КъМДж ЮР Къарары

КЪЫРЫМ МУХТАР ДЖУМХУРИЕТИНДЕ 2008 СЕНЕСИНЕ МААЛЛИЙ ОЗЬ-ОЗЮНИ ИДАРЕ ЭТЮВГЕ КЪОЛТУТУВ ВЕ ИНКИШАФ ЭТТИРЮВ КОМПЛЕКСЛИ ПЛАН АКЪКЪЫНДА

Украина Анаясасынынъ 7 ве 142-нджи мадделерине, Къырым Мухтар Джумхуриети Анаясасынынъ 42-нджи маддесине, «Украинада мааллий озь-озюни идаре этюв акъкъында» Украина Къанунынынъ 62-нджи маддесине, Украина Президентининъ 2001 сенеси 30-августта имзалангъан «Украинада мааллий озь-озюни идаре этюв инкишафына девлет къолтутувы акъкъында» Эмирине бинаен ве Къырым Мухтар Джумхуриетинде мааллий озь-озюни идаре этювни илериде инкишаф эттирмек макъсадынен

Къырым Мухтар Джумхуриетининъ Юкъары Радасы  к ъ а р а р  б е р е:

1. Къырым Мухтар Джумхуриетинде 2008 сенесине мааллий озь-озюни идаре этювге къолтутув ве инкишаф эттирюв Комплексли план тасдикълансын (иляве этиле).

2. Юкъарыда анъылгъан Комплексли планнынъ тедбирлерини омюрге кечирильмеси Къырым Мухтар Джумхуриети Юкъары Радасынынъ 2001 сенеси 21-ноябрьде къабул олунгъан 2145-2/01 санлы Къарарынен яратылгъан Къырым Мухтар Джумхуриетинде мааллий озь-озюни идаре этювге къолтутув ве инкишаф эттирюв комплексли планларны омюрге кечирмек боюнджа Координацион кенъешке авале этильсин.

3. Къырым Мухтар Джумхуриетинде 2008 сенесине мааллий озь-озюни идаре этювге къолтутув ве инкишаф эттирюв Комплексли план тедбирлерининъ малиенен теминлевине масрафлар сметасы тасдикълансын (иляве этиле).

4. Къырым Мухтар Джумхуриетининъ Назирлер Шурасы Къырым Мухтар Джумхуриетининъ 2008 сенесине бюджет лейихасыны шекиллендиргенде:

айры сатырнен Къырым Мухтар Джумхуриетинде 2008 сенесине мааллий озь-озюни идаре этювге къолтутув ве инкишаф эттирюви Комплексли план тедбирлерининъ макъсатлы малиенен теминлевине 100,0 бинъ грн. микъдарында;

2008 сенеси мааллий озь-озюни идаре этювнинъ инкишафы лейихалары ве программаларынынъ Бутюнкъырым ярышыны кечирмек ве гъалип чыкъкъан лейихалар ве программаларнынъ омюрге кечирилювини малиенен теминлемек ичюн 2,6 млн. грн. микъдарында пара васталарыны

козьде тутсын.

5. Мезкюр Къарарнынъ 2-нджи пунктында анъылгъан Координацион кенъеш 2009 сенесининъ февраль айында Къырым Мухтар Джумхуриети Юкъары Радасына юкъарыда анъылгъан Комплексли планнынъ тедбирлери эда этильмеси акъкъында эсабат берсин.

6. Мезкюр Къарарнынъ эда этилюв незарети Къырым Мухтар Джумхуриети Юкъары Радасынынъ мааллий озь-озюни идаре этюв ве мемурий-территориаль меселелер боюнджа Даимий комиссиясына авале этильсин.

7. Мезкюр Къарар къабул этильген кунюнден арекетке кире.