КъМДж ЮР Къарары

КЪЫРЫМ МУХТАР ДЖУМХУРИЕТИ ЮКЪАРЫ РАДАСЫНЫНЪ 2002 СЕНЕСИ 19-ИЮНЬДЕ КЪАБУЛ ОЛУНГЪАН 135-3/02 САНЛЫ КЪАРАРЫНЕН ТАСДИКЪЛАНГЪАН КЪЫРЫМ МУХТАР ДЖУМХУРИЕТИ ЮКЪА¬РЫ РАДАСЫНЫНЪ ДАИМИЙ КОМИССИЯЛАРЫ ВЕ ОЛАРНЫНЪ ВАЗИФЕЛЕРИ АКЪКЪЫНДА НИЗАМНАМЕСИНЕ ДЕНЪИШМЕЛЕР КИРСЕТИЛЬМЕСИ АКЪКЪЫНДА

Къырым Мухтар Джумхуриети Анаясасынынъ 18-нджи маддесиндеки экинджи къысмынынъ 2 ве 9-нджы пунктларына, 26-нджы маддесиндеки экинджи къысмынынъ 1, 31-нджи пунктларына ве «Къырым Мухтар Джумхуриетининъ Юкъары Радасы акъкъында» Украина Къанунынынъ 9-нджы маддесиндеки экинджи къысмынынъ 32-нджи пунктына бинаен, Къырым Мухтар Джумхуриети Юкъары Радасынынъ темсильджилигини омюрге кечирмек механизмини мукеммеллештирмек ве Къырым Мухтар Джумхуриети Юкъары Радасынынъ даимий комиссиялары ишининъ семерелилигини арттырмакъ макъсадынен

Къырым Мухтар Джумхуриетининъ Юкъары Радасы  к ъ а р а р  б е р е:

1. Къырым Мухтар Джумхуриети Юкъары Радасынынъ 2002 сенеси 19-июньде къабул олунгъан 135-3/02 санлы Къарарынен (Къырым Мухтар Джумхуриетининъ норматив-укъукъий актлар топламы, 2002 с., № 6, 493 мад.; 2003 с., № 2, 102 мад., № 4, 341 мад.; 2004 с., № 12, 1104 мад.; 2005 с., № 9, 800 мад.; 2006 с., № 9, 737 мад., № 10, 887 мад.; 2007 с., № 5, 432 мад.) тасдикълангъан Къырым Мухтар Джумхуриети Юкъары Радасынынъ даимий комиссиялары ве оларнынъ вазифелери акъкъында Низамнамесине ашагъыдаки денъишмелер кирсетильсин:

9-нджы бабда:

9.4 пунктастынынъ биринджи сатырбашында «мезкюр меселелер боюнджа» сёзлерден сонъ «эм де койлер, къасабалар сынъырларыны денъиштирмек боюнджа, Украина Юкъары Радасына районлар, шеэрлер сынъырларыны денъиштирмесине нисбетен теклифлер кирсетильмеси» сёзлеринен текмилленсин;

9.11 пунктастында:

он экинджи сатырбашы чыкъарылсын;

он учюнджи сатырбашында мезкюр сёзлер чыкъарылсын:

«территориаль джемаатчылыкъларнынъ умумий мулькиети олгъан топракълардан идаре этмек, топракъ мунасебетлери саасында район ве шеэр (джумхурий эмиети олгъан шеэрлер) шураларынынъ фаалиетинден идаре этмек»;

«ве денъишмелер».

2. Къырым Мухтар Джумхуриети Юкъары Радасынынъ аграр ве топракъ меселелери, экология ве табиаттан анълакъсал файдаланув боюнджа Даимий комиссиясы Къырым Мухтар Джумхуриети Юкъары Радасында арекетте олгъан къанунджылыкътаки денъишмелерни козьде тутаракъ, топракъ дамартыларыны кери къайтармакъ ве такъдим этмекнен багълы меселелерни чезмек тертиби ве Къырым Мухтар Джумхуриети Юкъары Радасынынъ даимий комиссияларынынъ вазифелери акъкъында низамнаменинъ янъы таририни азырласын ве Къырым Мухтар Джумхуриети Юкъары Радасынынъ бакъымына кирсетсин.

3. Мезкюр Къарар къабул этильген кунюнден арекетке кире.