъикъаты, файдалы мальземелер къазып чыкъарылмасы, рекреацион тайинлеви олгъан топракъларнынъ комплексли ишлетильмеси ве инкишаф этильмесинен багълы иш тешеббюсчилиги фаалиетини тертипке кетирмек боюнджа муэссисеара комиссиясындан — комиссия топлашувынынъ протоколындан тезкере шекилинде ресмийлештирильген объект ерлештирилюви ери уйгъунлаштырмасы малюматлары ильк бакъылгъаны акъкъында.

Объект ерлештирилюви ери уйгъунлаштырмасы малюматларында олмакъ лязим весикъалар:

яшалгъан нокътанынъ баш планы я да дигер шеэркъуруджылыкъ весикъаларындан чыкъарылгъан кочюрме;

объект ерлештирилюв вариантлары кирсетильген ве умумий мейданлыгъы косьтерильген топракъ дамартысы планынынъ кочюрме нусхасы;

мувафыкъ имзалар ве муурьлери олгъан алда объект ерлештирилюв вариантлары кирсетильген топракъ дамартысы планынынъ кочюрме нусхасы къошулгъан топракъ дамартысынынъ топракъ категориялары боюнджа (арсаларнынъ теркиби) характеристикасы, топракъ (топракъ теркиби), осюмликлернинъ алямет характеристикасыны кирсеткен топракъ дамартысы сечими акты;

койходжалыкъ ве дагъходжалыкъ истисалы гъайыплары колемининъ эвельки эсаплавы (койходжалыкъ ве дагъходжалыкъ истисалы иле багълы олмагъан мухтаджлыкъ ичюн койходжа­лыкъ арсалары ве дагъ топракъларыны къолгъа кечирмек козьде тутулса).

Объектнинъ ерлешюв ери уйгъунлаштырмасы малюматларына Къырым Мухтар Джумхуриетининъ статистика баш идареси берген Украина ишханелер ве тешкилятлар екяне девлет реестринден чыкъарып язылгъан тезкере ве адлиевий шахыс девлет джедвелине алынгъаны акъкъында шеадетнаме къошулмакъ керек»;

6-нджы пункт чыкъарылсын.

2. Мезкюр Къарар къабул этильген кунюнден арекетке кире.