КъМДж ЮР Къарары

ЕР АСТЫ БАЙЛЫКЪЛАРЫНДАН ФАЙДАЛАНМАКЪ ИЧЮН МАХСУС ИЗИНЛЕР БЕРИЛЬМЕСИ АКЪКЪЫНДА РИДЖАНАМЕЛЕРНИНЪ УЙГЪУНЛАШТЫРЫЛМАСЫ АКЪКЪЫНДА

Къырым Мухтар Джумхуриети Анаясасынынъ 18-нджи маддесиндеки биринджи къысмынынъ 2 ве 9-нджы пунктлары, 26-нджы маддесиндеки экинджи къысмынынъ 31-нджи пункты, ер асты байлыкълары акъкъында Украина Кодексининъ 9-нджы маддесиндеки 2-нджи пункты, 16 ве 19-нджы мадделерине, Украина Назирлер Кабинетининъ 2007 сенеси 14-марттаки 480 санлы Къарарынен тасдикълангъан ер асты байлыкъларындан файдаланмакъ ичюн 2007 сенесинде махсус изинлер берильмеси Тертибининъ 7-нджи пунктына бинаен

Къырым Мухтар Джумхуриетининъ Юкъары Радасы  к ъ а р а р  б е р е:

1. Ер асты байлыкъларындан файдаланмакъ ичюн махсус изинлер берильмеси акъкъында риджанамелер уйгъунлаштырылсын:

1) «Львов демир ёлу» девлет территориаль-саа бирлешмесине (Киев ш.) — «Львов демир­ёлджусы» пансионатны ходжалыкъ-ичимлик сунен теминлемек ичюн ер асты татлы сувлар Судакъ ер догъумынынъ (№№ 6838, 6714, 6831 бужарлары) «Львов демирёлджусы» дамартысында геошынас теткъикъатлар боюнджа амелият-истисал ишлери кечирмек ичюн;

2) «АКС. Марина» шахсий ишханесине (Раздольный районы, Березовка к.) — пычма киречташлар ихтиятыны тапмакъ ичюн Раздольный районы Ново-Нивовский дамартысында геошынас теткъикъатлар боюнджа амелият-истисал ишлери кечирмек ичюн;

3) «Н. И. Пирогов адына Сакъ меркезий арбий клиника санаторийси» (Сакъ ш.) девлет ишханесине — санаторийни ходжалыкъ-ичимлик сунен теминлемек ичюн Алма ер догъумынынъ Сакъ дамартысында (№ 4341 бужары) ер асты татлы сувлар чыкъармакъ ичюн;

4) «Альянс нефтересурс» месулиети сынъырлангъан джемиетине (Сакъ районы, Сизовка к.) — пычма киречташлар ихтиятыны айдынлатмакъ ичюн Сакъ районындаки Гъарбий Сасыкъ дамартысында геошынас теткъикъатлар боюнджа амелият-истисал ишлери кечирмек ичюн;

5) «Даир» базиргян эви» шахсий ишханесине (Симферополь ш.) — Киров районында ер асты минераль сувлар Айвазов ер догъумында (№ 1-РЭ бужары) геошынас теткъикъатлар боюнджа амелият-истисал ишлери кечирмек ичюн;

6) «Къырым Нарзаны» месулиети сынъырлангъан джемиетине (Ялта ш., Форос шчкъ) — Феодосия ш. (Илья буруну) сынъырларында ерлешкен «Къырым Нарзаны» дамартысында геошынас теткъикъатлар боюнджа амелият-истисал ишлери кечирмек ичюн;

7) «Радуга ЭС» шахсий ишханесине (Белогорск районы, Мельничное к.) — Белогорск районында пычма киречташлар Придорожное ер догъумында дивар ташы чыкъармакъ ичюн.

2. Ер асты байлыкъларындан файдаланмакъ ичюн махсус изинлернинъ арекет этюв муддети девамлансын:

1) «Маруся» базиргян эви» (Красноперекопск ш.) истисал ишханеси месулиети сынъырлангъан джемиетине — ер асты сувлар Шималь Сиваш ер догъумынынынъ думартысында (№ 2226 бужар) геошынас теткъикъатлар боюнджа амелият-истисал ишлерини екюнлемек ичюн (2004 сенеси 29-сентябрьде берильген № 2569 махсус изин);

2) «Надра Украины» Миллий акционер джемиетининъ «Крымгеология» таби ишханесине (Симферополь ш.) — Черномор районында табиий газ Оленевка ер догъумында геошынас теткъикъатлар боюнджа амелият-истисал ишлерини екюнлемек ичюн (2002 сенеси 18-декабрьде берильген № 2016 изин).

3. Къырым Мухтар Джумхуриети Юкъары Радасынынъ 2007 сенеси 19-сентябрьде къабул олунгъан «Ер асты байлыкъларындан файдаланмакъ ичюн махсус изинлер аукцион вастасы иле сатылмасы уйгъунлаштырылмасы акъкъында» 574-5/07 санлы Къарарына (Къырым Мухтар Джумхуриетининъ норматив-укъукъий актлар топламы, 2007 с., № 9, 865 мад.) ашагъыдаки денъишме кирсетильсин:

1-нджи пунктнынъ 6-нджы пунктасты лягъу этильсин.

4. Мезкюр Къарар къабул этильген кунюнден арекетке кире.